ߞߵߊ߬ ߓߍ߲߬ ߛߘߍ ߣߌ߲߬ ߛߌ߲߬ߝߏ߲߬ߧߊ߬ߟߌ߬ߟߊ ߂߲ ߠߊ߫ ߞߎߡߊ ߡߊ߬߸ ߊ߬ߟߋ ߡߍ߲ ߦߋ߫ ߗߋߕߌ߯ ߝߌߟߊߣߊ߲ ߘߌ߫߸ ߊ߬ ߣߌ߫ ߛߌ߲߬ߝߏ߲߬ߧߊ߬ߟߌ߬ߟߊ ߘߏ߫ ߘߌ߫؛ ߣߴߊ߬ ߕߐ߯ ߦߋ߫ ߡߊ߬ߡߊߘߌ߫ ߖߓߊ߬ߕߋ߬ ߘߌ߫ ߞߊ߬ ߓߐ߫ ߞߎ߲ߖߊ߲߫ ߛߏ ߞߣߐ߫، ߛߘߍ ߣߌ߲߬ ߞߏ߬ߣߌ߲ ߞߍߞߏ߫ ߝߟߐ߫ ߕߍ߫ ߣߌ߲߬ ߘߌ߫߸ ߓߊߏ߬߸ ߝߟߐߡߊ ߞߍ߫ ߘߴߊ߬ߟߎ߫ ߓߟߏ߫ ߘߐ߲߬ߞߌ߲߬ ߛߊߟߌ ߕߊ߬ߡߌ߲߬ߣߍ߲ ߣߌ߲߬ ߠߋ߬ ߡߊ߬߸ ߊ߬ߟߎ߫ ߞߊ߬ ߏ߬ ߞߍ߫ ߡߊߡߦߊ߫ ߞߍ߫ ߦߙߐ߫ ߞߋߟߋ߲߫ ߠߋ߬ ߘߌ߫، ߓߊ߬ߙߌ߬߸ ߊ߬ߟߎ߬ ߦߴߊ߬ ߝߍ߬ ߛߋ߬ ߣߌ߲߬ ߛߋ߲߭ ߞߊ߬ ߛߋ߲߬ߧߊ߲߬ ߘߐ ߣߌ߲߬ ߕߊ ߞߍ߫ ߛߓߊ߬ ߘߌ߫، ߊ߬ߟߎ߫ ߞߊ߬ ߞߋߟߋ߲߫ ߞߍ߫ ߞߎߣߎ߲߬ ߞߍ߲ߘߍߟߏ߲ ߡߊ߬߸ ߏ߬ ߡߍ߲ ߓߍ߬ߣߍ߲߫ ߛߊߟߌ߫ ߕߋ߬ߟߋ߫ ߂ ߡߊ߬، ߘߏ߫ ߝߣߊ߫ ߞߍ߫ ߘߴߊ߬ߟߎ߬ ߓߟߏ߫ ߓߌ߬ ߞߊ߯ߙߌ ߢߌ߲߬ ߏ߬ ߡߍߵ ߦߋ߫ ߛߊߟߌ߫ ߕߋ߬ߟߋ߫ ߃ ߘߌ߫، ߊ߬ߟߎ߬ ߓߍߣߊ߬ ߃߲ ߠߋ߬ ߝߣߊ߫ ߞߍ߫ ߛߌߣߌ߲߫ ߞߐ߬ߓߊ߬ߟߏ߲ ߡߊ߬߸ ߏ߬ ߡߍ߲ ߓߍ߲߬ߕߐ߫ ߛߊߟߌ߫ ߕߟߋ߬ ߄ ߡߊ߬.

ߊ߬ ߟߊ߫ ߞߎߡߊ߫ ߘߐ߫߸ ߛߘߍ ߣߌ߲߬ ߡߊ߫ ߟߊߘߊ߲߫ ߊ߬ߟߎ߬ ߓߟߏ߫ ߞߎ߲ߖߊ߲߫ ߞߋߟߋ߲߫ ߕߐ߯ ߟߊ߫ ߘߋ߬߸ ߣߌ߲߬ ߠߊߘߊ߲ߣߍ߲߫ ߊ߬ߟߎ߬ ߓߟߏ߫ ߛߊ߬ߞߐ߬ߘߎ߯ ߡߎ߰ߡߍ ߟߋ߬ ߕߐ߯ ߟߊ߫، ߞߏ߫ ߛߊ߬ߞߐ߬ߘߎ߯ ߡߊߡߦߊ؛ ߓߊߏ߬߸ ߞߏ߫ ߕߏߟߏ߲ ߕߍ߫ ߛߍ߬ߓߍ ߛߊ߬ ߟߊ߫߸ ߛߍ߬ߓߍ ߝߣߊ߫ ߕߍ߫ ߕߏߟߏ߲ ߛߊ߬ ߟߊ߫، ߊ߬ߟߎ߫ ߞߏ߬ߣߌ߲ ߦߋ߫ ߞߟߌߟߌ ߓߌ߬ߟߊ߬ ߟߊ߫ ߛߊ߬ߞߐ߬ߘߎ߰ߞߊ ߓߍ߯ ߟߊߘߍ߬ߣߍ߲ ߡߊ߬߸ ߊ߬ߟߎ߬ ߦߋ߫ ߣߊ߬ ߞߊ߬ ߝߙߊ߬ ߢߐ߲߮ ߞߊ߲߬߸ ߛߴߊ߬ߟߎ߬ ߘߌ߫ ߛߋ߫ ߞߊ߬ ߥߟߊ߬ߘߊ߬ ߜߘߍ߫ ߟߊߘߊ߲߫ ߞߊ߬ ߓߐ߫ ߛߘߍ ߣߌ߲߬ ߞߣߐ߫߸ ߞߊ߬ ߝߊ߬ߓߘߊ ߟߊ߫ ߥߙߎߞߌ߫߸ ߊ߬ߟߎ߫ ߞߏ߬ߣߌ߲ ߦߋ߫ ߞߟߌߟߌ ߟߊߛߋ߫ ߟߊ߫߸ ߞߎ߲߬ߠߊ߬ߛߌ߮ ߟߎ߫ ߡߊ߬، ߞߵߊ߬ߟߎ߬ ߡߊߘߍ߬ߡߍ߲߬ ߖߐ߲߰ߛߴߊ߬ߟߎ߬ ߟߊ߫ ߛߘߍ ߣߌ߲߬ ߘߌ߫ ߛߋ߫ ߕߊ߯ ߟߊ߫ ߢߍ߫، ߓߊߏ߬߸ ߊ߬ߟߎ ߖߍ߬ߘߍ ߟߋ߬ ߣߐ߬ ߦߋ߫ ߛߘߍ ߣߌ߲߬ ߠߊߘߊ߲߫ ߠߊ߫، ߞߎ߲߬ߠߊ߬ߛߌ߮ ߟߎ߬ ߡߊ߫ ߞߏ߫ ߞߍ߫߸ ߘߎ߰ߕߌ߮ ߟߎ߬ ߘߏ߲߬ ߝߣߊ߫ ߡߊ߫ ߞߏ߫ ߞߍ߫…

