ߘߎ߰ߣߍ߲ ߘߏ߫ ߓߍ߫ ߤߌߙߋ߫ ߘߊߝߍ߬ ߜߋ߲ߞߐ߰ߖߌ߬ߘߊ ߟߊ߫ ߞߏ߫ ߖ߭ߋߜ߭ߏ߫߸ ߏ߬ ߡߐ߱ ߟߎ߬ ߡߐߣߡߍߣߍ߲ߕߐ ߣߴߊ߬ߟߎ߫ ߛߎ߬ߣߎ߲߬ߡߍ߬ߣߍ߲߬ߕߐ ߟߋ߬ ߕߋ߲߬، ߓߊߏ߬߸ ߞߐ߬ߟߏ߲߫ ߕߊ߬ߡߌ߲߬ߣߍ߲ ߥߊ߬ߛߌ߬ߥߙߊ ߕߋ߬ߟߋ߫ ߂߄߸ ߘߋ߲ߣߍ߲߫ ߛߊ߲߬ ߁߀ ߘߏ߫ ߟߋ߬ ߛߎ߭ ߦߋ߫ ߘߊ߫߸ ߡߍ߲ ߕߐ߯ ߞߏ߫ ߌߖ߭ߊߞ، ߊ߬ ߕߎߣߎ߲߫ ߘߊ߫ ߞߊ߬ߦߌ߯ ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬، ߊ߲ߖ߭ ߞߏߟߐ߲ߓ ߡߋߦߌߓߏ߫ ߓߊߙߌ߲ߣߍ߲ ߠߋ߬ ߕߎ߲߬ ߦߴߊ߬ ߘߌ߫߸ ߏ߬ ߟߞߊ߬ߙߊ߲߬ߠߌ߲߬ߠߊ ߟߋ߬ ߘߌ߫ ߤߌߙߋ߫ ߞߊ߬ߙߊ߲߬ߕߊ ߟߊ߫.

ߕߟߋ߬ ߘߊ߲ߘߐ߫ ߢߌߣߌ߲ߠߌ߲ ߞߐ ߘߐ߫ ߘߌ߲߬ߞߌߙߊ ߓߍ߯ ߘߐ߫ ߖߌ߰ߘߐ߬ߞߏ߬ߟߏ߲߬ߧߊ ߘߌ߫߸ ߘߋ߲ߣߍ߲ ߛߎ߭ ߟߋ߬ ߕߊ߯ ߘߊ߫ ߦߋ߫߸ ߡߍ߲ ߞߍ߫ ߘߊ߫ ߓߙߊ߬ߒ߬ߘߐ ߣߌ߫ ߜߊ߬ߒ߬ߠߊ߬ߞߏ ߘߌ߫ ߘߎ߰ ߡߐ߮ ߟߎ߫ ߞߊ߲߬، ߘߋ߲ߣߍ߲߫ ߗߍ߬ߓߊ߬ߟߋ߲߬ߣߍ߲ ߡߍ߲ ߦߋ߫ ߣߌ߲߬߸ ߊ߬ ߦߋ߫ ߘߊ߫ ߟߊ߬ߞߙߐ߬ߛߌ߬ߟߌ ߟߎ߬ ߞߐ߫߸ ߞߏ߫ ߊ߬ ߝߊ߰ ߘߊ߫ ߡߙߊ߬ߒ߬ߡߊ߬ߝߋ߲ ߠߋ߬ ߟߊ߫߸ ߊ߬ ߕߌ߯ߕߌ߯߸ ߡߙߎ߬ߓߊ، ߊ߬ ߛߎ߭ ߦߋ߫ ߢߊ ߘߐ߫߸ ߊ߬ ߡߊߕߍ߰ߕߍ߰ߣߍ߲ ߠߋ߬ ߦߋ߫ ߟߊ߫ ߝߊ߲߭ ߓߍ߯ ߘߐ߫߸ ߕߍ߰ߟߌ߬ ߞߏߏ߬ߖߎ߰ߦߊ ߘߝߊߣߍ߲ ߘߐ߫߸ ߞߵߊ߬ ߕߟߏ߫ ߞߋߟߋ߲ ߕߍ߰ ߊ߬ ߟߊ߫، ߊ߬ ߦߋ߫ ߢߊ߫ ߛߎ߮ ߏ߬ ߟߋ ߞߊ߬ ߛߌߞߊ߫ ߢߐ߲߰ ߡߊ ߟߊߘߏ߲߬ ߛߏ ߞߣߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߝߊ߰ߣߍ߲߫ ߞߵߊ߬ ߞߍ߫ ߓߊߛߌ߫ ߛߐ ߟߋ߬ ߘߌ߫ ߥߟߊ߫ ߞߎ߲߬ߞߏ߬ߦߊ߬ ߢߊߓߐ ߘߏ߫ ߟߋ߬ ߘߌ߫ ߓߊ߯ߙߊ߫ ߖߎ߯ ߞߍ ߘߐ߫.

ߞߊ߬ ߓߐ߫ ߛߊ߬ߦߊ ߞߍߢߊ ߡߐߣߍߦߊ ߞߐ߫߸ ߜߊ߬ߒ߬ߠߊ߬ߞߏ߬ ߜߘߍ߫ ߦߋ߫ ߣߌ߲߬ ߞߏ ߘߐ߫߸ ߡߍ߲ ߡߊߞߓߊߣߍ߲߫ ߞߏߛߓߍ߫، ߏ߬ ߦߋ߫ ߡߎ߲߬ ߘߌ߫߸ ߛߌߞߊ߫ ߞߍߣߍ߲߫ ߡߐ߰ ߟߎ߫ ߟߋ߬ ߡߊ߬ ߣߌ߲߬ ߞߏ ߘߐ߫߸ ߡߍ߲ ߠߎ߬ ߦߋ߫ ߘߊ߫ ߟߊ߫ ߛߏ ߞߣߐ߫، ߓߊߏ߬߸ ߊ߬ߟߎ߬ ߟߊ߫ ߛߏ (ߖ߭ߋߜ߭ߏ߫) ߛߏߕߌ߮ ߕߐ߮ ߦߴߊ߬ ߘߐ߫߸ ߞߏ߫ ߊ߬ ߣߌ߫ ߘߋ߲ߣߍ߲ ߝߊ߰ߓߊ߮ ߦߋ߫ ߢߐ߲߯ ߞߊ߬ߟߊߡߊ߬، ߓߊ߬ߙߌ߬ ߤߊ߲߯ ߕߋ߲߬߸ ߘߊ߬ߟߎ߬ ߖߐ߲ߖߐ߲߫ ߡߊߛߐ߬ߛߐ߬ߓߊߟߌ߫ ߡߊ߫ ߛߋ߫ ߛߐ߬ߘߐ߲߬ ߠߊ߫ ߢߊߢߌߣߌ߲ߠߌ߲ ߠߎ߬ ߘߐ߫ ߝߟߐ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߛߌߞߊߒߡߊ߫ ߜߊ߲߯ߛߊ߲߫ ߕߍ߫߸ ߝߏ߫ ߕߎ߬ߢߊ.

