ߞߊߙߏ߫ ߝߌ߬ߟߊ ߟߋ߬ ߦߋ߫ ߝߘߊ߬ߝߌ߲߬ߠߊ߫ ߖߡߊ߬ߣߊ ߂߅ ߓߟߏ߫߸ ߞߊ߬ ߝߙߍ߬ ߖߐ߲ߖߐ߲߫ ߠߎ߫ ߕߊ߬߸ ߊߡߙߌߞߌ߬ ߞߣߐߘߏ߲ߠߌ߲ ߠߊ߫، ߣߴߏ߬ ߕߍ߫ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߕߍߣߊ߬ ߛߋ߫ ߟߊ߫ ߘߏ߲߬ ߠߊ߫߸ ߊߡߙߌߞߌ߬ ߓߎ߬ߕߎ߲߬߸ ߛߣߍ߬ߜ߭ߊߟߌ߫ ߘߏ߲߬ ߝߣߊ߫ ߦߋ߫ ߏ߬ ߘߏ߫ ߟߋ߬ ߘߌ߫، ߓߊߏ߬߸ ߛߣߍ߬ߜ߭ߊߟߌ߫ ߖߡߊ߬ߘߋ߲߬ ߛߌߦߊߡߊ߲߫ ߠߋ߫ ߦߋ߫ ߕߊ߯ ߟߊ߫ ߊߡߙߌߞߌ߬ ߛߊ߲߬-ߊ߲߫-ߛߊ߲߬߸ ߢߌ߬ߣߌ߲߬ߠߌ߲ߠߊ ߟߎ߬߸ ߖߊ߯ߓߘߊ ߞߊ߬ߙߊ߲߬ߘߋ߲ ߠߎ߬…، ߏ߬ ߓߟߏߡߊ߬߸ ߖߡߊ߬ߣߊ߬ߘߋ߲߬ ߛߌߦߊߡߊ߲߫ ߦߴߊ߬ ߞߊ߲߬ ߞߵߊ߬ߟߎ߫ ߖߘߍ߬ ߘߐߢߌ߬ߣߌ߲߬ߞߊ߬߸ ߦߊ߯ߟߊ߫ ߘߏߣߊߟ ߕߑߙߐ߲ߔ ߟߊ߫ ߡߙߌߘߐ ߣߌ߲߬ ߕߍߣߊ߬ ߜߟߍ߬ߦߊ߬ ߟߊ߫ ߛߣߍ߬ߜ߭ߊߟߌ߫ ߖߡߊ߬ߣߊ߬ߘߋ߲ ߠߎ߬ ߡߊ߬ ߓߊ߱ߘߌ߬؟

ߛߣߍ߬ߜ߭ߊߟߌ߫ ߖߡߊ߬ߣߊ߬ߘߋ߲ ߘߏ߫ ߟߊ߫ ߞߎߡߊ߫ ߘߐ߫߸ ߡߍ߲ ߦߴߊ߲ߠߎ߬ ߛߌߟߊ߲ ߞߎ߲ ߘߌ߫߸ ߏ߬ ߟߋ߬ ߦߴߊ߬ ߝߐ߫ ߘߌ߫ ߞߏ߫: ߊ߬ ߞߏ߫ ߓߍߣߊ߬ ߞߍ߫ ߡߊ߲߬ߕߙߐ߬ߓߊ ߟߋ߬ ߘߌ߫ ߛߣߍ߬ߜ߭ߊߟߌ߫ ߖߊ߯ߓߘߊ߫ ߞߊߙߊ߲ߘߋ߲ ߠߎ߬ ߣߴߊ߬ ߢߌߣߌ߲ߠߌ߲߫ ߞߍ߫ ߟߊ߫ ߟߎ߬ ߞߊ߲߬߸ ߣߌ߫ ߛߣߍ߬ߜ߭ߊߟߌ߫ ߘߏ߲߬ ߡߊ߫ ߝߙߍ߬ ߖߐ߲ߖߐ߲߫ ߕߊ߬߸ ߞߊ߬ ߛߋ߫ ߞߊ߬ ߊߡߙߌߞߌ߬ ߞߣߐߘߏ߲ߠߌ߲ ߞߎ߬ߙߎ߲߬ߘߎ ߟߎ߬ ߡߊߓߏ߲߬ߧߊ߬߸ ߏ߬ ߘߌ߫ ߞߍ߫ ߕߙߎ߬ ߘߌ߫߸ ߞߊ߬ ߞߊ߬ߙߊ߲߬ߘߋ߲ ߠߎ߬ ߣߌ߫ ߢߌߣߌ߲ߠߌ߲ߠߊ ߟߎ߬ ߛߋ߲߭ ߓߌ߬ߟߊ߬ ߞߙߌߞߍ ߘߐ߫، ߏ߬ ߞߣߐߡߊ߬߸ ߝߏ߫ ߛߣߍ߬ߜ߭ߊߟߌ߫ ߝߍ߬ߙߍ߫ ߟߋ߬ ߞߍ߫߸ ߞߊ߬ ߛߋ߫ ߕߍ߰ߞߊ߲ ߛߐ߬ߘߐ߲߬ ߠߴߊ߬ ߣߌ߫ ߊߡߙߌߞߌ߬ ߕߍ߫.