ߛߘߍߘߋ߲ ߘߏ߫ ߟߊ߫ ߞߎߡߊ߫ ߘߐ߫߸ ߣߴߊ߬ ߕߐ߯ ߦߋ߫ ߖߋ߬ߡߏߙߌ߫ ߖߓߊ߬ߕߋ ߘߌ߫߸ ߣߴߊ߬ ߡߊ߬ߟߐ߲߬ ߕߐ߮ ߦߋ߫ ߓߎߦߊߦߊ߬ ߖߓߊ߬ߕߋ ߘߌ߫، ߞߏ߫ ߛߘߍ ߣߌ߲߬ ߠߊߥߎ߬ߟߌ߬ ߞߎ߲ ߠߋ߬ ߊ߬ߟߎ߬ ߓߟߏ߫߸ ߛߊ߫ ߞߊ߬ ߛߊ߬ߞߐ߬ߘߎ߰ߞߊ ߟߎ߬ ߝߣߊ߫ ߞߎ߲߬ߝߊ߲ߓߐ߫ ߛߐ߲߭ߞߍ߬ߣߍ߲߸ ߓߊߏ߬߸ ߣߴߌ ߞߵߊ߬ ߡߊߝߟߍ߫߸ ߛߊ߬ߞߐ߬ߘߎ߰ߞߊ ߡߍ߲ ߠߎ߬ ߦߋ߫ ߕߎ߲ߞߊ߲ ߠߎ߬ ߟߊ߫߸ ߣߴߏ߬ ߦߋ߫ ߞߊ߲ߞߊ߲߫ ߣߴߊ߬ ߢߐ߲߰ߘߐ ߟߎ߬ ߘߌ߫، ߘߐ߲߬ߞߌ߲߬ ߛߊߟߌ ߓߊ߯ ߛߋ߫ ߞߊ߬ ߏ߬ ߘߏ߫ ߟߎ߫ ߛߐ߬ߘߐ߲߫ ߦߋ߲߬ ߠߎ߬ ߘߐ߫߸ ߊ߬ߟߎ߬ ߘߌ߫ ߕߐ߰ߘߐߝߊ߰ ߞߵߊ߬ ߓߍ߲߬ ߕߏ߰ߝߏ ߞߍߓߊߟߌߦߊ ߡߊ߬߸ ߊ߬ߟߎ߬ ߟߊ߫ ߛߏ ߞߣߐ߫، ߏ߬ ߘߐ߫߸ ߏ߬ ߘߌ߫ ߞߍ߫ ߛߊߓߎ߫ ߘߌ߫߸ ߞߵߊ߬ߟߎ߬ ߟߊ߫ ߘߊ߲߬ ߛߌߟߊߕߍ߫، ߏ߬ ߟߋ߬ ߞߍ߫ ߘߊ߫ ߕߙߎ߬ ߘߌ߫߸ ߝߏ߫ ߊ߬ߟߎ߫ ߝߣߊ߫ ߞߊ߬ ߡߊߡߦߊ ߣߌ߲߬ ߠߊߥߟߌ߬߸ ߊ߬ߟߎ߫ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬ ߦߏ߫ ߓߌ߬ ߢߐ߲߰ ߟߏ߲߫߸ ߡߊߡߦߊ߫ ߖߡߊ ߥߊߣߍ߲߫ ߠߋ߬ ߤߊ߲߯ ߡߐ߰ ߄߀ ߣߌ߫ ߘߐ߫؛ ߝߣߊ߫ ߡߐ߱ ߘߏ߲߬ ߕߍ߫ ߖߊߛߌ߫ ߟߴߊ߬ߟߎ߫ ߟߊ߫ ߘߋ߬߸ ߊ߬ ߦߋ߫ ߕߊ߬ߡߌ߲߬ ߠߊ߫ ߝߙߊ߬ ߟߋ߫ ߟߋ߬ ߊ߬ߟߎ߫ ߞߊ߲߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫

ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫

ߓߌ߬ ߥߊ߬ߛߌߥߊ߬ߙߊ ߕߟߋ߬ ߇ ߂߀߂߅ ߸ ߓߌߛߑߞߙߌߡߞߊ ߟߎ߫ ߕߘߍ߬ ߛߍߥߊ ߣߌ߫ ߢߊ߯ߟߋ߲ ߠߋ߫ ߕߍߡߊ߬ ،ߞߴߏ߬ ߞߎ߲߭ ߞߍ߫ ߛߘߍ߫ ߝߘߊߓߊߟߌ ߟߎ߫ ߟߊ߫ ߢߣߊߕߍ߮ ߞߏߓߊ ߛߌ߱ ߘߌ߫ ߛߋ߲߬ߠߊ߬.