ߣߌ߲߬ ߞߊ߬ߙߊ߲߬:

ߛߏ ߞߣߐ߫ ߡߐ߮ ߟߎ߫ ߞߏ߬ߣߌ߲ ߡߐߣߍߣߍ߲ߓߊ ߟߋ߬߸ ߞߏ߫ ߝߏ߫ ߣߌ߲߬ ߞߏ ߕߎ߬ߢߊ ߟߋ߬ ߓߊ߯ ߟߊߓߐ߫ ߕߘߋ߫، ߊ߬ߟߎ߬ ߞߊ߲߫ ߞߏ߫ ߞߎ߲߬ߠߊ߬ߛߘߌ ߓߘߊ߫ ߝߊ߲߬ߞߊ߫ ߛߐ߬ߘߐ߲߫ ߊ߬ߟߎ߫ ߝߍ߬ ߦߋ߲߬߸ ߞߵߏ߬ ߟߊ߫ ߞߏߟߊߕߐ߲ߓߊߟߌߦߊ ߞߊ߲߬، ߊ߬ ߞߏ ߢߊߢߌߣߌ߲ ߦߴߌߘߐ߫ ߊ߬ ߢߊߢߌߣߌ߲߫ ߢߊ ߖߍ߬ߘߍߖߍ߬ߘߍ ߡߊ߬߸ ߞߵߏ߬ ߞߎ߲߭ ߞߍ߫ ߛߏ߫ ߞߣߐ߫ ߡߐ߮ ߟߎ߬ ߞߍ ߘߌ߫ ߞߵߊ߬ߟߎ߬ ߢߊ ߣߴߊ߬ߟߎ߬ ߣߌ ߛߌ߰ ߊ߬ ߞߏ ߞߊ߲߬، ߛߏ߫ ߞߣߐ߫ ߡߐ߮ ߟߎ߬ ߞߊ߲߫ ߌߞߐ߫߸ ߞߏ߫ ߝߊ߰ߡߊ ߟߎ߬ ߦߴߊ߬ߟߎ߬ ߞߊߘߊ߲߫ ߞߊ߬ ߜߟߋ߬ߞߋ߫ ߘߏ߲߬ ߊ߬ߟߎ߬ ߢߌ߲ ߝߍ߬ ߣߌ߲߬ ߞߏ ߘߐ߫߸ ߞߵߊ߬ ߕߎ߬ߢߊ ߟߊߓߐ߫ ߜߍ ߘߐ߫، ߌߖ߭ߊߞ ߟߊ߫ ߡߐ߱ ߟߎ߬ ߞߊ߲߫߸ ߞߏ߫ ߊ߬ߟߎ߬ ߕߍ߫ ߝߌ߬ߟߊ߬ ߘߐ߫߸ ߊ߬ߟߎ߬ ߕߍ߫ ߛߓߊ߬ ߘߐ߫߸ ߞߏ߫ ߊ߬ߟߎ ߘߋ߲ ߕߐ߮ ߕߍ߫ ߓߌ߬ߟߊ߬ ߟߊ߫ ߡߐ߰ ߟߎ߬ ߕߐ߯ ߞߊ߲߬߸ ߢߌ߬ߣߊ߬ ߞߍߣߍ߲߫ ߡߍ߲ ߠߎ߬ ߞߐ߫߸ ߣߌ߫ ߞߏ߫ ߞߵߊ߬ߟߎ߫ ߛߐ߬ߘߐ߲߬ ߣߌ߲߬ ߢߊ߫ ߛߎ߮ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫

ߘߎ߰ߣߍ߲ ߘߏ߫ ߓߍ߫ ߤߌߙߋ߫ ߘߊߝߍ߬ ߜߋ߲ߞߐ߰ߖߌ߬ߘߊ ߟߊ߫ ߞߏ߫ ߖ߭ߋߜ߭ߏ߫߸ ߏ߬ ߡߐ߱ ߟߎ߬ ߡߐߣߡߍߣߍ߲ߕߐ ߣߴߊ߬ߟߎ߫ ߛߎ߬ߣߎ߲߬ߡߍ߬ߣߍ߲߬ߕߐ ߟߋ߬ ߕߋ߲߬، ߓߊߏ߬߸ ߞߐ߬ߟߏ߲߫ ߕߊ߬ߡߌ߲߬ߣߍ߲ ߥߊ߬ߛߌ߬ߥߙߊ ߕߋ߬ߟߋ߫ ߂߄߸ ߘߋ߲ߣߍ߲߫ ߛߊ߲߬ ߁߀ ߘߏ߫ ߟߋ߬ ߛߎ߭ ߦߋ߫ ߘߊ߫߸ ߡߍ߲ ߕߐ߯ ߞߏ߫ ߌߖ߭ߊߞ، ߊ߬ ߕߎߣߎ߲߫ ߘߊ߫ ߞߊ߬ߦߌ߯ ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬، ߊ߲ߖ߭ ߞߏߟߐ߲ߓ ߡߋߦߌߓߏ߫ ߓߊߙߌ߲ߣߍ߲ ߠߋ߬ ߕߎ߲߬ ߦߴߊ߬ ߘߌ߫߸ ߏ߬ ߟߞߊ߬ߙߊ߲߬ߠߌ߲߬ߠߊ ߟߋ߬ ߘߌ߫ ߤߌߙߋ߫ ߞߊ߬ߙߊ߲߬ߕߊ ߟߊ߫.