ߘߏ߫ ߝߣߊ߫ ߟߊ߫ ߞߎߡߊ߫ ߘߐ߫߸ ߊ߬ߟߋ ߞߏ߬ߣߌ߲ ߢߣߊ߫ ߜߟߍ߬ߦߊ߬ ߛߌ߫ ߟߋ߬ ߞߊߣߊ߬ ߦߋ߫ ߟߴߊ߬ ߞߏ ߘߐ߫߸ ߓߊߏ߬߸ ߊ߬ߟߎ߬ ߓߊ߯ ߡߍ߲ ߟߴߊ߲ ߞߊ߲߬߸ ߊ߲ ߝߣߊ߫ ߞߊ߫ ߞߊ߲߫ ߞߴߏ߬ ߟߋ߬ ߟߴߊ߬ߟߎ߫ ߞߊ߲߬، ߓߊߏ߬߸ ߊ߬ߟߎ߬ ߦߋ߫ ߦߊ߲߬ ߞߵߊ߲ ߠߊ߫ ߥߊߘߌ ߟߋ߬ ߘߐߙߐ߲߫ ߡߌ߬ߣߵߊ߲ ߠߊ߫، ߣߴߌ ߓߴߊ߬ ߡߊߝߟߍ߫ ߟߊ߫߸ ߖߡߊ߬ߓߊ ߟߋ߬ ߦߋ߫ ߞߍ߫ ߟߊ߫ ߦߊ߲߬ ߞߐ߬ߓߊ߬ߟߏ߲ ߠߎ߬ ߣߌ߫ ߓߌߟߏ߲ ߠߎ߬ ߡߊ߬߸ ߞߵߊ߬ߟߎ߬ ߟߊ߫ ߘߏ߲߬ߛߓߍ ߢߌߣߌ߲߫߸ ߏ߬ ߡߐ߰ ߘߌ߫ ߥߊ߫ ߤߊ߲߯ ߡߐ߰ ߁߀߀ ߣߌ߫ ߞߐ߫߸ ߓߊ߬ߙߌ߬߸ ߏ߬ ߁߀߀% ߘߐ߫߸ ߁߀߀% ߝߌ߬ߟߊ߬߸ ߡߍ߲ ߦߋ߫ ߘߏ߲߬ߛߓߍ ߛߐ߬ߘߐ߲߬ ߠߊ߫؛ ߞߵߊ߬ ߛߐ߬ߘߐ߲߬ ߏ߬ ߞߋ߬ߟߋ߲߬ߞߋ߬ߟߋ߲߬ߠߊ ߦߋ߫ ߥߊ߫ ߡߎߥߊ߲߫ ߣߌ߫ ߣߊ߯ߣߌ߲߫ ߊ߬ ߣߌ߫ ߓߌߟߏ߯ߟߎ߫ ߟߋ߬ ߛߙߊ߬߸ ߊ߬ߟߎ߫ ߘߏ߲߬ ߕߍ߫ ߘߙߐߡߍ߫ ߞߋߟߋ߲ ߠߊߛߋ߬ߦߌ߲߬ ߠߊ߫ ߡߐ߱ ߡߊ߬؛ ߏ߬ ߘߐ߫߸ ߊ߬ߟߎ߬ ߦߋ߫ ߥߊ߫ ߞߊ߬ ߓߐ߫ ߦߊ߲߬߸ ߏ߬ ߟߋ߬ ߦߋ߫ ߞߏ߫ ߜߍߣߍ߲ ߘߌ߫.

ߛߣߍ߬ߜ߭ߊߟߌ߫ ߕߎ߲ߞߊ߲ߠߊߕߊ߮ ߟߊ߫ ߡߐ߰ ߁߆߀߀ ߣߌ߫ ߞߐ߫ ߟߋ߬ ߦߋ߫ ߊߡߙߌߞߌ߬ ߞߣߐ߫߸ ߡߍ߲ ߠߎ߬ ߞߊ߫ ߞߊ߫ ߞߊ߬ ߛߊ߬ߦߌ߲߬ ߊ߬ߟߎ߬ ߟߊ߫ ߖߡߊ߬ߣߊ ߟߎ߬ ߞߣߐ߫߸ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.

ߕߟߋ߬ ߟߏ߯ߟߎ߫ ߞߐ ߘߐ߫ ߤߊߟߌ߬ ߓߌ߬߸ ߌߙߊ߲߫ ߣߌ߫ ߌߛߌ߬ߙߊ߬ߌߟߊ߫ ߕߍ ߓߟߊ߬ߥߎ ߟߎ߬ ߦߴߊ߬ ߞߊ߲߬ ߞߊ߬ ߕߊ߯ ߢߍ߫߸ ߛߣߍ߬ߜ߭ߊߟߌ߫ ߖߡߊ߬ߣߊ߬ߘߋ߲ ߡߍ߲ ߦߋ߫ ߌߛߌ߬ߙߊ߬ߌߟߊ߫ ߥߊ߯ߕߌ ߣߌ߲߬ ߠߊ߫ ߞߏ߫ ߞߊ߬ߦߌ߯ ߞߍ߬ߟߍ ߣߌ߲߬ ߘߊߡߌ߬ߣߊ߬ ߘߊ߫߸ ߊ߬ߟߎ߬ ߕߍ߫ ߝߏߛߌ߬ ߟߋ߬ ߢߊߛߐ߬ߘߐ߲߬ ߠߊ߫، ߝߏߛߌ߬ ߟߋ߬ ߞߏ߬ߣߌ߲ ߕߍ߫ ߊ߬ߟߎ ߟߊ߫߸ ߊ߬ߟߎ߬ ߦߋ߫ ߢߐ߲߮ ߠߊ߫ ߟߌ߬ߤߟߊ߬ߦߊ ߞߊ߬ߟߊߡߊ߬ ߝߣߊ߫߸ ߊ߬ ߟߊ߫ ߞߎߡߊ߫ ߘߐ߫ ߞߊ߬ߣߌ߲߬، ߜߟߍ߬ߦߊ ߞߏ߬ߣߌ߲ ߦߋ߫ ߡߍ߲ ߘߌ߫߸ ߊ߲ ߕߍ߫ ߛߋ߫ ߓߊ߯ߙߊ߫ ߞߍ߫ ߟߊ߫߸ ߊ߬ ߕߋ߬ߟߋ߫ ߛߊ߬ߓߊ߫ ߟߋ߬ ߕߋ߲߬، ߊ߬ߟߎ߬ ߞߴߊ߲ ߧߋ߫ ߞߏ߫ ߊ߲ ߧߋ߫ ߕߏ߫ ߛߏ ߞߣߐ߫.