ߒ߬ߓߊ߬ ߸ߡߊߙߌߦߡߊ߫ ߗߊߡ ߡߍ߲ ߦߋ߫ ߛߘߍ ߍ߲ߛߋߔߊ߯ߙߊߓߟ ߞߊ߲ߕߌ߮ ߘߌ߫ ߸ߏ߬ ߟߊ߫ ߝߐߟߌ߫ ߘߐ߫،ߞߏ߫ ߡߊ߲ߡߦߊ ߢߌ߲߬ ߛߌ߲߬ߝߏ߲߬ߧߊ߬ ߞߎ߲ ߕߍ߫ ߘߏ߫ ߜߘߍ߫ ߘߌ߫ ߝߊ߬ߓߘߊ߬ ߘߐߘߌߦߊ߫ ߞߐ߫ ߸ߓߊ،ߞߏ߫ ߣߌ߫ ߛߊߟߌ ߛߋ߫ ߘߊ߫ ߓߍ߯ ߦߴߌ ߓߏ߬ߙߌ߬ ߟߊ߫ ߞߵߌ ߝߊ߬ߓߘߊ ߟߋ߫ ߡߊߜߍ߲߫ ߸ߓߊ߬ߙߌ߬ ߞߏ߫ ߘߏ߫ ߟߎ߬ ߓߘߊ ߘߐߞߟߊߦߊߣߍ߲߫ ߕߎ߬ߡߊ߬ ߓߍ߯ ،ߒ߬ߓߊ߬ ߞߴߏ߬ ߣߊ߬ߕߊ ߟߋ߫ ߞߵߊ߬ߟߎ߬ ߝߣߊ߫ ߟߐ߬ ߡߊ߲ߡߦߊ ߢߌ߲߬ ߓߐ߫ ߟߊ߫ ߢߟߊ߫ ،ߛߊ߫ ߞߊ߬ ߛߎ߬ߣߎ߲ ߣߌ߫ ߞߎ߬ߡߎ߲ ߣߌ߫ ߢߣߊ߬ߛߎߡߊ ߜߍ߲߫ ߛߏߡߐ߮ ߟߎ߬ ߟߊ߫.

ߡߊ߲ߡߦߊ ߣߊߓߘߍ ߘߎ߬ߛߎ߫ ߞߊ߬ߓߊ ߝߣߊ߫ ߞߵߊ߬ ߛߍߥߊߣߊ߲ߞߊ߲ ߦߌ߬ߘߊ߫ ߸ߞߏ߫ ߊ߬ ߛߍߥߊߣߍ߲߫ ߖߍ߬ߘߍߖߍ߬ߘߍ ߟߋ߫ ߓߌ߬ ߢߐ߲߰ ߟߏ߲߫ ߡߊ߲ߡߦߊ߫ ߞߏ ߢߌ߲߬ ߠߊ߫ ،ߊ߬ ߣߴߊ߬ ߞߍ ߘߐ߫ ߕߏߟߏ߲ ߣߊߓߘߍ ߘߌ߫ ߸ߞߴߏ߬ ߘߐ߫ ߞߎߡߊ߫ ߖߊ߲߫ ߕߴߊ߬ ߝߍ߬ ߣߌ߫ ߕߌ߲ߞߌ߫ ߓߎ߰ߓߎ߰ߣߍ߲߬ ߞߏ߬ߢߌߡߊ ߕߍ߫.

ߕߘߍ߬ߒ߬ߘߐ߬ߓߊ߮ ߘߏ߫ ߟߎ߫ ߕߍ߬ߘߍ߫ ߦߋ߲߬ ߞߏ߫ ߡߊߙߌߦߡߊ߫ ߞߊ߬ߓߊ ߊ߬ ߣߌ߫ ߝߊ߲ߕߊ߬ ߞߐ߲ߘߍ߫ ߏ߬ ߟߎ߬ ߞߴߌ ߛߍߥߊ߫ ߞߊ߲ ߦߌ߬ߘߊ߫ ߞߏߢߊ ߣߌ߲߬ ߘߐ߫.ߒ߬ߓߊ߬ ߞߵߊߟߎ߫ ߦߟߌߓߌ߬ߟߊ߬ ߸ߡߊ߲ߡߦߊ ߢߌ߲߬ ߛߌ߲߬ߝߏ߲߬ߧߊ ߛߊ߲߭ ߛߊ߬ߓߊ ߟߋ߫ ߢߌ߬ߣߊ߲߬ ߘߌ߫ ،ߛߊߙߏ߲ ߕߊ ߣߌ߫ߕߊ ߣߌ߫ ߢߌ߬ߣߊ߲߬ ߕߊ، ߡߊ߲߬ߘߋ߲߫ ߖߋ߬ߟߌ߬ߞߍ߬ ߘߏ߲ߘߏ߲ ߡߍ߲ ߕߐ߯ ߞߏ߫ ߖߋ߬ߟߌ߫ ߛߌ߬ߘߌߞߌ߬ ߞߎߦߊߕߍ߫ ߸ߏ߬ ߟߋ ߞߴߏ߬ ߕߏߟߏ߲ ߞߍ߫ ߞߵߊ߬ ߓߐ߫ ߖߊ߬ߡߊ ߣߌ ߞߊ߲߬ ߝߋߎ߫߸ߊ߬ߟߎ߬ ߝߣߊ߫ ߣߐ߬ ߕߋ߬ߟߋ߫ ߛߓߊ߬ ߟߋ߫ ߛߎߥߊ߲ߘߌ߫ ߟߊ߫ ߓߌ߬ ߣߌ߫ ߛߌߣߌ߲߫ ߣߌ߫ ߛߌߣߌ߲ߞߍ߲ߘߍ߫ ߡߊ߲ߡߦߊ߫ ߞߏ ߘߊ߱ ߘߌ߫ ߖߌ߰ ߞߊ߬ ߛߊ߲߬ ߣߊ߬ߕߐ ߡߊߞߐ߬ߣߐ߲߬ ߛߍߣߍ߲߬.

ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫
ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫ ߸ߏ߬ ߟߋ ߕߘߍ߬ ߞߣߍ ߞߊ߲߬.