ߕߟߋ߬ ߘߊ߲ߘߐ߫ ߢߌߣߌ߲ߠߌ߲ ߞߐ ߘߐ߫ ߘߌ߲߬ߞߌߙߊ ߓߍ߯ ߘߐ߫ ߖߌ߰ߘߐ߬ߞߏ߬ߟߏ߲߬ߧߊ ߘߌ߫߸ ߘߋ߲ߣߍ߲ ߛߎ߭ ߟߋ߬ ߕߊ߯ ߘߊ߫ ߦߋ߫߸ ߡߍ߲ ߞߍ߫ ߘߊ߫ ߓߙߊ߬ߒ߬ߘߐ ߣߌ߫ ߜߊ߬ߒ߬ߠߊ߬ߞߏ ߘߌ߫ ߘߎ߰ ߡߐ߮ ߟߎ߫ ߞߊ߲߬، ߘߋ߲ߣߍ߲߫ ߗߍ߬ߓߊ߬ߟߋ߲߬ߣߍ߲ ߡߍ߲ ߦߋ߫ ߣߌ߲߬߸ ߊ߬ ߦߋ߫ ߘߊ߫ ߟߊ߬ߞߙߐ߬ߛߌ߬ߟߌ ߟߎ߬ ߞߐ߫߸ ߞߏ߫ ߊ߬ ߝߊ߰ ߘߊ߫ ߡߙߊ߬ߒ߬ߡߊ߬ߝߋ߲ ߠߋ߬ ߟߊ߫߸ ߊ߬ ߕߌ߯ߕߌ߯߸ ߡߙߎ߬ߓߊ، ߊ߬ ߛߎ߭ ߦߋ߫ ߢߊ ߘߐ߫߸ ߊ߬ ߡߊߕߍ߰ߕߍ߰ߣߍ߲ ߠߋ߬ ߦߋ߫ ߟߊ߫ ߝߊ߲߭ ߓߍ߯ ߘߐ߫߸ ߕߍ߰ߟߌ߬ ߞߏߏ߬ߖߎ߰ߦߊ ߘߝߊߣߍ߲ ߘߐ߫߸ ߞߵߊ߬ ߕߟߏ߫ ߞߋߟߋ߲ ߕߍ߰ ߊ߬ ߟߊ߫، ߊ߬ ߦߋ߫ ߢߊ߫ ߛߎ߮ ߏ߬ ߟߋ ߞߊ߬ ߛߌߞߊ߫ ߢߐ߲߰ ߡߊ ߟߊߘߏ߲߬ ߛߏ ߞߣߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߝߊ߰ߣߍ߲߫ ߞߵߊ߬ ߞߍ߫ ߓߊߛߌ߫ ߛߐ ߟߋ߬ ߘߌ߫ ߥߟߊ߫ ߞߎ߲߬ߞߏ߬ߦߊ߬ ߢߊߓߐ ߘߏ߫ ߟߋ߬ ߘߌ߫ ߓߊ߯ߙߊ߫ ߖߎ߯ ߞߍ ߘߐ߫.

ߞߊ߬ ߓߐ߫ ߛߊ߬ߦߊ ߞߍߢߊ ߡߐߣߍߦߊ ߞߐ߫߸ ߜߊ߬ߒ߬ߠߊ߬ߞߏ߬ ߜߘߍ߫ ߦߋ߫ ߣߌ߲߬ ߞߏ ߘߐ߫߸ ߡߍ߲ ߡߊߞߓߊߣߍ߲߫ ߞߏߛߓߍ߫، ߏ߬ ߦߋ߫ ߡߎ߲߬ ߘߌ߫߸ ߛߌߞߊ߫ ߞߍߣߍ߲߫ ߡߐ߰ ߟߎ߫ ߟߋ߬ ߡߊ߬ ߣߌ߲߬ ߞߏ ߘߐ߫߸ ߡߍ߲ ߠߎ߬ ߦߋ߫ ߘߊ߫ ߟߊ߫ ߛߏ ߞߣߐ߫، ߓߊߏ߬߸ ߊ߬ߟߎ߬ ߟߊ߫ ߛߏ (ߖ߭ߋߜ߭ߏ߫) ߛߏߕߌ߮ ߕߐ߮ ߦߴߊ߬ ߘߐ߫߸ ߞߏ߫ ߊ߬ ߣߌ߫ ߘߋ߲ߣߍ߲ ߝߊ߰ߓߊ߮ ߦߋ߫ ߢߐ߲߯ ߞߊ߬ߟߊߡߊ߬، ߓߊ߬ߙߌ߬ ߤߊ߲߯ ߕߋ߲߬߸ ߘߊ߬ߟߎ߬ ߖߐ߲ߖߐ߲߫ ߡߊߛߐ߬ߛߐ߬ߓߊߟߌ߫ ߡߊ߫ ߛߋ߫ ߛߐ߬ߘߐ߲߬ ߠߊ߫ ߢߊߢߌߣߌ߲ߠߌ߲ ߠߎ߬ ߘߐ߫ ߝߟߐ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߛߌߞߊߒߡߊ߫ ߜߊ߲߯ߛߊ߲߫ ߕߍ߫߸ ߝߏ߫ ߕߎ߬ߢߊ.

ߣߌ߲߬ ߞߊ߬ߙߊ߲߬:

ߛߏ ߞߣߐ߫ ߡߐ߮ ߟߎ߫ ߞߏ߬ߣߌ߲ ߡߐߣߍߣߍ߲ߓߊ ߟߋ߬߸ ߞߏ߫ ߝߏ߫ ߣߌ߲߬ ߞߏ ߕߎ߬ߢߊ ߟߋ߬ ߓߊ߯ ߟߊߓߐ߫ ߕߘߋ߫، ߊ߬ߟߎ߬ ߞߊ߲߫ ߞߏ߫ ߞߎ߲߬ߠߊ߬ߛߘߌ ߓߘߊ߫ ߝߊ߲߬ߞߊ߫ ߛߐ߬ߘߐ߲߫ ߊ߬ߟߎ߫ ߝߍ߬ ߦߋ߲߬߸ ߞߵߏ߬ ߟߊ߫ ߞߏߟߊߕߐ߲ߓߊߟߌߦߊ ߞߊ߲߬، ߊ߬ ߞߏ ߢߊߢߌߣߌ߲ ߦߴߌߘߐ߫ ߊ߬ ߢߊߢߌߣߌ߲߫ ߢߊ ߖߍ߬ߘߍߖߍ߬ߘߍ ߡߊ߬߸ ߞߵߏ߬ ߞߎ߲߭ ߞߍ߫ ߛߏ߫ ߞߣߐ߫ ߡߐ߮ ߟߎ߬ ߞߍ ߘߌ߫ ߞߵߊ߬ߟߎ߬ ߢߊ ߣߴߊ߬ߟߎ߬ ߣߌ ߛߌ߰ ߊ߬ ߞߏ ߞߊ߲߬، ߛߏ߫ ߞߣߐ߫ ߡߐ߮ ߟߎ߬ ߞߊ߲߫ ߌߞߐ߫߸ ߞߏ߫ ߝߊ߰ߡߊ ߟߎ߬ ߦߴߊ߬ߟߎ߬ ߞߊߘߊ߲߫ ߞߊ߬ ߜߟߋ߬ߞߋ߫ ߘߏ߲߬ ߊ߬ߟߎ߬ ߢߌ߲ ߝߍ߬ ߣߌ߲߬ ߞߏ ߘߐ߫߸ ߞߵߊ߬ ߕߎ߬ߢߊ ߟߊߓߐ߫ ߜߍ ߘߐ߫، ߌߖ߭ߊߞ ߟߊ߫ ߡߐ߱ ߟߎ߬ ߞߊ߲߫߸ ߞߏ߫ ߊ߬ߟߎ߬ ߕߍ߫ ߝߌ߬ߟߊ߬ ߘߐ߫߸ ߊ߬ߟߎ߬ ߕߍ߫ ߛߓߊ߬ ߘߐ߫߸ ߞߏ߫ ߊ߬ߟߎ ߘߋ߲ ߕߐ߮ ߕߍ߫ ߓߌ߬ߟߊ߬ ߟߊ߫ ߡߐ߰ ߟߎ߬ ߕߐ߯ ߞߊ߲߬߸ ߢߌ߬ߣߊ߬ ߞߍߣߍ߲߫ ߡߍ߲ ߠߎ߬ ߞߐ߫߸ ߣߌ߫ ߞߏ߫ ߞߵߊ߬ߟߎ߫ ߛߐ߬ߘߐ߲߬ ߣߌ߲߬ ߢߊ߫ ߛߎ߮ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫

߂߀߂߄ ߥߊ߬ߛߌ߬ߥߙߊ߫ ߕߋ߬ߟߋ߫ ߂߄ ߠߊ߫، ߡߙߊ߬ߡߊ߬ߝߋ߲߬ߕߌ߮ ߘߏ߫ ߟߎ߫ ߟߋ߬ ߣߊ߬ ߘߴߊ߬ߟߎ߫ ߖߘߍ߬ ߞߍ߫ ߜߎ߲߬ߘߎ߬ߘߐ߬ ߟߊ߬ߛߏ߬ߓߌ߬ߟߌ߬ߟߊ ߟߎ߬ ߘߌ߫߸ ߞߟߊ߬ߡߦߊ߬ߟߌ߬ ߖߋ߬ߕߌ߰ߘߊ ߗߋߘߊߕߌ߮ ߟߎ߬߸ ߏ߬ ߟߎ߫ ߡߐ߰ ߁߀ ߠߋ߬ ߞߊ߬ ߗߍ߭ ߣߌ߲߬ ߡߌ߬ߘߵߊ߬ ߟߊ߫ ߓߏ߲ ߞߣߐ߫، ߏ߬ ߟߋ߬ ߞߐ ߝߍ߬߸ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߝߐ߰ߓߍ߬ߦߊ߬ߟߊ ߟߊߞߏߟߐ߲߫، ߞߵߊ߬ ߘߏ߲߬ ߣߊ߲߬ߕߌ߰ߦߊ ߟߊ߫߸ ߛߊ߲߬ ߞߋߟߋ߲߫ ߘߌߦߊߜߏߦߊ߫ ߡߌߣߊߟߌ ߞߐ ߝߍ߬߸ ߘߍ߬ߡߍ߲߬ߠߌ߲߬ ߞߙߎ ߞߊ߬ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߡߊ߬ߞߎ߲ ߞߐ߲߫ ߠߋ߬߸ ߗߋߛߓߍ ߘߏ߫ ߘߐ߫، ߛߍߙߑߖߌ߫ ߎߟߐ߲߫ ߠߊ߫ ߘߌߦߊߜߏߦߊ߫ ߡߌߣߊߟߌ ߞߊ߲߬.

߂߀߂߄ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߠߊ߫، ߖߊ߲߬ߖߏ߲ ߝߐ߰ߓߍ߬ߦߊ߬ߟߊ ߞߊ߲ߕߌ߮ ߡߌ߬ߘߊ߬ ߘߊ߫ ߟߋ߬߸ ߓߊߏ߬߸ ߞߏ߫ ߊ߬ ߞߊ߬ ߘߐ߬ߛߏ߰ߙߏ߬ߟߌ ߘߏ߫ ߟߋ߬ ߞߍ߫ ߦߙߎ߬ߞߎ߬ߦߙߎ߬ߞߎߞߏ ߘߏ߫ ߞߊ߲߬߸ ߖߡߊ߬ߣߊ ߢߍߡߐ߯ߓߊ ߘߏ߫ ߟߎ߫ ߖߍ߬ߘߍ ߣߐ߬ ߦߋ߫ ߏ߬ ߡߍ߲ ߘߐ߫، ߏ߬ ߟߋ߬ ߞߐ ߘߐ߫ ߛߌߣߍ߲߬߸ ߝߐ߰ߓߍ߬ߦߊ߬ߟߊ ߣߌ߲߬ ߞߌ߬ߓߊ߬ߙߏ߬ߦߊ ߕߎߣߎ߲߫ ߘߊ߫ ߡߐ߱ ߟߎ߬ ߡߊ߬߸ ߞߎߣߎ߲߬ ߞߎߣߎ߲ߟߏ߲ ߠߋ߬ ߡߊ߬ ߛߌߣߍ߲߬߸ ߊ߬ ߖߍ߬ߘߍ ߟߊ߫ ߝߐ߰ߓߍ߬ߘߊ ߞߊ߬ ߟߊ߬ߛߋ߬ߟߌ ߘߏ߫ ߞߍ߫߸ ߞߵߊ߬ߟߎ߬ ߡߙߌߣߊ߲ ߘߌ߫ ߊ߬ߟߎ߬ ߟߊ߫ ߞߊ߲ߕߌ߮ ߡߌ߬ߘߊ߬ߞߏ ߞߊ߲߬، ߛߍߙߑߖߌ߫ ߎߟߐ߲߫ ߓߊ߯ߙߊߢߐ߲߮ ߠߎ߬ ߦߴߊ߬ ߞߊ߲߬ ߞߵߊ߬ߟߎ߫ ߖߘߍ߬ ߘߐߢߌ߬ߣߌ߲߬ߞߊ߬߸ ߡߎ߲߬ ߞߏߛߐ߲߬ ߡߊ߬ߞߎ߲߬ ߞߍ߫ ߘߊ߫ ߘߌߦߊߜߏߦߊ߫ ߡߌߣߊߟߌ߫ ߣߌ߲߬ ߞߊ߲߬؟ ߊ߲ ߠߊ߫ ߢߍߡߐ߮ ߡߌ߬ߣߊ߬ߣߍ߲߫ ߞߎ߲߭ ߡߍ߲ ߞߏߛߐ߲߬ ߡߎ߲߬ ߠߊ߫ ߏ߬ ߡߊ߫ ߟߊ߫ ߞߣߍ ߞߊ߲߬߸ ߦߏ߫ ߛߊ߬ߙߌ߬ߦߊ ߦߴߊ߬ ߟߊߢߌߣߌ߲߫ ߠߊ߫ ߢߊ߫ ߡߍ߲.