ߌߙߊ߲߫ ߓߘߴߊ߬ ߟߊ߫ ߓߌ߬ߢߍ߬ߞߌߛߍ ߟߎ߬ ߓߌ߬ߟߊ ߘߊߡߌ߬ߣߊ߬ ߥߊ߯ߕߌ ߡߍ߲ ߠߊ߫߸ ߊ߬ ߘߌ߫ ߝߐ߫ ߊ߲ ߧߋ߫ ߞߏ߫ ߊ߲ ߧߋ߫ ߥߊ߫ ߘߏ߲߬ ߘߎ߰ߞߘߐ߬ ߓߏ߲ ߠߎ߬ ߟߊ߫، ߞߏ߬ߣߌ߲߬ ߏ߬ ߓߍ߯ ߣߴߊ߬ ߕߊ߫߸ ߊ߲ ߕߍ߫ ߛߋ߫ ߟߊ߫ ߛߎ߬ߣߐ߰ ߟߊ߫߸ ߞߵߊ߬ ߛߊߓߎ ߞߍ߫ ߡߊ߲߬ߞߊ߲ ߠߎ߬ ߘߌ߫߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߫ ߠߋ߬ ߞߏ߫ ߛߎ ߓߘߊ߫ ߖߊ߲߬ߝߊ߬ߦߊ߫߸ ߣߌ߫ ߟߊ߬ߛߏ߬ߓߟߌ߬ ߡߊ߲ߞߊ߲ ߓߐ߫ ߌߞߘߐ߫، ߊ߲ ߘߴߊ߲ ߥߟߌ߬ ߟߊߘߌߦߊ ߟߎ߬ ߘߐ߫߸ ߞߊ߬ ߕߴߊ߲ ߘߏ߲߰ ߘߎ߰ߞߘߐ߬ ߓߏ߲ ߠߊ߫؛ ߤߊߟߴߌߞߘߐ߫ ߞߎߣߎ߲߬ ߛߎ ߃ ߙߋ߲ ߥߊ߯ߕߌ ߟߊ߫߸ ߡߊ߲߬ߞߊ ߘߏ߫ ߓߐ߫ ߘߊ߫ ߟߋ߬، ߊ߲ ߞߵߊ߲ ߥߟߌ߬ ߟߋ߬ ߖߏߣߊߡߦߊ߫ ߓߟߏߡߊ߬߸ ߞߊ߬ ߥߴߊ߲ ߘߏ߲߰.

ߊ߲ ߛߋ߫ ߘߴߊ߲ ߞߐߛߊ߬ߦߌ߲߬ ߠߴߊ߲ ߟߊߘߌߦߊ ߛߎ ߅ ߕߎߡߊ ߟߋ߬ ߟߊ߫߸ ߞߊ߬ ߕߌ߲ߞߌ߫ ߏ߬ ߞߐ߫ ߞߵߊ߲ ߟߊ߫، ߊ߲ ߞߏ߬ߣߌ߲ ߛߌߟߊ߲ߡߍߣߍ߲ߕߐ ߟߋ߬ ߕߋ߲߬ ߞߏߛߓߍ߫߸ ߓߊߏ߬߸ ߞߍ߬ߟߍ ߓߘߊ߫ ߘߊߡߌ߬ߣߊ߬߸ ߓߊ߬ߙߌ߬߸ ߊ߲ ߡߊ߫ ߓߟߏߞߊ߫ ߥߊ߯ߕߌ߫ ߟߐ߲߫ ߊ߬ ߟߊ߫، ߞߵߊ߬ ߕߙߎ ߞߍ߫߸ <<ߜ߭ߊߖ߭ߊ>> ߟߊ߫ ߞߍ߬ߟߍ ߞߊ߬ ߛߊ߲߭ ߝߌ߬ߟߊ߫ ߟߋ߬ ߞߍ߫، ߓߊߏ߬߸ ߣߌ߫ ߞߍ߬ߟߍ ߣߌ߲߬ ߡߍ߲ ߘߊ߫߸ ߊ߬ ߘߌ߫ ߞߍ߫ ߛߍ߭ ߘߴߊ߲ ߞߊ߲߬، ߞߵߊ߬ ߞߎ߲߭ ߞߍ߫ ߓߊ߯ߙߊ ߟߎ߬ ߟߊߟߐ߭ ߘߴߊ߲ ߓߟߏ߫߸ ߏ߬ ߟߋ߬ ߓߘߴߊ߲ ߛߌߟߊ߲ ߞߏߛߓߍ߫߸ ߤߊߟߌ߫ ߣߴߌ ߘߏ߲߬ ߦߴߊ߬ ߝߍ߬ ߟߋ߬ ߕߋ߲߬߸ ߞߊ߬ ߛߊ߬ߦߌ߲߬ ߌ ߟߊ߫ ߖߡߊ߬ߣߊ ߞߣߐ߫߸ ߏ߬ ߛߌ߫ ߕߍ߫ ߛߋ߫ ߞߍ߫ ߟߊ߫، ߞߵߊ߬ ߞߎ߲߭ ߞߍ߫ ߖߡߊ߬ߙߟߌ߬ߓߊ߬ߟߌ߬ߦߊ ߘߌ߫߸ ߞߏ߫ ߣߌ߫ ߡߍ߲ ߦߴߊ߬ ߝߍ߬ ߞߊ߬ ߓߐ߫߸ ߞߴߏ߬ ߘߌ߫ ߛߋ߫ ߓߐ߫ ߟߊ߫.

ߣߌ߲߬ ߠߋ߬ ߞߍ߫ ߘߊ߫߸ ߛߣߍ߬ߜ߭ߊ߬ߟߌ߫ ߖߡߊ߬ߣߊ߬ߘߋ߲ ߘߏ߫ ߟߊ߫ ߞߎߡߊ ߘߌ߫߸ ߡߍ߲ ߦߋ߫ ߡߊ߬ߖߌ߮ ߘߐ߫ ߌߛߌ߬ߙߊ߬ߌߟߊ߫ ߞߣߐ߫.

ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߞߊ߲߬ ߡߐ߰ ߞߐ߬ߣߐ߲߬ߘߐ߫ ߟߋ߬ ߓߣߐ߬ ߘߴߊ߬ߟߎ߬ ߣߌ ߘߐ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߵߊ߬ ߞߎ߲߭ ߞߍ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߘߌ߫، ߣߌ߲߬ ߞߍ߫ ߘߊ߫ ߖߡߊ߬ߣߊ ߞߐ߬ߘߎ߮ ߣߴߊ߬ ߕߟߋ߬ߓߋ ߟߋ߬ ߘߐ߫߸ ߓߙߎߞߌߣߊ߫ ߓߐߕߏ߲ ߠߊ߫؛ ߟߊ߬ߥߊ߲߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߞߎߣߎ߲߬ ߞߊ߯ߙߌ ߟߋ߬ ߡߊ߬߸ ߖߡߊ߬ߣߊ ߞߎ߲߬ߠߊ߬ߛߌ߮ ߟߎ߬ ߓߟߏ߫؛ ߟߊ߬ߛߋ߬ߟߌ ߞߍ߫ ߘߊ߫ ߞߊ߬ߙߊ߲߬ߝߊ ߟߎ߬ ߟߊ߫ ߟߊ߬ߝߛߊ߬ߟߌ߬ ߞߙߎ ߟߋ߬ ߓߟߏ߫߸ ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߞߋߟߋ߲߫ ߣߌ߲߬ ߘߐ߫߸ ߓߋ߬ߒ߬ߞߊ߲߬ߠߌ߲ ߣߌ߲߬ ߟߐ߬ ߘߊ߫ ߟߐߘߎ߯ ߞߐ߲ߛߏ ߘߏ߫ ߟߋ߬ ߡߊ߬.

ߝߣߊ߫ ߞߊ߬ߙߊ߲߬ߝߊ߬ ߞߋߟߋ߲߫ ߖߍ߬ߘߍ ߦߋ߫ ߝߊ߰ߓߊ߰ߕߐ߫ ߞߐ߬ߣߐ߲߬ߘߐ߫ ߡߍ߲߬ ߠߎ߬ ߕߍߡߊ߬߸ ߟߊ߬ߝߛߊ߬ߟߌ߬ ߞߙߎ ߣߌ߲߬ ߠߊ߫ ߞߎߡߊ߫ ߘߐ߫ ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߁߀ ߙߋ߲ ߥߊ߯ߕߌ ߟߋ߬ ߟߊ߫، ߡߞߊߟߏ߲ߘߌ߫ ߣߌ߫ ߕߙߏߘߌ߫ ߡߊ߬ߙߊ ߘߐ߫߸ ߓߙߎߞߌߣߊ߫ ߝߊ߬ߛߏ߬ ߡߊߜߍ߲ ߘߐ߫؛ ߝߣߊ߫ ߞߊ߬ߙߊ߲߬ߝߊ߬ ߞߋߟߋ߲߫ ߖߐߞߌ߫ ߘߊ߫ ߟߋ߬ ߞߏߛߓߍ߫߸ ߏ߬ ߞߏ߬ߣߌ߲ ߦߋ߫ ߣߌߦߊߡߋ߫ ߘߊ߲ߘߊߛߏߓߊ ߟߋ߬ ߕߋ߲߬߸ ߘߊ߲ߘߊߟߌ ߘߊߞߘߐ߫،.

ߕߙߏߘߌߞߊ߫ ߘߏ߫ ߖߍ߬ߘߍ ߝߣߊ߫ ߞߊ߬ ߓߋ߬ߒ߬ߞߊ߲߬ߠߌ߲ ߣߌ߲߬ ߠߊߛߙߋߦߊ߫ <<ߊ-ߍߝ-ߔߋ>> ߝߐ߰ߓߍ߬ߦߊ߬ߟߊ ߟߎ߬ ߦߋ߫، ߊ߬ߟߋ ߟߊ߫ ߝߐߟߌ߫ ߘߐ߫߸ ߝߊ߰ߓߊ߰ߕߐ ߓߍ߯ ߦߋ߫ ߘߎ߰ߘߋ߲ ߠߎ߬ ߟߋ߬ ߘߌ߫؛ ߞߎߘߍ߫ ߁߀߀ ߢߐ߲߰ ߠߋ߬ ߦߋ߫ ߡߞߊߟߏ߲ߘߌ߫ ߣߌ߫ ߕߙߏߘߌ߫ ߕߌ߲߬ߞߎߘߎ߲ ߕߍ߫߸ ߖߋ߬ߟߌ߬ߓߊ߬ߘߎ߯ ߣߊ߲߬ߕߌ߰ ߝߊ߲ߞߊ ߞߏ߬ߣߌ߲ ߦߴߊ߬ ߟߊߛߋ߫ ߞߊ߲߬ ߥߊ߯ߕߌ߫ ߓߍ߯ ߞߏ߫ ߓߊ߰ߓߊ߰ߟߌ߬ ߛߌߦߊߡߊ߲߫ ߠߋ߬ ߦߋ߫ ߞߍ߫ ߟߊ߫ ߦߙߐ ߡߍ߲߬ ߠߎ߬ ߘߐ߫߸ ߞߎߡߊ ߞߎ߲߬ߘߏ߲ ߘߐ߫، ߛߌ߬ߣߌ߲߬ߟߏ߲ ߓߋ߬ߒ߬ߞߊ߲߬ߠߌ߲ ߣߌ߲߬ ߞߐߝߍ߬߸ ߖߋ߬ߟߌ߬ߓߊ߬ߘߎ߯ ߣߊ߲߬ߕߌ߰ ߝߊ߲ߞߊ ߞߵߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߓߊ߰ߓߊ߰ߟߌ߬ ߞߍ߬ߟߊ ߁߃ ߟߋ߬ ߜߍ߲߫߸ ߞߊ߬ ߓߐ߫ ߊ߬ߟߎ߬ ߟߊ߫ ߓߊ߯ߙߊ߫ ߘߊߞߎ߲ ߠߎ߬ ߘߐ߫، ߥߊ߬ߛߌ߬ߥߙߊ߫ ߕߟߋ߬ ߈ ߣߴߊ߬ ߁߄ ߕߍߟߊ ߘߐ߫߸ ߕߋߜ߭ߋߦߌ߫ ߘߎ߱ ߟߊ߫ ߕߌߟߊߓߋߙߌ߫ ߡߊ߬ߙߊ ߘߐ߫߸ ߓߐߕߏ߲߫ ߛߓߊ߬ ߡߊߜߍ߲ ߘߐ߫.