ߞߊ߲ߞߊ߲߫ ߡߊߡߦߊ߫ ߓߟߋ߬ߓߟߋ ߞߍߞߏ߫ ߈߅߲ ߠߋ߬ ߛߋ߲߬ߠߊ߫ ߢߌ߬ߣߊ߲߬߸ ߡߍ߲ ߓߍߣߊ߬ ߘߊߡߌ߬ߣߊ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬، ߒ߬ߓߊ߬߸ ߢߌ߬ߣߊ߲߬ ߕߊ ߣߌ߲߬ ߓߘߊ߫ ߘߏ߲߬ ߘߐ߬ߝߐ ߞߣߐ߫߸ ߣߊߟߌ߬ߡߎ߲߬ ߒߞߏ ߛߓߍߟߌ ߘߊ߲ߞߎ߲ ߘߌ߫ ߊ߬ߟߎ߬ ߟߊ߫ ߡߊ߬ߛߓߍ ߟߎ߬ ߞߊ߲߬߸ ߏ߬ ߡߍ߲ ߞߍߞߏ߫ ߝߟߐߝߟߐ ߦߋ߫ ߡߊߡߦߊ߫ ߘߊߞߎ߲ ߘߐ߫ ߕߋ߲߬ ߛߊ߲߬ ߓߌ߫ ߦߙߌߞߊ ߣߌ߲߬ ߞߐߝߍ߬. ߏ߬ ߞߏ ߘߌߦߊߣߍ߲߫ ߠߋ߬ ߒߞߏ ߛߍ߬ߘߏ߲߬ߠߊ߬ ߛߌߦߊߡߊ߲߫ ߦߋ߫߸ ߊ߬ ߣߌ߫ ߝߊ߬ߛߏ߬ ߞߊ߲ ߛߘߊߟߊߟߓߊ ߟߎ߬߸ ߞߵߏ߬ ߞߎ߲߭ ߞߍ߫ ߖߘߍ߬ߞߏ ߦߋ ߘߌ߫ ߖߘߍ߬ߞߏ ߕߍߡߊ߬.

ߛߟߊߕߌ߯ ߓߊߛߓߊ߬ߕߌ߫ ߛߘߌ߬ߓߋ߬ ߡߍ߲ ߦߋ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߊ߲ߕߌ߮ ߘߌ߫߸ ߏ߬ ߞߵߊ߬ ߟߊ߫ ߥߊ߬ߛߊ ߦߌ߬ߘߊ:: <<ߊ߲ ߠߊ߫ ߛߍ߬ߘߏ߲ ߞߐߝߟߌ ߟߋ߬ ߓߐߣߍ߲߫ ߜߍߟߊ߫ ߓߌ߬߸ ߣߴߊ߬ ߡߊ߫ ߢߊ߬ ߞߏ߫ ߊ߲ ߕߎ߬ߡߊ߬ ߖߊ߲ ߠߋ߬ ߛߍ߬ߘߏ߲ ߞߊ߲߬ ߕߋ߲߬ ߛߊ߫ ߒߞߏ ߛߓߍߟߌ ߘߌ߫ ߘߊ߲ߞߎ߲߫ ߊ߲ ߠߊ߫ ߟߐ߲ߠߌ߲ߦߊ߫ ߞߏ ߟߎ߬ ߘߐ߫.>>

ߢߌ߬ߣߊ߲߬ ߕߊ ߣߌ߲߬ ߓߘߊ߫ ߞߍ߫ ߛߋ߲߬ߕߊ߬ߓߊ߫ ߘߌ߫߸ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߣߌ߫ ߡߊߡߦߊ ߛߌ߲߬ߝߏ߲߬ߧߊ߬ߓߊ߮ ߟߎ߬ ߟߊ߫ ߞߏߟߊߘߍߢߐ߲߯ߦߊ ߞߣߐߡߊ߬߸ ߊ߬ ߕߌ߯ߕߌ߯ ߛߘߍ߫ ߞߎ߲ߕߌ߮ ߘߏ߫ ߟߎ߫߸ ߡߊߡߦߊ ߓߟߏߡߦߊ ߦߴߏ߬ ߟߎ߬ ߡߍ߲ ߠߎ߬ ߓߟߏ߫، ߊ߬ߟߎ߬ ߘߐ߫߸ ߞߊߛߌߡ ߞߊ߬ߓߊ ߦߋ߫ ߓߟߏߡߊߘߍߡߍ߲ߠߊ ߘߏ߫ ߟߋ߬ ߘߌ߫߸ ߓߊߛߓߊ߬ߕߌ߫ ߞߵߏ߬ ߝߏ߬ ߊ߬ ߟߊ߫ ߞߊ߲ߞߋߟߋ߲ߕߌ߯ߦߊ ߞߏߛߐ߲߬߸ ߞߵߏ߬ ߟߊ߫ ߡߎߛߊ߫ ߝߊ߯ߖ߭ߊ߬ ߛߌ߬ߛߋ ߞߊ߲߬߸ ߞߓߊߘߊ ߛߘߍ߫ ߞߎ߲ߕߌ߮߸ ߏ߬ ߟߎ߫ ߞߊ߬ ߛߍ߬ߘߏ߲߬ ߛߌߦߊߡߊ߲߫ ߠߋ߬ ߞߍ߫ ߣߌ߲߬ ߞߏ ߘߐ߫߸ ߛߊ߫ ߖߊ߬ߕߋ߬ߘߐ߬ߛߌ߮ ߢߌ߲߬ ߘߌ߫ ߓߐ߫ ߜߍߟߊ߫.

ߊ߲ ߠߊ߫ ߢߊߢߌߣߌ߲ߠߌ߲ ߠߎ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߛߓߍߟߌ ߡߍ߲ ߠߎ߬ ߦߋ߫ ߥߊ߲߬ߥߊ߲ ߢߌ߲߬ ߠߎ߫ ߞߊ߲߬߸ ߏ߬ ߓߊ߯ߙߊ߫ ߡߐ߬ߟߐ߲߬ ߜߍߟߍ߲߫ ߘߝߐ߬ߡߊ ߣߌ߲߬ ߛߋ߫ ߘߊ߫ ߞߍ߫ ߟߊ߫ ߟߏ߲ߛߋߓߊߟߌߕߍ߫ ߞߏ߬ߣߊ߬ߕߍ߫ ߟߋ߬ ߓߟߏ߫߸ ߒߞߏ ߛߍ߬ߘߏ߲߬ߠߊ.