ߙߋߔߐߙߑߕߍߙ ߛߊ߲ߛ ߝߐߙߐ߲ߕߍ߯ߙ ߝߣߊ߫ ߞߊ߬ ߞߊ߲߬ߞߎߡߊ ߘߏ߫ ߟߊߓߐ߫ ߞߎߣߎ߲߬߸ ߊ߬ߟߎ߫ ߞߊ߬ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߡߊ߬ߞߎ߲ ߣߌ߲߬ ߞߐ߲߫ ߏ߬ ߡߍ߲ ߞߣߐ߫߸ ߍߙ-ߍߛ-ߍߝ، ߞߵߊ߬ ߦߌ߬ߘߊ߬ ߞߏ߫ ߗߋߛߓߍ ߣߌ߲߬ ߘߌ߫ ߘߊ߫ ߓߙߎߞߌߣߞߊ ߛߋ߭ߘߎ߬ ߡߊ߬ߦߌߜ߭ߊ߬ ߟߋ߬ ߡߊ߬߸ ߊ߬ߟߋ ߡߍ߲ ߦߋ߫ ߡߊ߬ߖߌ߮ ߘߐ߫ ߛߣߍ߬ߜ߭ߊߟߌ߬، ߗߋߛߓߍ ߣߌ߲߬ ߞߣߐ߫߸ ߞߙߎ ߣߌ߲߬ ߦߴߊ߬ ߟߊߢߌߣߌ߲߫ ߠߊ߫ ߟߋ߬ ߛߋ߭ߘߎ߬ ߡߊ߬ߦߌߜ߭ߊ߬ ߝߍ߬߸ ߊ߬ ߦߋ߫ ߞߎ߲߬ߠߊ߬ߝߎ߬ߟߋ߲߬ ߖߐ߲ߖߐ߲߫ ߘߌ߫ ߞߌ߬ߓߊ߬ߙߏ߬ߘߊ ߟߊ߫ ߟߌ߬ߤߟߊ߬ߦߊ ߞߊ߲߬߸ ߡߍ߲ ߠߎ߬ ߞߘߊߡߊߣߍ߲߫ ߡߌ߬ߣߊ߬ߟߌ ߓߟߏߡߊ߬ ߓߙߎߞߌߣߊ߫ ߟߌ߬ߤߟߊ߬ ߜߍߟߍ߲ ߠߎ߬ ߞߣߐ߫، ߝߐ߰ߓߍ߬ߘߊ ߣߌ߲߬ ߞߙߎ ߟߎ߬ ߞߏ߬ߣߌ߲ ߓߘߴߊ߬ ߡߊߜߟߍ߬ߦߊ߫ ߞߏ߫ ߞߍߢߊ߫ ߛߎ߮ ߡߍ߲߬ ߠߎ߬ ߦߋ߫ ߦߋ߫ ߟߊ߫ ߓߙߎߞߌߣߊ߫ ߘߐߙߐ߲߫ ߠߋ߬ ߘߐ߫.

ߞߏ߫ ߖߡߊ߬ߣߊ߬ ߜߘߍ߫ ߝߏߛߌ߬ ߕߍ߫ ߝߐ߰ߓߍ߬ߦߊ߬ߟߊ ߘߌߦߊߜߏߦߊ߫ ߡߌߣߊ߫ ߟߊ߫߸ ߥߟߊ߫ ߞߊ߬ ߥߴߊ߬ߟߎ߬ ߘߌ߫ ߞߍ߬ߟߍ ߞߣߍ ߞߊ߲߬߸ ߣߊ߲߬ߕߌ߰ߦߊ ߘߐ߫ ߞߊ߬ߣߌ߲߬߸ ߦߏ߫ ߓߙߎߞߌߣߊ߫ ߞߵߊ߬ ߞߍ߫ ߢߊ߫ ߡߍ߲߫ ߞߊ߲߬ ߕߋ߲߬ ߞߏ߬ߣߌ߲߬، ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߛߊߙߏ߲߬ ߥߊ߬ߛߌ߬ߥߙߊ ߣߌ߫ ߞߊ߬ߙߌ߬ߝߐ ߕߍߟߊ ߘߐ߫، ߝߐ߰ߓߍ߬ߦߊ߬ߟߊ߫ ߛߊ߬ߓߊ߫ ߟߋ߬ ߘߌߦߊߜߏߦߊ߫ ߡߌߣߊ߫ ߘߊ߫߸ ߊ߬ ߣߌ߫ ߂߀߂߅ ߕߙߊߓߊ߫ ߞߊߙߏ ߟߊ߫ ߛߓߊ߬ ߜߘߍ߫ ߝߣߊ߫ ߥߊ߫ ߘߊ߫ ߝߊ߬ߛߏ ߘߊߘߐߖߊߥߏ ߞߣߍ ߞߊ߲߬.

ߗߐߙߑߣߐ߫ ߓߊߙߌ߫ ߡߌ߬ߣߊ߬ ߘߊ߫ ߟߋ߬ ߞߎߣߎ߲߬ ߞߏ߫ ߊ߬ ߕߘߍ߬ ߦߴߊ߬ ߝߍ߬ ߟߋ߬ ߞߊ߬ ߝߊ߲߬ߞߊ߬ ߟߊߝߘߌ ߞߍ߫، ߖߌ߬ߣߍ߫ ߓߌ߬ߛߊ߬ߥߏ߬ ߞߊ߲ߕߌ߮ ߟߊ߫ ߝߐߟߌ߫ ߘߐ߫߸ ߗߐߙߑߣߐ߫ ߓߊߙߌ߫ ߣߌ߫ ߝߊ߬ߛߏ ߞߎ߲߬ߠߊ߬ߝߎ߬ߟߋ߲߬ߠߌ߲ ߟߐ߲ߕߊ ߟߎ߬ ߢߌߣߌ߲ ߖߟߐ߬ߞߐ ߓߊ߯ߙߊ߫ ߞߍߟߊ ߝߌߟߊ߫ ߟߋ߬ ߞߊ߬ ߓߊ߯ߙߊ ߣߌ߲߬ ߞߍ߫ ߟߊߢߌߣߌ߲߫߸ ߓߊ߬ߙߌ߬߸ ߕߍ߮ ߡߊ߫ ߛߋ߫ ߞߍ߫ ߟߴߊ߬ߟߎ߫ ߓߍ߯ ߘߐ߫، ߊ߬ߟߎ߬ ߟߊ߫ ߟߊ߬ߢߌ߬ߣߌ߲߬ ߝߟߐ ߕߘߍ߬ ߦߋ߫ ߣߊ߲߬ߕߌ߰ ߢߍߡߐ߮ ߝߊ߰ ߟߋ߬ ߘߌ߫؛ ߊ߬ ߞߏ߬ߣߌ߲ ߖߍ߬ߣߍ߫ ߓߌ߬ߛߊ߬ߥߏ߬ ߞߊ߲ߕߌ߮ ߎߡߊ߯ߙ ߛߌ߬ߛߞߏ߬ ߊ߲ߓߊߟߏ߫ ߟߊ߫ ߟߊ߲ߘߦߊ ߕߘߍ߬ ߦߋ߫ ߗߐߙߑߣߐ߫ ߓߊߙߌ߫ ߞߊ߲߬ ߞߏߛߓߍ߫.