ߌߙߊ߲߫ ߥߎߦߊ߲ߓߍ߲ ߣߌ߫ ߟߊ߬ߖߍ߲߬ߛߍ߲߬ߠߌ߲ ߗߋߢߊߟߌ ߟߎ߬ ߓߘߊ߫ ߟߊߟߐ߬ ߕߎ߬ߡߊ߬ߣߍ߲߬ ߞߘߐ߫߸ ߞߵߊ߬ ߞߎ߲߭ ߞߍ߫ ߌߛߌ߬ߙߊ߬ߌߟߊ߫ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߛߋ߫ ߘߌ߫ ߊ߬ߟߎ߬ ߟߊ߫ ߥߎߦߊ߲ߓߍ߲ ߡߊ߬߸ ߌߙߊ߲߫ ߞߏ߬ߣߌ߲ ߠߊ߫ ߓߌ߬ߢߍ߬ߞߌߛߍ ߟߎ߬ ߓߘߊ߫ ߛߋ߫ ߌߛߌ߬ߙߊ߬ߌߟߊ߫ ߘߎ߱ ߘߏ߫ ߟߎ ߟߊ߫ ߦߏ߫ ߕߍߟ ߊߝ߭ߌߝ߭ ߣߌ߫ ߤߊߦߑߝߊ߫ ߏ߬ ߞߍ߫ ߘߊ߫ ߞߐ߬ߓߊ߬ߟߏ߲، ߕߎ߬ߡߊ߬ߣߍ߲߬ ߞߋߟߋ߲߫ ߏ߬ ߟߊ߫߸ ߞߎߟߋߞߊ߲߫ ߛߌߦߊߡߊ߲߫ ߠߋ߬ ߝߣߊ߫ ߡߍ߲߫ ߘߊ߫ ߕߋߤߑߙߊ߲߫ ߘߎ߱ ߟߊ߫߸ ߌߙߊ߲߫ ߞߎߓߋߘߊ ߟߊ߫ ߞߊ߬ߣߌ߲߬.

ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߓߘߴߊ߬ ߦߌ߬ߘߊߞߊ߬ ߞߏ߫ ߌߙߊ߲߫ ߞߊ߫ ߞߊ߲߫ ߞߊ߬ ߛߌ߰ߞߊ߬ߝߐ ߟߎ߬ ߞߍ߫߸ ߦߊ߬ߣߌ߫ ߞߏ ߟߎ߬ ߞߎ߲߬ߘߏ߲߬ ߕߎߡߊ ߕߍ߫، ߌߙߊ߲߫ ߓߘߊ߫ ߞߟߌߟߌ ߓߌ߬ߟߊ߬ ߞߕߊߙ߸ ߊߙߊߓߎ߫ ߛߊߥߏߘߌߦߊ ߟߎ߬ ߡߊ߬߸ ߊ߬ ߣߌ߫ ߏߡߊ߲߫ ߡߊ߬، ߞߴߏ߬ ߟߎ߬ ߝߣߊ߫ ߦߋ߫ ߝߙߵߊ߬ߟߎ߫ ߞߊ߲߬߸ ߖߐ߲߰ߛߊ߫ ߘߏߣߊߟ ߕߑߙߐ߲ߔ ߣߌ߫ ߌߛߌ߬ߙߊ߬ߌߟߊ߫ ߘߴߊ߬ߟߎ߫ ߛߋ߲߭ ߓߌ߬ߟߊ߬ ߛߌ߰ߞߊ߬ߝߐ ߡߍ߲߬ ߠߎ߬ ߘߐ߫، ߞߊ߬ ߡߊ߲߬ߞߊ߲ ߠߎ߬ ߡߊߛߎߡߊ߫.

ߤߊߟߌ߬ ߓߌ߬߸ ߌߙߊ߲߫ ߣߌ߫ ߌߛߌ߬ߙߊ߬ߌߟߊ߫ ߕߍ߫ ߞߟߍ ߦߴߊ߬ ߞߊ߲߬ ߞߊ߬ ߓߏ߲߬ߧߊ߬، ߞߊ߬ߦߌ߯ ߞߍ߬ߟߍ ߘߊߡߌ߬ߣߊ߬ ߘߊ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߡߐ߰ ߇߈ ߣߌ߫ ߞߐ߫ ߟߋ߬ ߣߌ ߕߏ߫ ߘߴߊ߬ ߘߐ߫ ߌߙߊ߲߫ ߞߣߐ߫، ߞߊ߬ ߡߐ߰ ߁߃ ߝߣߊ߫ ߣߌ ߕߏ߫ ߊ߬ ߘߐ߫ ߌߛߌ߬ߙߊ߬ߌߟߊ߫ ߞߣߐ߫؛ ߌߛߌ߬ߙߊ߬ߌߟߊ߫ ߞߊ߬ ߡߎ߯ ߟߊߥߟߌ߬ ߟߋ߬ ߌߙߊ߲߫ ߡߊ߬ߘߏ߬ߣߌ߲߬ߠߌ߲߬ ߦߙߐ ߞߊ߲߬؛ ߌߛߌ߬ߙߊ߬ߌߟߊ߫ ߖߍ߬ߘߍ ߟߊ߫ ߟߊ߬ߛߋ߬ߟߌ߬ ߘߐ߫߸ ߞߵߊ߬ ߕߊ߬ ߞߍ߲ߘߍߟߏ߲ ߡߊ߬ ߞߵߊ߬ ߛߌ߰ ߞߊ߯ߙߌ ߟߊ߫߸ ߊ߬ߟߎ߫ ߞߊ߬ ߓߌ߬ߢߌ߬ߞߌ߬ߛߍ ߂߀߀ ߟߋ߬ ߝߟߌ߬ ߌߙߊ߲߫ ߞߊ߲ߡߊ߬، ߌߙߊ߲߫ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߝߏ߫ ߊ߬ߟߎ߬ ߝߣߊ߫ ߓߴߊ߬ߟߎ߬ ߕߊ߫ ߖߎ߬ߟߎ ߛߙߊ߬ ߟߋ߬ ߗߐ߫߹

