ߤߎߕߛߌ߫ ߡߙߎߕߌߓߊ߮ ߡߍ߲ ߠߎ߬ ߦߋ߫ ߦߋߡߍߣߌ߲߬߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߍ߲ߘߍߟߏ߲ ߣߌ߲߬ ߡߊ߬ ߞߏ߫ ߣߴߊߡߙߌߞߌ߬ ߞߵߊ߬ ߡߊ߰ ߌߙߊ߲߫ ߠߊ߫߸ ߥߟߊ߫ ߞߵߊ߬ ߛߋ߲߭ߓߌ߬ߟߊ߬ ߌߛߌ߬ߙߊ߬ߌߟߊ߫ ߣߌ߫ ߌߙߊ߲߫ ߕߍ߫ ߞߟߍ ߣߌ߲߬ ߘߐ߫߸ ߞߏ߫ ߊߡߙߌߞߌߞߊ ߟߎ߬ ߟߊ߫ ߖߌߞߊ߲߫ ߞߎߟߎ߲ ߡߍ߲ ߠߎ߬ ߦߋ߫ ߞߐ߰ߖߌ߬ ߥߎߟߋ߲ ߞߊ߲߬߸ ߊ߬ ߣߴߊ߬ߟߎ߬ ߟߊ߫ ߞߟߍ߬ߓߏ߲ ߡߍ߲ ߠߎ߬ ߦߋ߫ ߦߋ߲߬ ߞߏ߫ ߊ߬ߟߎ߬ ߘߌ߫ ߡߊ߬ߙߊ߫ ߦߋ߲߬ ߠߎ߫ ߡߊ߬ ߞߵߊ߬ߟߎ߬ ߞߍ߫ ߊ߬ߟߎ߫ ߞߊ߲߬، ߞߵߊ߬ ߛߐ߬ߘߐ߲߬ ߜߎ ߞߟߍ߬ ߟߊ߬ߢߐߢߐ߲ ߓߍ߲߬ߞߊ߲ ߘߏ߫ ߟߎ߫ ߕߍ߲߬ ߓߘߊ߫ ߝߐ߫ ߊ߬ߟߎ߬ ߣߌ߫ ߢߐ߲߯ ߕߍ߫߸ ߏ߬ ߡߊ߫ ߡߍ߲߫ ߡߎߣߎ߲߬.

ߣߌ߲߬ ߝߣߊ߫ ߞߊ߬ߙߊ߲߬: ߌߛߌ߬ߙߊ߬ߌߟߊ߫ ߓߘߊ߫ ߌߙߊ߲߫ ߥߊ߬ߟߏ߲߬

ߡߙߎߕߌߓߊ߮ ߢߌ߲߬ ߠߎ߬ ߟߊ߫ ߣߊ߲߬ߕߌ߮ ߟߎ߬ߟ ߊ߫ ߓߋߟߋ߲ߕߌ߮ ߦߊߤߌ߬ߦߊ߬ ߛߊߙߋ߫ ߟߋ߬ ߞߊ߬ ߞߎߡߊ ߣߌ߲߬ ߝߐ߫ ߖߌ߬ߦߊ߬ߖߟߎ ߘߏ߫ ߘߐ߫߸ ߞߵߊ߬ ߦߌ߬ߘߊ߬ ߞߏ߫: <<ߣߌ߫ ߞߊ߬ߝߏ߫ ߘߍ߬ߣߍ߲ ߞߵߊ߬ ߛߋ߲߭ߓߌ߬ߟߊ߬ ߌߙߊ߲߫ ߣߌ ߌߛߌ߬ߙߊ߬ߌߟߊ߫ ߖߎ߮ ߟߊ߫ ߞߍ߬ߟߍ ߣߌ߲߬ ߘߐ߫߸ ߣߊ߲߬ߕߌ߰ ߝߊ߲ߞߊ߫ (ߤߎߕߛߌ ߟߎ߬) ߘߴߊ߬ߟߎ߬ ߟߊ߫ ߖߌߞߊ߲߫ ߞߎߟߎ߲ ߠߎ߬ ߣߴߊ߬ߟߎ߬ ߟߊ߫ ߞߟߍ߬ ߓߏ߲ ߠߎ߬ ߝߣߊ߫ ߛߎߡߊ߲߫ ߖߐ߲ߖߐ߲ ߞߍ߫ ߞߐ߰ߖߌ߬ ߥߎߟߋ߲ ߞߊ߲߬.>> ߓߋߟߋ߲ߕߌ߮ ߞߊ߬ ߞߎߡߊ ߏ߬ ߟߋ ߝߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫

ߊ߬ ߕߋ߬ߟߋ߫ ߞߐ߬ߣߐ߲߬ߘߐ߫ ߟߋ߬ ߦߋ߫ ߕߋ߲߬߸ ߌߙߊ߲߫ ߣߌ߫ ߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߦߋ߫ ߛߋ߲߬ ߠߊ߫، ߌߙߊ߲߫ ߞߏ߬ߣߌ߲ ߓߘߴߊ߬ ߦߌ߬ߘߊߞߊ߬ ߞߏ߫ ߊ߬ ߕߍߣߊ߬ ߛߐ߲߬ ߠߴߊ߬ ߣߌ߫ ߊߡߙߌߞߌ߬ ߟߊ߫ ߞߎߡߊߢߐ߲߯ߦߊ ߟߎ߬ ߡߊ߬߸ ߝߏ߫ ߥߊ߬ߟߏ߲߬ߠߌ߲ ߡߍ߲ ߟߐ߬ ߘߴߊ߬ ߟߊ߫ ߖߡߊ߬ߣߊ ߡߊ߬، ߏ߬ ߓߊ߯ ߟߐ߬ ߕߎ߬ߡߊ߬ߣߊ ߡߍ߲ ߠߊ߫، ߋߙߐߔ ߞߏߕߌ߮ ߟߎ߬ ߖߍ߬ߘߍ ߝߣߊ߫ ߞߊ߬ ߞߟߍ߬ ߟߊ߬ߟߐ ߟߋ߬ ߟߊߢߌߣߌ߲߫ ߖߡߊ߬ߣߊ ߢߌ߲߬ ߠߎ߬ ߕߍ߫، ߌߛߌ߬ߙߊ߬ߌߟߊ߫ ߞߟߍ߬ߓߟߏ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߕߍ߬ߘߍ߫ ߞߊ߬ ߥߊ߬ߟߏ߲߬ߠߌ߲ ߘߏ߫ ߢߍߛߌ߲߫ ߌߙߊ߲߫ ߠߊ߫ ߡߎ߯ߖߎ߮ ߡߙߊ ߦߙߐ߫ ߘߏ߫ ߟߎ߫ ߡߊ߬߸ ߏ߬ ߡߍ߲ ߛߊ߲߬ ߁߀ ߣߌ߫ ߞߐ ߦߋ߫ ߕߋ߲߬، ߞߊ߬ ߘߎ߰ߘߋ߲ ߘߏ߫ ߟߎ߫ ߓߣߐ߬ ߊ߬ߟߎ߬ ߣߌ ߘߐ߫߸ ߌߙߊ߲߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߊ߬ߟߎ ߖߍ߬ߘߍ ߝߣߊ߫ ߞߊ߬ ߥߊ߬ߟߏ߲߬ߠߌ߲ ߘߏ߫ ߞߍ߫߸ ߞߵߊ߬ ߢߍߛߌ߲߫ ߕߍߟߊߝ߭ߌߝ߭
ߡߊ߬߸ ߌߛߌ߬ߙߊ߬ߌߟߊ߫ ߞߎ߲߬ߠߊ߬ߛߌ߮ ߟߎ߬ ߞߵߊ߬ ߔߘߋߔߘߋߟߊߕߍ߰ ߞߏ߫ ߡߎ߯ߖߎ߮ ߝߟߌ ߟߎ߬ ߞߏ߬ߣߌ߲ ߞߊ߬ ߕߊ ߟߊߥߟߌ߬ ߟߋ߬ ߓߟߌߕߍ ߘߏ߫ ߟߊ߫߸ ߞߎߓߋߘߊ ߟߊ߫ ߞߊ߬ߣߌ߲߬، ߓߊ߬ߙߌ߬߸ ߡߐ߰ ߞߏ߬ߣߌ߲߬ ߡߊ߫ ߕߏ߫ ߊ߬ ߘߊߞߎ߲ ߘߐ߫.