ߞߎߡߊ ߘߏ߫ ߟߎ߫ ߟߋ߬ ߦߋ߫ ߘߊ߫ ߝߛߍߔߑߞ ߞߊ߲߬߸ ߏ߬ ߡߍ߲ ߞߍ߫ ߘߴߊ߬ ߡߊߝߌ߲߬ߞߏ ߘߌ߫، ߞߏ߫ ߊ߬ ߣߴߊ߬ ߓߊ߯ߙߊߢߐ߲߮ ߝߌ߬ߟߊ߬ ߡߍ߲ ߠߎ߬ ߦߋ߫ ߓߊ߯ߙߊ߫ ߟߊ߫ ߝߊ߬ߛߏ ߞߎ߲߬ߠߊ߬ߝߎ߬ߟߋ߲߬ߠߌ߲ ߟߐ߲ߕߊ ߟߎ߬ ߢߌߣߌ߲ ߖߟߐ߬ߞߐ ߟߊ߫߸ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߝߊ߲߬ߞߊ߬ ߟߊ߬ߥߟߏ ߞߍ߫، ߖߐ߲߰ߛߴߊ߬ߟߎ߬ ߟߊ߫ ߟߊ߬ߢߌߣߌ߲ ߦߋ߫ ߓߐ߫ ߜߍ߫ ߟߊ߫߸ ߝߏ߫ ߊ߬ߟߎ߬ ߓߊ߯ ߣߊ߲߬ߕߌ߰ ߢߍߡߐ߮ ߢߍߡߌߘߊ߫ ߓߌߦߊ߲ߞߋ߫ ߟߋ߬ ߝߟߐ߫ ߝߊ߰߸ ߣߴߏ߬ ߞߍ߫ ߘߊ߫ ߟߊ߬ߞߊ߲߬ߘߊ߬ߟߌ߬ ߞߙߎ ߡߍ߲ ߦߋ߫ ߖߡߊ߬ߣߊ ߟߊߞߊ߲ߘߊ߫ ߟߊ߫߸ ߞߴߏ߬ ߘߌ߫ ߦߌߟߊ߲ߦߌߟߊ߲߫، ߞߵߊ߬ ߕߊ߬ ߞߍ߲ߘߍߟߏ߲ ߣߌ߫ ߞߊ߯ߙߌ ߡߊ߬.

ߕߐ߲߫ ߓߟߏߡߊ ߟߎ߬ ߕߊ߯ ߘߊ߫ ߟߋ߬ ߗߐߙߑߣߐ߫ ߓߊߙߌ߫ ߟߊ߫ ߓߏ߲ߞߣߐߟߊ ߡߊߝߟߍ߫ ߢߌߣߌ߲ߠߌ߲߫ ߞߊ߲ߡߊ߬߸ ߒ߬ߞߊ߬߸ ߊ߬ߟߎ߬ ߡߴߊ߬ ߛߐ߬ߘߐ߲߫ ߦߋ߲߬، ߝߏ߫ ߞߎߣߎ߲߬ ߥߎ߬ߙߊ ߟߋ߬ ߝߍ߬߸ ߣߊ߲߬ߕߌ߰ ߢߍߡߐ߮ ߟߎ߬ ߞߊ߬ ߟߊ߬ߥߊ߲߬ߞߊ߲߬ߠߌ߲ ߞߍ߫߸ ߞߏ߫ ߕߍ߯ ߓߘߊ߫ ߞߍ߫ ߊ߬ ߘߐ߫، ߞߵߊ߬ ߕߊ߬ ߎߡߊ߯ߙ ߛߌ߬ߛߞߏ߬ ߊ߲ߓߊߟߏ߫ ߟߊ߫ ߝߊ߲߬ߞߊ ߕߊ߭ ߡߊ߬ ߂߀߂߀ ߠߊ߫، ߝߊ߲߬ߞߊ߬ ߟߊ߬ߥߟߏ߬ ߣߊ߯ߣߌ߲߫ ߠߋ߬ ߓߘߊ߫ ߣߴߊ߬ ߡߊ߬߸ ߕߐ߲߫ ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫، ߂߀߂߃ ߣߌ߫ ߂߀߂߄ ߕߍߟߊ ߘߐ߫߸ ߡߍ߲ ߠߎ߬ ߕߘߍ߬ ߦߴߊ߬ ߝߍ߬ ߞߵߊ߬ ߟߊ߫ ߝߊ߲߬ߞߊ ߟߊߝߘߌ߫߸ ߕߍ߯ ߞߍ߫ ߘߊ߫ ߡߐ߰ ߛߓߊ߫ ߡߍ߲ ߠߎ߬ ߘߐ߫߸ ߏ߬ ߟߎ߫ ߘߏ߲߬ ߘߊ߫ ߛߊ߲߬ ߇ ߣߌ߫ ߛߊ߲߬ ߈ ߊ߬ ߣߌ߫ ߛߊ߲߬ ߉، ߥߛߎ ߟߋ߬ ߟߊ߫.