ߡߊߡߦߊ ߣߌ߲߬ ߕߍ߫ ߞߏߣߍ߲߫ ߘߌ߫ ߡߎ߬ߕߎ߲߬߸ ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߟߊ߫ ߝߊ߲߬ ߛߌߦߊߡߊ߲߫ ߘߐ߫ ߞߵߊ߬ߟߎ߫ ߞߎ߲߬ߛߌ߫ ߣߊ߬ߓߊ߰ߦߊ߫ ߘߎ߰ ߛߊߣߌ߲ ߠߊ߫߸ ߞߊ߬ ߣߊ߬ ߟߐ߲ߠߌ߲ߦߊ ߛߊ߲ߞߘߐߕߊ߬، ߞߊ߲ߕߌ߮ ߖߍ߬ߘߍ ߦߋ߫ ߛߘߍߘߋ߲ ߠߋ߬ ߘߌ߫߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߏߣߍ߲߫ ߕߍ߫ ߛߘߍ߫ ߞߏ ߘߌ߫ ߡߎ߬ߕߎ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫

ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߅ ߥߊ߬ߛߌ߬ߥߙߊ ߕߟߋ߬ ߆ ߟߋ߬ ߞߍ߫ ߘߊ߫ ߘߐ߲߬ߞߌ߲߬ ߛߊߟߌ ߘߌ߫ ߖߌ߬ߣߍ߬ ߞߊ߲ߓߍ߲ ߘߎ߰ߞߣߍ ߡߎ߰ߡߍ ߞߣߐ߫߸ ߏ߬ ߛߊߟߌ߫ ߞߋߟߋ߲ ߏ߬ ߟߋ ߛߌ߲߬ߝߏ߲߬ߧߊ߬ߣߍ߲߫ ߓߊ߯ߙߏ߫ ߛߏ ߞߣߐ߫߸ ߏ߬ ߡߍ߲ ߢߍߓߊ߯ ߝߟߐ ߦߋ߫ ߞߙߊ߬ߡߐ߯ ߡߊ߬ߡߘߎ ߞߐ߲ߘߍ߫ ߘߌ߫߸ ߓߍ߯ ߦߋ߫ ߡߍ߲ ߞߟߌ߫ ߟߊ߫ ߞߏ߫ ߡߎ߬ߊ߳ߟߌߡ.

ߊ߬ ߛߐ߰ ߘߊ߫ ߡߊ߰ߙߌ߬ ߛߊߣߌ߲߫ ߣߌ߬ߣߌ߬ߟߊ߬ ߞߟߊߒߞߋ ߓߏ߲߬ߧߊ ߣߴߊ߬ ߕߊ߲߬ߘߏ ߣߴߊ߬ ߞߏߢߌߡߊߟߐ߲ ߠߋ߬ ߡߊ߬ ߡߎߣߎ߲߬، ߞߊ߬ ߓߊ߲߫ ߞߊ߬ ߡߐ߱ ߟߎ߬ ߞߟߌ߫ ߞߊ߬ ߕߊ߯ ߝߊ߲ߕߊ߲ߞߊ ߡߊ߬߸ ߊ߬ ߣߌ߫ ߊߟߊ߫ ߞߏߢߌߡߊߟߐ߲ ߡߊ߬ ߓߌ߬ ߛߊߟߌ߫ ߟߏ߲ߓߊ ߣߌ߲߬ ߘߐ߫.

ߊ߬ ߓߊ߲ ߘߊ߫ ߞߊ߬ ߞߎߡߊ߫ ߊߙߝߊ߫ ߟߏ߲ ߡߐ߬ߟߐ߲ ߣߴߊ߬ ߟߊ߫ ߝߌ߬ߛߡߊ߬ߒ߬ߕߋ߬߬ߦߊ ߞߊ߲߬߸ ߊ߬ ߞߎߡߊ߫ ߘߊ߫ ߡߓߊ߬ߕߏ߬ߘߋ߲ ߠߎ߬ ߟߊ߫ ߓߊ߯ߙߊ߫ ߞߍߕߊ ߞߊ߲߬ ߓߌ߬ ߢߐ߲߰ ߟߏ߲߫߸ ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߞߏ߫ ߟߊ߬ߝߐ߬ߓߊ߰ ߌߓߎ߬ߙߊ߬ߤߌߡߊ߫ ߣߌ߫ ߗߋߘߋ߲߫ ߡߊ߬ߡߊߘߌ߫ ߟߊ߫ ߕߊ߯ߛߌߟߊ ߟߋ߬ ߘߌ߫.

ߊ߬ ߞߎߡߊ߫ ߘߊ߫ ߝߌ߬ߘߊ߬ ߟߏ߲ ߖߋ߬ߟߌ߬ ߟߊ߬ߓߐ߲ ߝߌ߬ߛߡߊ߬ߒ߬ߕߋ߬ߦߊ ߟߎ߫ ߞߊ߲߬߸ ߊ߬ ߣߌ߫ ߓߌߦߊ߲ ߡߍ߲ ߠߎ߬ ߘߌ߫ ߞߍ߫ ߊ߬ ߘߌ߫߸ ߊ߬ ߣߌ߫ ߡߍ߲߫ ߕߍ߫ ߞߍ߫ ߊ߬ ߘߌ߫، ߊ߬ ߓߊ߲߫ ߘߊ߫ ߞߊ߬ ߕߐ߰ߡߊ߬ߛߙߋ ߥߟߊ߫ ߝߊߛߌߣߌ߲ ߘߏ߫ ߟߎ߫ ߞߏߝߐ߫߸ ߏ߬ ߟߎ߬ (ߥߟߊ߫ ߏ߬ ߟߎ߬ ߘߏ߫ ߘߐ߫ ߞߋߟߋ߲߫) ߓߊ߯ ߞߍ߫ ߓߌߦߊ߲ ߡߍ߲ ߠߊ߫߸ ߏ߬ ߕߴߛߋ߫ ߞߍ߫ ߟߊ߫ ߟߊ߬ߤߌߦߊ ߥߟߊ߫ ߟߌ߬ߦߊ߲ ߘߌ߫، ߏ߬ ߕߐ߰ߡߊ߬ߛߙߋ ߘߏ߫ ߟߎ߫ ߟߋ߬: ߢߊ߫ ߜߍ، ߛߋ߲߬ ߞߋ߬ߟߋ߲߬ ߡߊ߬ ߖߌ߮ ߣߌ߫ ߛߋ߲߬ ߞߊߘߌߣߍ߲߸ ߏ߬ ߟߎ߬ ߛߌ߫ ߕߍ߫ ߓߍ߲߬ ߊ߬ ߘߐ߫، ߖߊ߲߬ߞߊߙߏ߬ߕߐ ߝߣߊ߫ ߕߍ߫ ߞߍ߫ ߟߴߊ߬ ߘߌ߫.

ߞߎߡߊ ߟߊߓߊ߲ ߘߐ߫ ߛߊ߫߸ ߊ߬ ߞߊ߬ ߕߌ߲ߞߌ߫ ߓߎ߰ߓߎ߬ߣߍ߲ ߞߍ߫ ߛߊߟߌߝߎߥߊ߫ ߘߐ߫ ߕߊ߯ߟߊ ߓߍ߯ ߦߋ߫ ߞߐߘߍ߫.