ߌߙߊ߲߫ ߣߌ߫ ߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߠߎ߬ ߘߊߡߌ߬ߣߊ ߣߌ߫ ߓߌ߬ ߕߍ ߘߐ߫߸ ߊ߲ ߧߋ߫ ߏ߬ ߕߋ߬ߟߋ߫ ߞߐ߬ߣߐ߲߬ߘߐ߫ ߟߋ߬ ߘߐ߫ ߕߋ߲߬، ߌߙߊ߲߫ ߘߍ߬ߡߍ߲߬ߠߌ߲߬ ߞߙߎ ߞߏ߬ߣߌ߲ ߓߘߴߊ߬ ߦߌ߬ߘߊߞߊ߬ ߞߏ߫ ߡߐ߰ ߇߀߀ ߟߋ߬ ߓߣߐ߬ ߘߴߊ߬ߟߎ߬ ߣߌ ߘߐ߫ ߌߙߊ߲߫ ߞߣߐ߫، ߌߛߌ߬ߙߊ߬ߌߟߊ߫ ߝߣߊ߫ ߟߊ߫ ߞߎߡߊ߫ ߘߐ߫ ߓߌ߬߸ ߞߏ߫ ߊ߬ߟߎ߫ ߓߘߊ߫ ߌߙߊ߲߫ ߣߊ߲߬ߕߌ߰ ߢߍߡߐ߯ ߄ ߠߋ߬ ߝߊ߰.

ߟߊ߬ߘߍ ߣߌ߲߬ ߞߎ߲߬ ߠߋ߫ ߛߴߊ߬ߟߎ߬ ߘߌ߫ ߛߋ߫ ߓߊ߯ߙߊߢߐ߲߯ߦߊ ߞߍ߫ ߟߊ߫ ߝߘߊ߬ߝߌ߲߬ߠߊ߬ ߦߋ߫߸ ߊ߬ߟߎ߫ ߞߵߊ߬ߟߎ߬ ߢߍߛߌ߲߫ ߊ߬ߟߎ߬ ߟߊ߫ ߓߊ߯ߙߊ ߡߍ߲ ߠߎ߬ ߡߊ߬ ߓߊߞߍ߭߸ ߣߴߊ߬ߟߎ߫ ߕߐ߬ߣߐ ߞߊ߫ ߓߏ߲߬ ߞߏߛߓߍ߫߸ ߏ߬ ߘߏ߫ ߟߋ߬ ߦߋ߫ ߛߌߟߊߞߏ ߟߎ߬ ߣߌ߫ ߛߣߍ߬ߞߍ߬ߞߏ ߟߎ߬…، ߊ߬ߟߎ߬ ߟߊ߫ ߟߊ߬ߘߍ ߢߌ߲߬ ߓߊ߲ߓߊ߲ߣߍ߲߫ ߌߕߊߟߌ߫ ߟߊ߫ ߝߊ߲߬ߝߘߊ ߟߋ߬ ߞߊ߲߬߸ ߏ߬ ߘߏ߲߬ ߦߋ߫ ߟߊ߬ߢߌߣߌ߲ ߘߏ߫ ߟߋ߬ ߘߌ߫، ߌߕߊߟߌ߫ ߓߟߏ߫ ߞߊ߬ ߞߎ߲߬ߝߍ߬ߕߊ߯ߡߟߊ ߟߎ߬ ߞߟߍ߬߸ ߊ߬ ߣߌ߫ ߞߊ߬ ߘߍ߬ߡߍ߲ ߘߏ߲߬ ߝߘߊ߬ߝߌ߲߬ߠߊ߫ ߖߡߊߣߊ ߟߎ߬ ߦߋ߫، ߣߌ߲߬ ߞߏ ߢߍߡߐ߯ߦߊ ߦߋ߫ ߌߕߟߌ߫ ߞߏߕߌ߯ ߢߍߡߐ߮ ߖߐߖߊߡߌߟߏ߲ߣ ߊ߬ ߣߌ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߰ߣߍ߲ ߢߍߡߐ߮ ߙߎߛߑߟߊ߲ߝ߭ߊ߲ߘߏߙߌߦߍߙ ߟߋ߬ ߓߟߏ߫߸ ߍߙ ߺ ߘߋ ߺ ߖ߭ߋ، ߞߏߕߌ߯ ߢߍߡߐ߮، ߊ߲ߜ߭ߏߟߊ߫ ߞߐߞߊ߲ߞߏ ߞߏߕߌ߮،… ߏ߬ ߟߎ߫ ߓߍ߯ ߕߘߍ߬ ߦߋ߫ ߞߣߍ ߣߌ߲߬ ߞߊ߲߬.