ߞߊߙߏ߫ ߘߊ߲ߘߐ߫ ߟߋ߬ ߜߋ߲ߞߐ߰ߖߌ߬ߘߊ ߞߊ߲ߕߌ߯ ߢߣߊߕߊߟߌ ߟߊ߫ ߡߎ߬ߕߎ߲߬߸ ߓߍ߯ ߦߋ߫ ߛߌߞߊ ߣߌ߫ ߞߎ߲ߝߊ߲ ߘߐ߫، ߓߊߏ߬߸ ߞߊ߲ߕߌ߯ ߊߟߛߊߣ ߘߙߊ߬ߡߊߣ ߥߊߕߙߊ߫ ߓߘߊ߫ ߞߙߍߞߙߍ߫ ߊ߬ ߟߊ߫ ߞߙߎߞߊ ߓߟߏ߫ ߞߵߊ߬ ߞߍ߫ ߊ߬ߟߎ߬ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߞߊ߲ߕߌ߯ ߢߣߊߕߊߟߌ߫ ߣߊ߬ߕߐ ߘߐ߫߸ ߡߍ߲ ߞߍߕߐ߫ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߅ ߡߊ߬، ߓߊ߬ߙߌ߬߸ ߊ߬ߟߋ߫ ߖߘߍ߬ߓߊ߬ߞߎ߲ ߡߊ߫ ߝߏߦߌ߬ ߝߐ߫ ߏ߬ ߞߏ ߞߊ߲߬ ߡߎߣߎ߲߬ ߞߵߊ߬ ߟߊߕߍ߰، ߓߌ߬ ߞߊ߯ߙߌ ߢߌ߲߬ ߠߋ߬ ߡߊ߬߸ ߥߊ߬ߛߌ߬ߥߙߊ ߕߋ߬ߟߋ߫ ߂߂߸ ߊ߬ߟߎ߬ ߟߊ߫ ߞߙߎߞߊ ߞߊ߫ ߞߊ߲߫ ߞߊ߬ ߟߊ߬ߘߍ߬ ߓߟߋߓߟߋ߫ ߞߍ߫ ߋߓߌ߲ߔߋ߫ ߕߏ߬ߟߊ߲߬ߕߊ߲߬ ߓߙߊ ߘߐ߫߸ ߥߊߕߙߊ߫ ߞߍߕߐ߫ ߡߊ߬ߞߎ߲ ߞߐ ߞߊߘߌ߫ ߟߊ߫ ߦߋ߲߬ ߠߋ߬߸ ߞߵߊ߬ ߡߙߌߦߊ߫ ߖߐ߲ߖߐ߲ ߝߐ߫.

ߞߎߣߎ߲߬ ߞߍ߲ߘߍߟߏ߲ ߠߋ߬ ߡߊ߬߸ ߥߊ߬ߛߌ߬ߥߙߊ ߕߋ߬ߟߋ߫ ߂߁߸ ߥߊߕߙߊ߫ ߟߊ߫ ߞߙߎߞߊ ߡߍ߲ ߕߐ߯ ߣߌ߲߬ ߞߏ߫ ߤߎ߬ߝߏ߬ߦߌ߬ߞߊ߲߬ߞߋ߬ ߟߊߘߍ߬ߣߍ߲ ߠߎ߬ ߓߍ߯ߦߊ ߣߌ߫ ߖߐ ߞߏߛߐ߲߬߸ ߏ߬ ߟߎ߫ ߛߍ߬ߘߏ߲߬ߠߊ ߟߎ߫ ߞߵߊ߬ߟߎ߬ ߟߊߘߍ߬߸ ߊ߬ߟߎ߬ ߦߋ߫ <<ߊߘߏ߫>> ߕߐ߮ ߟߊߛߐ߲ߞߐ ߞߊ߲߬، ߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߞߎߡߊ ߝߐ߫ ߘߊ߫ ߔߊ߬ߕߙߌߞ ߊߛ߭ߌ߫ ߟߋ߬ ߓߟߏ߫߸ ߊ߬ߟߋ ߡߍ߲ ߦߋ߫ ߞߎ߲߬ߜߙߊ ߞߊ߲ߕߌ߮ ߘߌ߫߸ ߏ߬ ߘߏ߲߬ ߝߣߊ߫ ߓߍ߲߬ ߘߊ߫ ߖߊ߬ߡߊ ߝߊ߲߬ߓߊ ߡߊ߬، ߊߟߛߊߣ ߥߊߕߙߊ߫ ߢߊ߫ ߕߎ߲߬ ߕߍ߫ ߜߍ߫ ߘߐ߫ ߞߎߣߎ߲߬ ߕߊ ߏ߬ ߘߐ߫߸ ߊ߬ߟߋ ߟߋ߬ ߞߏ߬ߣߌ߲ ߛߎߥߊ߲ߘߌ߫ ߘߊ߫ ߖߊ߬ߡߊ ߟߊ߫ ߛߎߥߊ߲ߘߟߌ ߘߐ߫ ߞߙߎߞߊ߫ ߖߡߊ߫ ߡߐ߰ ߥߊ߮ ߕߍߡߊ߬ ߦߋ߲߬.

ߣߌ߲߬ ߞߊ߬ߙߊ߲߬: ߜߋ߲ߞߐ߰ߖߌ߬ߘߊ: ߘߋ߲ߡߛߏߣߍ߲ ߘߏ߫ ߓߘߴߊ߬ ߣߊ߫ ߣߊ߫ ߛߎ߭ ߘߎ߲ߣߍ߲ ߦߋ߫ ߢߞߊߢߞߊߛߎ߫

ߞߊ߬ߝߏ߬ ߞߎ߲ߕߌ߮ ߘߏ߲߬ ߞߍߕߐ߫ ߟߋ߬ ߛߊ߲߬ ߈߄ ߛߐ߬ߘߐ߲߬ ߠߊ߫ ߕߋ߲߬߸ ߊ߬ ߟߊ߫ ߞߏ ߛߌߞߊ ߣߴߊ߬ ߕߎ߲߬ߞߎߙߎ߲ ߓߘߊ߫ ߘߏ߲߬ ߓߍ߯ ߘߐ߫߸ ߊ߬ ߘߌ߫ ߛߐ߲߬ ߛߎߥߊ߲ߘߟߌ ߣߌ߲߬ ߡߊ߬ ߓߊ߰ ߥߟߴߊ߬ ߕߍ߫ ߛߐ߲߬، ߓߌ߲ߠߊߥߎߟߋ߲ ߠߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߴߊ߬ ߝߍ߬ <<ߞߊ߬ ߘߏ߫ ߞߍ߫ ߖߡߊ߬ߣߊ ߦߋ߫ ߡߎߣߎ߲߬>>߸ ߞߵߊ߬ ߛߐ߬ߘߐ߲߬ ߊ߬ ߡߴߊ߬ ߟߊߕߍ߰ ߦߋ߲߬ ߝߋߎ߫ ߞߏ߫ ߊ߬ ߘߌ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫. ߞߊ߬ߦߌ߯߸ ߊ߬ ߟߊ߫ ߞߙߎߞߊ ߞߊ߬ ߖߡߊ߬ ߟߊ߬ߘߍ ߟߎ߬ ߣߌ߫ ߞߟߌߟߌ߫ ߞߊ߲ߠߊ ߘߏ߫ ߟߎ߫ ߟߊߛߋ߫ ߖߡߊ߬ߣߊ ߝߊ߲߬ ߛߌߦߊߡߊ߲߫ ߘߐ߫߸ ߞߏ߫ ߝߏ߫ ߥߊߕߙߊ߫ ߦߋ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߟߐ߬ߒ߬ߞߋ߬ߟߊ߬ ߣߊ߯ߣߌ߲ߣߊ߲ ߞߊ߲ߡߊ߬.