ߌߙߊ߲߫ ߞߊ߲ߕߌ߮ ߖߍ߬ߘߍ ߞߊ߬ ߞߊ߲߬ߞߊ߬ߙߌ߬ߡߊ߬ߘߊ ߞߍ߫ ߟߋ߬߸ ߣߴߌ ߌߛߌ߬ߙߊ߬ߌߟߊ߫ ߡߴߊ߬ߟߎ߬ ߟߊ߫ ߞߍ߬ߟߍ ߟߊߟߐ߬، ߊ߬ߟߎ߬ ߓߍߣߊ߬ ߞߏ߫ ߦߌ߬ߘߵߊ߬ߟߎ߬ ߟߊ߫ ߊ߬ߟߎ߬ ߡߊ߫ ߘߋ߬ߙߌ߬ ߞߊ߬ ߡߍ߲ ߦߋ߫ ߞߘߐ߬ߡߊ߲߫߸ ߌߛߌ߬ߙߊ߬ߌߟߊ߫ ߞߏ߬ߣߌ߲ ߓߘߴߊ߬ ߞߊ߲ߕߏ߫ ߞߏ߫ ߊ߬ߟߎ߬ ߓߍߣߊ߬ ߌߙߊ߲߫ ߣߌߡߊ߫ ߦߙߐ ߟߎ߬ ߟߋ߬ ߥߊ߬ߟߏ߲߬، ߞߎߡߊߢߐ߲߯ߦߊ ߘߏ߫ ߟߎ߫ ߖߍ߬ߘߍ ߕߘߍ߬ ߞߊ߫ ߞߊ߲߫ ߞߊ߬ ߞߍ߫ ߊߡߙߌߞߌ߬ ߣߌ߫ ߌߙߊ߲߫ ߕߍ߫߸ ߞߊ߬ ߓߍ߲߬ ߓߌ߬ߢߍ߬ߞߌ߬ߛߍ߬ߞߏ ߡߊ߬، ߓߊ߬ߙߌ߬߸ ߌߙߊ߲߫ ߡߊ߫ ߛߐ߲߬ ߊ߬ ߡߊ߬߸ ߓߊߏ߬߸ ߞߏ߫ ߊߡߙߌߞߌ߬ ߕߍ߫ ߛߋ߫ ߊ߬ߟߎ ߞߐߡߊߓߌ߲ߓߌ߲߫ ߠߊ߫، ߞߊ߬ ߓߊ߲߫ ߞߵߊ߬ ߝߐ߫ ߞߏ߫ ߞߊ߬ ߞߎߡߊߢߐ߲߯ߦߊ ߞߍ߫ ߊ߬ߟߎ߬ ߓߟߏ߫ ߝߣߊ߫.

ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߞߏ߬ߣߌ߲ ߡߴߊ߬ ߟߊ߫ ߞߎߡߊ ߘߏ߲߰߸ ߊ߬ߟߋ ߞߵߊ߬ ߕߊ ߓߛߊߞߟߌߕߋ߫ ߟߋ߬، ߞߏ߫ ߊ߬ ߦߋ߫ ߌߛߌ߬ߙߊ߬ߌߟߊ߫ ߟߋ߬ ߞߐ߫، ߕߑߙߐ߲ߔ ߟߊ߫ ߞߎߡߊ ߏ߬ ߟߋ߬ ߞߊ߬ ߌߙߊ߲߫ ߞߊ߲ߕߌ߮ ߟߊߘߌߡߌ߲߫ ߞߏߛߓߍ߫߸ ߝߴߏ߬ ߞߍ߫ ߘߊ߫ ߕߙߎ߬ ߘߌ߫߸ ߊ߬ ߞߵߊ߬ ߟߊߛߋ߫ ߞߏ߫ ߊ߬ߟߋ ߡߊ߫ ߣߌ߲߬ ߢߊߦߋ߫߸ ߌߛߌ߬ߙߊ߬ߌߟߊ߫ ߦߴߊ߬ ߞߊ߲߬ ߞߵߊ߬ߟߋ ߟߊ߫ ߡߐ߱ ߟߎ߬ ߝߊ߰߸ ߕߑߙߐ߲ߔ ߝߣߊ߫ ߦߴߊ߬ ߞߊ߲߬ ߞߊ߬ ߞߎߡߦߊ߫ ߛߎ߮ ߢߌ߲߬ ߝߐ߫߸ ߊ߬ߟߋ ߞߏ߬ߣߌ߲ ߓߟߏ߫ ߕߑߙߐ߲ߔ ߕߍ߫ ߡߐ߰ ߞߏߞߍߢߐ߲߯ ߘߌ߫؛ ߊߡߙߌߞߌ߬ ߞߏ߬ߣߌ߲ ߦߋ߫ ߌߛߌ߬ߙߊ߬ߌߟߊ߫ ߞߐߡߌߓߌ߲ߓߌ߲߫ ߞߊ߲߬ ߢߊ߫ ߡߍ߲߸ ߛߌߣ ߝߣߊ߫ ߦߴߊ߬ ߞߊ߲߬ ߢߊ߫ ߞߋߟߋ߲߫ ߏ߬ ߟߋ߬ ߡߊ߬߸ ߞߊ߬ ߌߙߊ߲߫ ߞߐߡߊߓߌ߲ߓߌ߲߫، ߛߌߣ ߞߏ߬ߣߌ߲ ߞߵߊ߬ ߦߌ߬ߘߊߞߊ߬ ߘߊ߲߬ߕߍ߰ߟߌ߬ ߜߘߍ߫ ߘߐ߫߸ ߞߏ߫ ߌߙߊ߲߫ ߦߴߊ߬ ߞߊ߲߬ ߞߵߊ߬ ߟߊ߫ ߖߎ߬ߟߎ ߟߋ߬ ߛߙߊ߬.