ߖߌ߬ߓߙߌ߬ߟߊ߲ ߡߊ߲߬ߘߋ߲߫ ߡߟߍ߬ߞߊ ߞߐ߲ߘߍ߫ ߓߟߏ߫

ߖ߭ߊ߲ߓߌ߫ ߞߊ߲ߕߌ߯ ߞߘߐ ߋߘߑߜ߭ߊߙ ߟߎ߲ߜ߭ߎ߫ ߓߘߊ߫ ߝߊߕߏ߫ ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߅ ߥߊ߬ߛߌ߬ߥߙߊ ߕߟߋ߬ ߅߸ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߆߈ ߡߊ߬߸ ߏ߬ ߟߊߛߋ߫ ߘߊ߫ ߝߊ߬ߛߏ߬ ߞߊߣߌ߲ ߞߟߊߘߊ ߟߋ߬ ߓߟߏ߫߸ ߊ߬ ߟߊ߫ ߓߘߍ߬ߓߘߍ߬ߟߌ߬ ߞߙߎߞߊ ߞߊ߬ߣߌ߲߬، ߞߊ߬ߝߏ߬ ߞߎ߲߬ߕߌ߰ ߞߘߐ ߣߌ߲߬ ߛߊ߬ ߘߊ߫ ߔߙߋߕߏߙߌߦߊ߫ ߘߊ߲ߘߊߛߏ ߟߋ߬ ߟߊ߫߸ ߝߘߊ߬ߝߌ߲߬ߠߊ߫ ߥߙߏ߬ߘߎ߮ ߘߐ߫߸ ߊ߬ ߕߍ߬ߘߍ߫ ߦߋ߲߬ ߠߋ߬ ߘߊ߲ߘߊߟߌ ߘߊߞߘߐ߫ ߓߣߊ߬ߛߎ߰ߝߐ ߕߊ߫ ߓߟߏ߫ ߡߊ߬߸ ߡߍ߲ ߞߟߊ߬ ߞߋߟߋ߲߫ ߡߊ߫ ߛߋ߫ ߟߐ߲߫ ߠߊ߫ ߞߵߊ߬ ߛߌ߰ ߛߊ߬ߦߊ ߟߊ߫ ߣߌ߲߬ ߛߊ߫.

ߊ߬ ߟߊ߫ ߛߊ߬ߦߊ ߞߎ߲߬ߠߊ߬ߝߎߟߋ߲ ߔߘߋߔߘߋߟߊߕߍ߰ ߘߴߊ߬ ߘߊ߲ߡߛߏ߫ ߕߊߛߌ߬ߟߊ߬ ߟߎ߲ߜ߭ߎ߫ ߟߋ߬ ߓߟߏ߫߸ ߖߌ߬ߦߊ߬ߖߟߎ߬ ߞߎ߲߬ߞߎ߬ߘߎ߲߬ߣߍ߲ ߘߏ߫ ߘߐ߫߸ ߡߍ߲ ߠߊߖߍ߲ߛߍ߲߫ ߘߴߊ߬ ߓߟߏ߫ ߥߊ߬ߛߌ߬ߥߙߊ ߕߟߋ߬ ߅ ߣߌ߲߬ ߛߐ߱ߡߊ߬.

ߊ߬ ߡߏߦߌ߫ ߘߊ߫ ߁߉߅߆ ߟߋ߬ ߟߊ߫߸ ߋߘߑߜ߭ߊߙ ߟߎ߲ߜ߭ߎ߫ ߞߍ߫ ߘߊ߫ ߖ߭ߊ߲ߓߌ߫ ߞߊ߲ߕߌ߮ ߘߊ߫ ߂߀߁߅ ߟߋ߬ ߟߊ߫߸ ߊ߬ ߢߍߓߊ߮ ߟߊ߫ ߛߊ߬ߦߊ ߞߐ ߘߐ߫߸ ߏ߬ ߡߍ߲ ߕߐ߯ ߞߏ߫ ߡߌ߬ߛ߭ߍߟ ߛߕߊ߫، ߊ߬ ߛߎߥߊ߲ߘߌ߫ ߘߊ߫ ߂߀߁߆ ߟߋ߬ ߟߊ߫߸ ߊ߬ ߞߊ߬ ߖߡߊ߬ߣߊ ߡߙߊ߬ ߤߊ߲߯ ߂߀߂߁، ߊ߬ ߣߊ߬ ߘߊ߫ ߘߊ߬ߘߌ߬ ߤߊߞߍ߲ߘߋ ߤߛ߭ߌߟߋߡߊ߫ ߓߟߏ߫߸ ߏ߬ ߡߍ߲ ߦߋ߫ ߖߡߊ߬ߣߊ ߞߎ߲߬ߠߊ߫ ߕߋ߲߬ ߞߊ߬ߣߌ߲߬، ߏ߬ ߞߍ߫ ߘߊ߫ ߢߣߊߕߊߟߌ߫ ߟߋ߬ ߝߍ߬߸ ߡߍ߲ ߞߎߡߊ ߛߌߦߊߦߊ߫ ߘߊ߫ ߞߏߛߓߍ߫.

ߊ߬ ߟߊ߫ ߟߐ߬ߒ߬ߞߋ߬ߟߊ ߞߎ߲߬ߕߊ߮ ߞߣߐ߫߸ ߟߎ߲ߜ߭ߎ߫ ߞߊ߬ ߛߐ߬ߘߐ߲ ߜߟߍ߬ߦߊ߬ ߛߌߦߊߡߊ߲߫ ߠߋ߬ ߛߐ߬ߘߐ߲߬߸ ߞߊ߬ ߖߊߓߊ߯ߕߐߦߊ ߣߌ߫ ߓߊ߯ߙߓߊߟߌߦߊ ߥߊ߬ߙߴߊ߬ ߕߋ߬ߟߋ ߘߐ߫߸ ߞߊ߬ ߝߘߏ߬ߓߊ߬ ߖߟߎ ߥߊ߬ߙߊ߫ ߖߡߊ߬ߣߊ ߟߊ߫ ߞߊߕߌ߫߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߵߊ߬߬ ߛߘߊ ߓߋ߬߸ ߞߵߊ߬ ߟߊ߫ ߡߙߊ߬ߞߊ߲ ߘߊߝߘߌ߫ ߞߎߜߋ߫.