ߌߕߊߟߌ߫ ߟߊ߫ ߝߊ߲߬ߝߘߊ ߦߋ߫ ߋߙߏ߫ ߡߙߌߦߊߙߌ߫ ߟߏ߯ߟߎ߫ ߟߋ߬ ߞߍ߫ ߘߌ߫߸ ߞߊ߬ ߝߘߊ߬ߝߌ߲߬ߠߊ߫ ߖߡߊ߬ߣߊ߬ ߁߄ ߘߍ߬ߡߍ߲߬ ߏ߬ ߟߊ߫، ߛߊ߫ ߏ߬ ߘߌ߫ ߞߍ߫ ߕߙߎ߬ ߘߌ߫߸ ߞߊ߬ ߕߎ߲ߞߊ߲ߠߊߕߊ߯ߟߊ ߟߎ߬ ߣߊ߭ ߡߊߓߍ߲߬ ߞߐ߰ߖߌ ߛߌߟߊ ߝߍ߬߬߸ ߊ߬ ߟߊ߫ ߖߡߊ߬ߣߊ ߞߣߐ߫، ߝߘߊ߬ߜߍ߬ߟߊ߬ ߝߣߊ߫ ߟߊ߫ ߟߊ߬ߢߌߣߌ߲ ߦߋ߫ ߋߙߏ߫ ߡߟߌߦߊߙߌ߫ ߁߅߀ ߟߋ߬ ߘߏ߲߬ ߘߌ߫ ߓߊ߯ߙߊ ߟߎ߬ ߟߊ߫ ߝߘߊ߬ߝߌ߲߬ߠߊ߫، ߊ߬ߟߎ߫ ߞߊ߬ ߓߍ߲߬ߞߊ߲ ߕߊ߬ ߓߊ߯ߙߊ ߡߍ߲ ߠߎ߬ ߟߊ߫߸ ߏ߬ ߖߐ߰ߣߍ߬ߦߊ߬ߟߌ ߥߊ߫ ߘߴߊ߬ ߟߐ߬ ߋߙߏ߫ ߡߟߌߦߊߙߌ߫ ߞߋߟߋ߲߫ ߊ߬ ߣߌ߫ ߞߋ߲߬ߥߟߎ߫ ߂߀߀ ߟߋ߬ ߘߐ߫، ߏ߬ ߟߎ߫ ߝߊ߲߬ߓߊ ߓߍߣߊ߬ ߘߏ߲߬ ߟߏߓߌߕߏ߫ ߘߎ߰ߡߊ߬ߞߎߟߎ߲ ߕߊ߬ߡߌ߲߬ ߛߌߟߊ ߟߋ߬ ߟߊ߫߸ ߊ߬ ߣߌ߫ ߞߊ߬ ߓߟߐߟߐ ߛߌߟߊ ߛߊ߬ߡߊ߲߬ ߞߐ߰ߖߌ ߞߘߐ߫߸ ߖߐ߲߰ߛߊ߫ ߘߐ߬ߜߏ߬ߘߏ߲߬ߜߊ߬ߟߌ ߟߎ߬ ߘߌ߫ ߣߐ߰ߦߊ߫ ߓߟߐߟߐ ߞߊ߲߬.

ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߓߊߣߌߓߊ߲ߜ߭ߎ ߘߎ߱ ߟߋ߬ ߟߊ߫߸ ߕߌߟߊߓߋߙߌ߫ ߡߊ߬ߙߊ ߘߐ߫، ߖߋ߬ߟߌ߬ߓߊ߬ߘߎ߯ ߟߊ߬ߞߊ߲߬ߘߊ߬ߟߌ ߞߏߕߌ߮ ߟߋ߬ ߞߊ߬ ߟߊ߬ߥߊ߲߬ߞߊ߲߬ߠߌ߲ ߣߌ߲߬ ߞߍ߫ ߝߘߏ߬ߓߊ߬ ߥߎߦߊ߲ߓߍ߲ ߠߊ߫߸ ߛߙߋ ߘߏ߫ ߟߊ߫ ߝߐߟߌ߫ ߘߐ߫߸ ߓߊ߰ߓߊ߰ߟߌ߬ ߞߍ߬ߟߊ ߡߍ߲߬ ߠߎ߫ ߣߊ߬ ߘߊ߫ ߓߏ߬ߙߌ߬ߝߋ߲ ߠߎ߬ ߟߋ߬ ߞߊ߲߬، ߜߋ߲ߜߋ߲ߦߊ߫ ߓߟߏߡߊ߬ ߞߐ߲߬ߛߏ߫ ߟߏ߯ߟߎ߫ ߊ߬ ߣߌ߫ ߔߏߔߏ߫ ߗߍ߬ߡߍ߫ ߝߌ߬ߟߊ߬ ߣߌ߫ ߞߐ߫، ߞߏߕߌ߮ ߟߊ߫ ߝߐߟߌ߫ ߘߐ߫߸ ߓߊ߰ߓߊ߰ߟߌ߬ߟߊ ߡߍ߲߬ ߠߎ߫ ߓߙߍ߬ߦߊ ߕߘߍ߬ ߘߌ߫ ߥߊ߫ ߤߊ߲߯ ߡߐ߰ ߗߡߍ߬ ߦߙߌߞߊ߫ ߢߐ߲߰؛ ߞߏ߫ ߊ߬ߟߎ߫ ߞߊ߬ ߣߊ߲߬ߕߌ߰ ߃߄ ߟߋ߬ ߓߣߐ߬ ߊ߬ߟߎ߬ ߣߌ ߘߐ߫߸ ߞߊ߬ ߁߄ ߖߐߞߌ߫، ߊ߬ ߟߊ߫ ߞߎߡߊ߫ ߘߐ߫߸ ߖߐߞߟߌߓߊ߯ߕߐ ߟߎ߬ ߞߏ߬ߣߌ߲ ߦߋ߫ ߘߊ߲ߘߊߟߌ ߘߊߞߘߐ߫.

ߖߋ߬ߟߌ߬ߓߊ߬ߘߎ߯ ߞߟߍ߬ߓߟߏ ߞߏߕߌ߮ ߛߊߟߌߝߎ߬ ߡߏߘߌ߫ ߞߵߊ߬ ߟߴߊ߬ ߞߊ߲߬߸ ߞߏ߫ ߣߊ߲߬ߕߌ߮ ߟߎ߬ ߛߋ߫ ߘߊ߫ ߓߊ߰ߓߊ߰ߟߌ߬ߟߊ ߁߀ ߣߌ߫ ߞߐ߫ ߢߐ߲߰ ߝߊ߰ ߟߊ߫، ߕߐ߲߫ ߓߟߏߡߊ ߘߏ߫ ߟߎ߫ ߟߊߕߊ߯ ߘߊ߫ ߓߋ߬ߒ߬ߞߊ߲߬ߠߌ߲ ߘߊߞߎ߲ ߣߌ߲߬ ߘߐ߫߸ ߘߏ߫ ߟߎ߫ ߦߋ߫ ߘߎ߱ ߡߊ߬߸ ߘߏ߫ ߟߎ߫ ߦߋ߫ ߛߊ߲ߡߊߞߎߟߎ߲ ߞߣߐ߫ ߛߊ߲ߡߊ߬، ߏ߬ ߓߍ߯ ߦߋ߫ ߓߊ߰ߓߊ߰ߟߌ߬ߟߊ ߡߍ߲߬ ߠߎ߫ ߟߋ߬ ߢߌߣߌ߲߫ ߞߊ߲߬߸ ߓߊߣߌߓߊ߲ߜ߭ߎ ߘߎ߱ ߣߌ߲߬ ߦߋ߫ ߖߋ߬ߟߌ߬ߓߊ߬ߘߎ߯ ߕߟߋ߬ߓߋ ߟߋ߬ ߘߐ߫߸ ߕߌߟߊߓߋߙߌ߫ ߡߊ߬ߙߊ ߘߐ߫، ߦߙߐ ߣߌ߲߬ ߦߋ߫ ߖߡߊ߬ߣߊ ߝߌ߬ߟߊ ߓߐߕߏ߲ ߠߋ߬ ߟߊ߫߸ ߣߴߏ߬ ߦߋ߫ ߡߊ߬ߟߌ ߣߌ߫ ߓߙߎߞߌߣߊ߫ ߖߡߊ߬ߣߊ ߘߌ߫؛ ߦߙߐ ߞߋߟߋ߲ ߏ߬ ߦߋ߫ ߊߟߑߞߊߦߘߊ߫ ߣߌ߫ ߖߘߍ߬ߞߟߏ߬ߦߊ߬ ߖߡߊߣߊ ߓߊ߰ߓߊ߰ߟߌ߬ ߞߙߎ ߟߎ߬ ߡߊߞߍ߫ ߦߙߐ ߟߋ߬ ߘߌ߫؛ ߞߊ߬ߓߌ߯ ߘߓߊ߬ߕߊ ߕߊ߬ߡߌ߬ߣߍ߲ ߠߊ߫߸ ߖߘߍ߬ߞߟߏ߬ߦߊ߬ ߖߡߊߣߊ ߓߊ߰ߓߊ߰ߟߌ߬ ߞߙߎ ߞߊ߬ ߓߋ߬ߒ߬ߞߊ߲߬ߠߌ߲ ߘߏ߫ ߕߌ߰ߦߊ ߕߊ߬߸ ߏ߬ ߞߍ߫ ߘߊ߫ ߋߞߑߣߋߥߊ߲߫ ߘߎ߱ ߟߋ߬ ߟߊ߫، ߖߋ߬ߟߌ߬ߓߊ߬ߘߎ߯ ߣߌ߫ ߡߊ߬ߟߌ ߓߐߕߏ߲ ߠߊ߫؛ ߣߊ߲߬ߕߌ߰ ߛߌߦߊߡߊ߲߫ ߠߋ߬ ߣߌ ߕߏ߫ ߘߊ߫ ߏ߬ ߝߣߊ߫ ߘߐ߫.

ߌߙߊ߲߫ ߘߌ߯ߣߊ߫ ߢߍߡߐ߮ ߊ߬ߟߌ ߞߊߡߣߋ߫ ߟߊ߫ ߞߎߡߊ߫ ߘߐ߫ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߏ߫ ߊ߬ߟߋ ߟߊ߫ ߖߡߊ߬ߣߊ ߕߍ߫ ߣߴߊ߬ ߖߘߍ߬ ߟߊߓߌ߬ߟߊ߬ ߟߊ߫ ߢߊ߫ ߛߌ߫ ߟߋ߬ ߡߊ߬߸ ߓߊ߰ߓߊ߰ߟߌ ߝߣߊ߫ ߓߊ߯ ߞߍ߫ ߢߊ߫ ߛߌ߫ ߟߋ߬ ߡߊ߬߸ ߊ߬ ߓߐ߫ ߘߊ߫ ߝߊ߲߬ ߛߌ߫߸ ߞߵߊ߬ ߝߐ߫ ߞߏ߫ ߌߙߊ߲߫ ߘߌߣߵߊ߬ ߖߘߍ߬ ߘߌ߫، ߏ߬ ߕߍߣߊ߬ ߞߍ߫ ߟߊ߫؛ ߡߐ߰-ߐ߫-ߡߐ߬ ߝߣߊ߫ ߞߊ߬ ߌߙߊ߲߫ ߠߊ߫ ߘߐ߬ߝߐ ߟߐ߲߫، ߏ߬ ߕߌ߰ߟߊ߬ߡߐ߮ ߖߍ߬ߘߍ ߕߍ߫ ߛߐ߲߬ ߊ߬ ߡߊ߬، ߝߣߴߊ߬ ߓߊ߲߫ ߘߊ߫ ߞߊ߬ ߞߊ߲߬ߞߊ߬ߙߌ߬ߡߊ߬ߘߊ ߞߍ߫ ߟߋ߬، ߞߏ߫ ߣߌ߫ ߊߡߙߌߞߌ߬ ߞߊ߬ ߘߍ߬ߡߍ߲߬ߠߌ߲ ߘߏ߲߬ ߌߛߌ߬ߙߊ߬ߌߟߊ߫ ߦߋ، ߞߊ߬ ߓߍ߲߬ ߞߍ߬ߟߍ ߣߌ߲߬ ߡߊ߬߸ ߞߏ߫ ߊ߬ ߕߌߢߍߟߌ ߝߊ߲߬ߞߊ ߞߏ߬ߣߌ߲ ߓߍߣߊ߬ ߕߊ߬ߡߌ߲߬ ߖߘߌ߫ ߟߊ߫ ߟߋ߬߸ ߡߍ߲ ߠߎ߬ ߕߍ߫ ߛߋ߫ ߞߊ߬ ߟߊߘߊ߲߬.