ߒ߬ߓߊ߬ ߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ ߟߎ߬ ߛߋ߫ ߘߊ߫ ߞߎ߲߬ߠߊ߬ߝߎ߬ߟߋ߲߬ ߝߟߐߡߊ ߡߍ߲ ߛߐ߬ߘߐ߲߬ ߠߴߊ߬ ߞߏߢߊ ߞߊ߲߬߸ ߞߊ߬ ߝߘߊ߫ ߓߐ߬ߙߑߘߏ߫ ߋߣߊߦߋ߫ ߞߌ߲߬ߘߊ߬ ߞߎ߲ߕߌ߮ ߟߊ߫߸ ߏ߬ ߝߟߍ߫ ߣߌ߲߬ :
<< ߒߠߋ ߕߐ߯ ߟߋ߬ ߞߏ߫ ߊߓߘߎߟߊߦߌ߬ ߞߡߊ߬ߙߊ߫ ߸ ߒߠߋ ߟߋ߬ ߓߐ߬ߙߑߘߏ߫ ߋߣߊߦߋ߫ ߞߌ߲߬ߘߊ߬ ߞߎ߲ߕߌ߮ ، ߞߎߣߎ߲߬ ߁߆ ߙߋ߲ ߕߎ߬ߡߊ ߝߊ߲߭ ߝߍ߬ ߸ ߋߣߊߦߋ߫ ߕߌߙߌ߲ߠߌ߲ߘߊ ߕߊ߲ߓߊ߲ ߗߋߕߌ߮ ߞߵߊ߲ ߥߟߋ߫ ߜߋߟߋ߲ߜߋߟߋ߲ ߠߊ߫ ߞߏ߫߸ ߊ߬ߟߎ߫ ߣߐ߬ ߖߊ߲߬ߞߊߙߏ߬ߕߐ ߘߏ߫ ߟߋ߬ ߟߊߓߌ߬ߟߊ߬ߣߍ߲ ߦߋ߲߫ ߠߴߊ߬ߟߎ߬ ߟߊ߫ ߓߊ߯ߙߊ߫ ߘߌ߲ߞߌߙߊ ߞߍ߬ߙߍߝߍ߬ ߞߏߞߏ ߞߣߐ߫ ߸ ߏ߬ ߞߍ߫ ߌߞߘߐ߫ ،ߒߠߋ ߣߌ߫ ߘߋ߲ߡߌߛߍ߲߫ ߞߎ߲ߕߌ߮ ( ߓߙߋߕߋ߫) ߞߵߊ߲ ߞߎ߲߬ ߛߌ߫ ߘߌ߲߬ߞߌߙߊ ߏ߬ ߟߊ߫ ߦߋ߲߬߸ ߞߵߊ߬ ߦߋ߲߬ ߊ߬ ߝߐߣߍ߲߫ ߢߊ ߡߍ߲ ߡߊ߬ ، ߊ߬ ߦߋߣߍ߲߫ ߕߋ߲߬ ߠߋ߬ ߝߛߊߦߌ߫…
ߏ߬ ߞߵߊ߬ ߕߘߍ߬ ߊ߬ߟߋ߬ ߖߊ߲߬ߞߊ߬ߙߏ߬ߕߐ ߟߊߣߍ߲ ߓߌ߲ ߘߐ߫ ߝߍ߯ߝߍ߮ ( ߞߊߙߑߕߐ߲) ߘߏ߫ ߞߊ߲߬߸ ߖߌ߫ ߘߎ߲ ߘߏ߫ ߝߣߊ߫ ߟߊߣߍ߲ ߊ߬ ߟߊ߫ ߝߍ߬ ߞߵߏ߬ ߟߊ߫ ߓߟߏߡߊߘߏ߲ ߘߏ߫ ߞߊ߲߬ ߸ ߏ߬ ߖߍ߬ߘߍ ߦߋ߫ ߞߟߐ߬ ߓߊ߯ߡߊ ߟߋ߬ ߘߌ߫ ߸ ߓߊ߬ߙߌ߬، ߊ߲ ߞߵߊ߬ ߕߘߍ߬ ߟߌ߬ߤߟߊ ߡߍ߲ ߘߐ߫ ،ߊ߬ ߕߎ߲߬ ߕߴߛߋ߫ ߟߊ߫ ߞߎߡߊ߫ ߖߐ߲ߖߐ߲ ߝߐ߫ ߟߊ߫߸ߓߊߏ߬ ߖߊ߲߬ߞߊߙߏ ߓߘߊ߫ ߣߐ߭ ߛߐ߬ߘߐ߲߬ ߊ߬ ߡߊ߫ ߞߏߛߓߍ߫ ߸ ߊ߬ ߦߋ߫ ߢߊ߫ ߞߐ߬ߣߌ߲ ߦߴߊ߬ ߦߌ߬ߘߊ߬ ߟߊ߫، ߦߏ߫ ߡߐ߱ ߡߍ߲ ߓߐߣߍ߲߫ ߘߊ߲ߘߊߛߏ ߟߊ߫ ߘߊ߲ߘߊߟߌ ߘߊߞߘߐ߫.

ߒ߬ߓߊ߬ ߸ ߌߞߏߡߌ߲߬ ߊ߲ ߝߣߊ߫ ߕߴߊ߲ ߖߍ߬ߘߍ ߡߊ߬ ߸ ߏ߬ ߟߋ߬ ߣߵߊ߬ ߞߍ߫ ߟߴߊ߲ ߝߣߊ߫ ߞߊ߬ ߛߏߕߌ߯ߘߊ ߟߊߛߐ߬ߓߌ߬ ߸ ߖߐ߲߰ߛߴߊ߬ߟߎ߬ ߘߌߣߵߊ߬ߟߎ߫ ߘߐ߭ ߘߏ߲߬ ߖߊ߲߬ߞߊ߬ߙߏ߬ߕߐ ߟߊ߫ ߢߊ߫ ߡߍ߲ ߡߊ߬.
ߘߊ߬ߡߊ߲߬ߛߊ߫߸ ߊ߲ ߞߊ߬ ߛߟߊߕߌ߯ ߦߊߦߊ߫ ߞߐ߲ߘߍ߫ ߣߊ߬ߕߐ߬ߟߊ ߦߋ߫ ߥߊߟߌߥߊߟߌ߫ ߔߏߔߏ ߞߊ߲߬ ߸ߏ߬ ߞߊ߬ ߖߊ߲߬ߞߊ߬ߙߏ߬ߕߐ ߡߊߝߟߍ ߸ ߡߊ߬ߟߍ߬ߟߌ ߞߐߝߍ߬ ߛߊ߫ ߸ ߏ߬ ߝߣߊ߫ ߞߊ߬ ߘߊ߲ߘߊߛߏߓߊ ߟߊߛߐ߬ߓߌ߬.