ߞߎ߲߬ߜߙߊ ߘߏ߲߬ߞߏ ߡߍ߲ ߦߋ߫ ߖߡߊ߬ߣߊ ߕߟߋ߬ߓߐ ߘߐ߫߸ ߣߴߊ߬ ߕߐ߯ ߞߏ߫ ߤߣߏߙߋ ߊߘߐߡ߸ ߏ߬ ߞߊ߲߫ ߞߏ߫: <<ߊ߬ ߕߍ߫ ߛߴߊ߲ ߠߊߓߌ߬ߟߊ߫ ߥߊ߯ߕߌ ߢߌ߲߬ ߠߊ߫ ߕߋ߲߬ ߝߋߎ߫>>ߟߊ߲߱ߛߣߊ߬ ߞߏߣߋ߫ ߡߍ߲ ߦߋ߫ ߖߡߊ߬ߣߊ ߕߍߡߊ߫ ߝߊ߲ ߝߍ߬߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߊ߬ ߣߐ߬ ߓߊ߯ߙߊ ߡߍ߲ ߠߎ߬ ߘߊߡߌ߬ߣߊ߬ ߟߊ߫߸ ߝߏ߫ ߊ߬ ߦߴߏ߬ ߟߊߓߊ߲߫ ߠߋ߬.>> ߞߙߎߞߊ ߞߣߐ߫ ߓߊ߬߸ ߞߐߞߘߐߘߏ߲ߠߌ߲ ߣߌ߫ ߡߊ߬ߕߐ߬ߟߌ߬ ߞߎߡߊ ߛߌߦߊߡߊ߲߫ ߠߋ߬ ߝߐ߫ ߘߊ߫ ߦߋ߲߬، ߗߍ߬ߡߏߞߏ߬ ߡߋߦߟߌߦߋ ߞߏߣߋ߫ ߡߍ߲ ߦߋ߫ ߞߊ߲ߕߌ߯ ߛߙߍߞߍ ߘߌ߫߸ ߏ߬ ߞߊ߬ ߞߊ߲ߕߌ߮ ߕߊ߲߬ߘߏ߫ ߟߋ߬ ߞߏߛߓߍ߫ߟ ߞߵߊ߬ ߓߍ߲߬߸ ߊ߬ ߓߘߴߊ߬ ߛߋߞߏ ߡߍ߲ ߠߎ߬ ߞߍ߫ ߖߡߊ߬ߣߊ ߛߐ߬ߘߐ߲ ߞߏߢߊ ߟߎ߬ ߘߐ߫߸ ߞߵߊ߬ ߕߊ߬ ߂߀߁߁ ߡߊ߬ ߤߊ߲߯ ߕߋ߲߬، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߝߣߊ߫ ߟߊ߫߸ ߞߏߕߌ߯ ߊߡߘߋ߫ ߞߏ߬ߝߌ߬ ߞߎߥߊߞߎ߫ ߞߵߊ߬ ߦߌ߬ߘߊ߬ ߞߏ߫ ߓߊߛߌ߮ ߓߘߊ߫ ߘߏ߲߬ ߊ߬ ߕߋ߬ߟߋ ߣߌ߲߬ ߘߐ߫.

ߣߴߌ ߞߊ߬ ߝߊ߲߬ߞߊߛߌ߬ߣߊ ߟߎ߫ ߕߊ߬߸ ߏ߬ ߟߎ߬ ߛߌߦߊߡߊ߲߫ ߓߘߊ߫ ߡߊߕߊ߯ ߢߣߊߕߊߟߌ߫ ߞߏ ߢߌ߲߬ ߠߊ߫ ߡߎߣߎ߲߬߸ ߦߏ߫ ߟߏߙߊ߲߫ ߜߊ߬ߜߏ߬߸ ߛ߭ߊߙߟ ߓߑߟߋ߫ ߜ߭ߎ߬ߘߋ߬߸ ߖߌ߬ߦߏߏߡ ߛߙߏ߫߸ ߏ߬ ߟߎ߬ ߓߘߊ߫ ߣߍ߰ߓߐ߫ ߡߎߣߎ߲߬ ߞߵߊ߬ ߞߎ߲߭ ߞߍ߫ ߛߊ߬ߙߌ߬ߦߊ߬ ߞߏ ߘߏ߫ ߟߎ߫ ߘߌ߫، ߏ߬ ߡߍ߲ ߝߣߊ߫ ߓߍߣߊ߬ ߞߍ߫ ߕߙߎ߬ ߘߌ߫ ߞߊ߬ ߞߏ ߟߎ߬ ߕߊ߲ߛߊ߲߫ ߢߣߊߕߊߟߌ ߡߊߛߎ߬ߘߎ߲߬ߧߊ ߣߌ߲߬ ߘߐ߫.

ߓߌ߬ ߞߊ߯ߙߌ ߢߌ߲߬ ߡߊ߬߸ ߓߍ߯ ߢߊ ߦߋ߫ ߋߓߌ߲ߔߋ߫ ߕߏ߬ߟߊ߲߬ߕߊ߲߬ ߓߙߊ ߟߋ߬ ߘߐ߫ ߕߋ߲߬߸ ߜߋ߲ߞߐ߰ߖߌ߬ߘߊ ߞߵߊ߬ ߟߊ߫ ߖߌߟߊߝߍ ߟߊߦߍ߬ߟߍ߫ ߦߋ߲߬ ߡߍ߲ ߘߐ߫ ߞߊ߬ߣߌ߲߬، ߒ߬ߓߊ߬߸ ߥߊߕߙߊ߫ ߟߊ߫ ߝߣߊ߫ ߡߊ߬ߡߌ߬ߘߊ߬ߟߌ߬ ߞߏ ߕߏߒߡߊ ߣߴߊ߬ ߕߏߒߡߓߊߟߌߦߊ ߟߊߕߍ߰ߕߐ߫ ߦߋ߲߬ ߠߋ߬ ߓߌ߬، ߕߎ߬ߡߊ ߘߏ߫ ߟߋ߬ ߛߋߣߴߏ߬ ߘߌ߫߸ ߞߊ߬ ߖߡߊ߬ߣߊ ߓߘߍ߬ߓߘߍ߬ߟߌ ߞߐߜߍ߫ ߞߎߘߊ߫ ߟߊߞߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