ߊ߬ ߗߌߙߏ߲ ߡߍ߲ ߞߍ߫ ߘߊ߫ ߢߣߊߕߊߟߌ ߘߐ߫߸ ߞߊ߲ߕߌ߯ ߞߘߐ ߞߵߊ߬ ߡߊߕߊ߯ ߟߋ߬ ߓߘߍ߬ߓߘߍ߬ߟߌߌ ߟߊ߫ ߔߏ߲߫߸ ߝߏ߫ ߛߊ߲߬ ߠߊ߬ߓߊ߲ ߢߌ߲߬ ߠߎ߬ ߟߊ߫߸ ߊ߬ ߕߎ߲߬ ߞߵߊ߬ ߡߙߌߦߊ ߦߌ߬ߘߊ߬߸ ߞߏ߫ ߊ߬ ߦߴߊ߬ ߝߍ߬ ߞߊ߬ ߛߊ߬ߦߌ߲߬ ߓߘߍ߬ߓߘߍ߬ߟߌ ߞߊߡߊ߲ ߘߐ߫ ߝߊ߬ߛߏ ߞߣߐ߫، ߊ߬ ߟߊ߫ ߡߙߌߦߊ ߏ߬ ߝߣߊ߫ ߛߋ߲߭ ߡߊ߫ ߘߎ߱ ߛߐ߬ߘߐ߲߬߸ ߞߵߏ߬ ߞߎ߲߭ ߞߍ߫ ߛߌ߰ߞߊ߲߬ ߞߕߌߖߌ߲ ߠߊ߫ ߞߊߙߌߢߊ߲߫ ߟߊߣߍ߲ ߘߴߊ߬ ߢߍ߫߸ ߞߏ߫ ߊ߬ ߓߘߊ߫ ߟߐ߬ߒ߬ߞߋ߬ߟߊ߫ ߝߌ߬ߟߊ߬ ߞߍ߫߸ ߞߏ߫ ߊ߬ ߕߴߛߋ߫ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߛߎߥߊ߲ߘߟߌ߫ ߝߏߦߌ߬ ߘߐ߫ ߡߎ߬ߕߎ߲߬.

ߋߘߑߜ߭ߊߙ ߟߎ߲ߜ߭ߎ߫ ߟߊ߫ ߛߊ߬ߦߊ ߣߌ߲߬ ߣߐ߬ ߘߊ߲߭ߛߌ߰ ߟߊ߫ ߖ߭ߊ߲ߓߌ߫ ߓߘߍ߬ߓߘߍ߬ߟߌ ߘߝߐ߬ߓߊ ߘߏ߫ ߟߋ߬ ߟߊ߫ ߣߌ߲߬، ߊ߬ ߞߏ߬ߣߌ߲ ߕߐ߮ ߕߍߣߊ߬ ߕߎߣߎ߲߫ ߠߊ߫ ߖߡߊ߬ߣߊ ߘߐ߬ߕߊߡߌ߲ ߘߐ߫ ߡߎ߬ߕߎ߲߬߸ ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߊ߬ ߕߋ߬ߟߋ ߘߐ߫߸ ߥߙߎߞߌ߫ ߞߏ߫ ߛߌߦߊߡߊ߲߫ ߠߋ߬ ߞߍ߫ ߘߊ߫߸ ߜߟߍ߬ߦߊ߬ ߛߌߦߊߡߊ߲߫ ߝߣߊ߫ ߛߐ߬ߘߐ߲߬ ߘߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫

ߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߫ ߣߐ߬ ߡߊ߲߬ߕߙߐ߫ ߟߋ߬ ߛߐ߬ߘߐ߲߬ ߠߴߊ߬ߟߎ߬ ߡߊߞߍ߫ ߦߌߟߊ ߘߐ߫ ߕߋߛߌߕ߸ ߞߵߏ߬ ߞߎ߲߭ ߞߍ߫ ߡߙߊ߬ߒ߬ߡߊ߬ߟߌ ߘߏ߫ ߘߌ߫ ߊ߲ߛߏ߲ߜ߭ߏ߫ ߡߊ߬ߙߊ ߘߐ߫߸ ߜߵߊ߬ߥߏ߫ ߕߌ߲߬ߞߎߘߎ߲ ߘߐ߫߸ ߖߡߊ߬ߣߊ ߞߐ߰ߘߎ߮ ߘߐ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߓߘߊ߫ ߡߊ߬ߕߊ߰ߡߊ߬ߟߌ߫ ߛߌ߰ ߛߋ߲߬ߠߊ߫.

<<ߣߊ߲߬ߕߌ߰ ߘߊ߯ߘߐ ߦߋ߫ ߖߡߊ߬ߣߊ ߞߣߐ߫ ߡߐ߮ ߟߎ߬ ߟߊߟߐߠߌ߲߫ ߠߊ߫߸ ߞߵߊ߬ ߟߊߛߋ߫ ߘߎߢߊ߫ ߕߐ߭ ߓߍ߯ ߡߊ߬߸ ߞߏ߫ ߓߊ߰ߓߊ߰ߟߌ߬ ߞߙߎ߫ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߓߘߊ߫ ߡߙߊ߬ߒ߬ߡߊ߬ߟߌ߬ ߞߎߘߊ߫ ߞߍ߫߸ ߂߀߂߅ ߥߊ߬ߛߎ߬ߥߙߊ ߕߟߋ߬ ߀߄ ߢߌ߲߬ ߡߊ߬ ߁߅ߙߋ߲߸ ߕߋߛߌߕ ߡߊߞߍ߫ ߦߌߟߊ ߞߣߐ߫ ߜ߭ߊ߬ߥߏ߬.>> ߏ߬ ߟߊߛߋ߫ ߘߊ߫ ߣߊ߲߬ߕߌ߮ ߟߎ߬ ߟߊ߫ ߝߘߏߏ߬ߓߊ߬ ߓߌ߬ߟߊ߬ߢߐ߲߰ߡߊ ߞߌ߬ߓߊ߬ߙߏ߬ߘߊ ߗߋߕߌ߯ߘߊ ߟߋ߬ ߓߟߏ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߛߊ߲ߡߊߖߊ߲ߓߊ߲ߠߌ߲߫ ߛߌ߰ ߛߋ߲߬ߠߊ߫߸ ߡߍ߲ ߘߌ߫ ߛߴߊ߬ ߖߊ߲߬ߕߏ߬ ߟߊ߫ ߘߌ߲߬ߞߌߙߊ ߟߎ߬ ߘߐ߫.