ߓߐ߬ߙߑߘߏ߫ ߋߣߊߦߋ߫ ߞߌ߲߬ߘߊ߬ ߞߎ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߸ ߊ߬ߟߎ߬ ߡߊ߫ ߖߊ߲߬ߞߊ߬ߙߏ߬ߕߐ ߣߌ߲߬ ߟߐ߲߫ ߞߘߐ߬ߡߊ߲߫ ،ߊ߬ߟߎ߬ ߘߏ߲߬ ߡߴߊ߬ ߟߊ߫ ߡߐ߰ ߝߣߊ߫ ߟߐ߲߫߸ߓߊ߬ߙߌ߬ ،ߊ߲ ߠߊ߫ ߛߍ߲߬ߛߍ߲߬ߠߌ߲ ߞߐߝߟߌ ߞߐ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߝߌߟߊ ߟߋ߬ ߗߍ߭ ߘߌ߫ ( ߖߊ߲߬ߞߊߙߏ߬ߕߐ ߞߊ߬ߣߌ߲߬) ߞߊ߲߬ߕߎ߰߸ ߊ߬ ߞߎߡߊ߫ ߢߊ߫ ߏ߬ ߟߋ ߦߌ߬ߘߊ߬ ߟߊ߫ ߡߐ߰ ߟߊ߫.
ߊߟߎ߫ ߦߴߊߟߎ߫ ߟߐ߲߫ ߝߣߊ߫ ߞߏ߫ ߸ ߊ߲ ߕߘߍ߬ ߡߊ߫ ߘߍ߬ߙߌ߬ ߞߊ߬ ߣߌ߲߬ ߞߏ ߛߎ߮ ߣߌ߲߬ ߢߐ߲߰ ߦߋ߫ ߦߊ߲߬ ߝߟߐ߫.
ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߸ ߓߐ߬ߙߑߘߏ߫ ߋߣߊߦߋ߫ ߞߏߞߏ߫ ߞߣߐߟߊ ߦߋ߫ ߡߐ߰ ߞߏ߬ߙߏ߲ ߠߎ߬ ߣߊ߬ ߘߌ߲ߞߌߙߊ ߟߋ߬ ߘߌ߫ ߞߘߐ߬ߡߊ߲߬…

ߓߐ߬ߙߑߘߏ߫ ߋߣߊߦߋ߫ ߞߌ߲߬ߘߊ߬ ߞߎ߲ߕߌ߮ ߸ ߊߓߘߎߟߊߦߌ߬ ߞߡߊ߬ߙߊ߫ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߞߎ߲߬ߘߏ߲ ߘߐ߫ ߞߏ߫ : ߞߎ߲߬ߠߊ߬ߛߌ߮ ߟߎ߬ ߦߋ߫ ߘߏ߫ ߟߊ߫ ߟߊ߬ߞߊ߲߬ߘߊ߬ߟߌ ߞߊ߲߬ ߞߌ߲߬ߘߊ ߟߎ߬ ߟߊ߫ ߞߏߛߓߍ߫ ߸ߞߏ߫ ߞߌ߲߬ߘߊ߬ ߞߎ߲ߕߌ߮ ߟߎ߬ ߣߌ߫ ߘߋ߲ߡߌߛߍ߲߫ ߞߎ߲ߕߌ߮ ߟߎ߬ ߦߋ߫ ߘߏ߫ ߟߊ߫ ߞߣߐ߬ߜߍ߲߬ߠߌ߲ ߞߊ߲߬.
ߝߣߊ߫ ߸ ߞߏ߫ ߞߊ߲ߞߊ߲߫ ߘߊ߲ߘߊߛߏߓߊ ߟߎ߬ ߦߋ߫ ߝߙߍ߬ ߞߍ߫ ߸ ߣߴߊ߬ߟߎ߬ ߥߟߋ߫ ߟߊ߫ ߞߊߟߌߡߊ߲߫ ߞߊߟߌߡߊ߲߫ ߡߍ߲ ߠߎ߬ ߡߊ߬ ߛߐ߲߬ ߸ ߊ߬ߟߎ߬ ߝߣߊ߫ ߦߋ߫ ߝߙߍ߬ ߞߍ߫ ߞߊ߬ ߛߋ߫ ߘߌ߲߬ߞߌߙߊ ߏ߬ ߘߐ߫ ߖߏߣߊ߫ ߸ ߣߴߏ߬ ߕߍ߫ ߊ߬ ߘߌ߫ ߞߍ߫ ߕߙߐߦߊ ߘߌ߫ ߊ߲ ߝߣߊ߫ ߞߊ߲߬ ߸ ߓߊߏ߬ ،ߊ߲ ߞߵߊ߬ ߠߊ߫ ߝߊ߰ߡߊ ߟߎ߬ ߟߊߛߐ߬ߓߌ߫ ߁߆ ߙߋ߲ ߠߋ߬ ߡߊ߬ ߸ ߓߊ߬ߙߌ߬ ߛߋ߲߬ߘߐ߬ߞߎߟߎ߲ (ambulance) ߡߊ߫ ߣߊ߬ ߝߏ߫ ߁߉ ߙߋ߲ ߕߎ߬ߡߊ ߝߊ߲߭ ߝߍ߬.
ߓߟߏߡߊ߬ ߸ ߊ߬ߟߎ߬ ߦߋ߫ ߛߋ߫ ߞߊ߬ ߞߏ ߟߎ߬ ߞߍ߫ ߊ߬ ߕߎ߬ߡߊ ߟߎ߬ ߟߊ߫ ߛߐ߲߬.
ߖߊ߲߬ߞߊߙߏ߬ߕߐ ߞߐ߲߬ߣߌ߲ ߦߋ߫ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫ ߕߋ߲߬ ߘߊ߲ߘߊߟߌ߫ ߘߊߞߘߐ߫.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