ߣߊ߲߬ߕߌ߮ ߢߌ߲߬ ߠߎ߫ ߞߏ߬ߣߌ߲ ߡߴߊ߬ ߝߐ߫߸ ߕߙߐߦߊ ߞߛߊ߬ߓߌ ߡߍ߲ ߞߵߊ߬ߟߎ߫ ߛߐ߬ߘߐ߲߬߸ ߥߟߊ߫ ߕߌߢߍߟߌ ߣߌ߫ ߞߊ߬ߛߙߊ ߡߍ߲ ߘߏ߲߬ߣߴߊ߬ߟߎ߫ ߞߎ߲߬، ߊߟߎ߫ ߞߏ߬ߣߌ߲ ߦߴߊ߬ ߟߐ߲߫ ߞߏ߫ ߊ߬ ߞߍߣߍ߲߫ ߝߊ߲߭ ߡߍ߲ ߠߎ߬ ߘߐ߫ ߣߌ߲߬߸ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߞߊ߫ ߛߌߦߊ߫ ߓߊߟߋ߬ ߦߋ߲߬ ߠߎ߬ ߘߐ߫، ߓߊߏ߬߸ ߞߎ߲߬ߢߐ߲߰ ߞߋߟߋ߲ ߞߣߐ߫ ߕߋ߲߬ ߝߊߦߌߘߊ߫߸ ߊ߬ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߣߊ߯ߣߌ߲ߣߊ߲ ߠߵߏ߬ ߘߌ߫.

ߞߊ߬ߕߎ߲߯߸ ߘߓߊ߬ߕߊ ߕߟߋ߬ ߃߀ ߡߍ߲ ߕߊ߬ߡߌ߲߬ߣߍ߲߫ ߣߌ߲߬߸ ߡߙߊ߬ߒ߬ߡߊ߬ߟߌ߫ ߝߌ߬ߟߊ߬ߣߍ߲ ߞߍ߫ ߘߊ߫ ߕߣߊߓߜ߭ߎ߫߸ ߊ߬ ߣߌ߫ ߛߌߙߊߞߙߐߟߊ߫߸ ߞߎ߬ߟߌ߬ߞߙߐ߫ ߕߌ߲߬ߞߎߘߎ߲ ߘߐ߫ ߖߡߊ߬ߣߊ ߥߙߏ߬ߘߎ߮ ߘߐ߫، ߣߊ߲߬ߕߌ߮ ߟߎ߫ ߞߏ߬ߣߌ߲ ߛߋ߫ ߘߴߊ߬ߟߋ߬ ߓߊ߰ߓߊ߰ߟߌ߬ߟߊ ߟߎ߫ ߕߎߎ߲߬ߕߎ߲߬ ߠߊ߫ ߦߋ߲߬ ߘߐ߫.

ߤߊߟߌ߬ ߞߊߙߏ ߣߌ߲߬ ߕߟߋ߬ ߁߭ ߡߊ߬߸ ߓߎߟߑߞߋߛߌ߫ ߘߊ߮ ߝߣߊ߫ ߞߊ߬ ߕߙߐߦߊ߫ ߞߎߘߊ߫ ߡߐ߬ߛߐ߬ߘߐ߲߫ ߞߊ߬ ߝߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ߫ ߞߐߡߊߓߌ߲ߓߌ߲߫ ߞߙߎ ߟߋ߬ ߞߵߊ߬ ߦߌ߬ߘߊ߫ ߏ߬ ߞߏ ߘߐ߫ ߞߏ߫ ߊ߬ߟߎ߫ ߣߐ߭ ߟߋ߬، ߏ߬ ߟߎ߬ ߡߍ߲ ߠߎ߬ ߟߊ߫ ߞߙߎ ߦߋ߫ ߊߟߑߞߊߦߌߘߊ ߓߏߟߏ߲ ߘߏ߫ ߘߌ߫߸ ߣߴߊ߬ ߢߍߦߊ ߦߋ߫ ߌ߬ߦߊߘ ߊߖ߭ ߜ߭ߊߟߌ߫ ߓߟߏ߫.

ߡߊ߬ߟߌ ߣߊ߲߬ߕߌ߰ ߘߊ߯ߘߐ ߞߊ߬ ߟߊ߬ߛߋ߬ߟߌ ߡߍ߲ ߞߍ߫ ߡߊ߬ߟߌ ߣߊ߲߬ߕߌ߯ (ߝߊ߰ߡߊ) ߟߎ߬ ߕߐ߯ ߘߐ߫߸ ߏ߬ ߞߵߊ߬ ߦߌ߬ߘߊ߫ ߟߋ߬ ߞߏ߫ ߣߊ߲߬ߕߌ߮ ߟߎ߬ ߝߣߊ߫ ߛߋ߫ ߘߊ߫ ߡߙߊ߬ߒ߬ߡߊ߬ߟߌ ߣߌ߲߬ ߠߊߕߎ߲߬ߕߎ߲߬ ߠߊ߫ ߟߋ߬ ߝߋߎ߫߸ ߞߵߊ߬ߟߎ߬ ߜߍ߲߫ ߞߘߎߞߘߎ߫.

<<ߗߍ߬ߘߋ߲ ߛߌߦߊߡߊ߲߫ ߠߋ߬ ߞߊ߬ ߘߏ߫ ߞߍ߫߸ ߝߏ߫ ߞߊ߬ ߛߴߊ߬ߟߎ߬ ߛߋߞߏ ߘߊ߲߭ ߠߊ߫߸ ߞߵߊ߬ߟߎ߫ ߝߊ߬ߛߏ ߡߊߞߊ߲ߞߊ߲߫߸ ߣߊߟߌ߬ߡߎ߲߫ ߡߊ߬ߟߌ ߘߎ߰ߞߟߏ ߘߌ߫.>> ߊ߬ߟߎ߫ ߞߏ߬ߣߌ߲ ߠߊ߫ ߟߊ߬ߛߋ߬ߟߌ ߣߌ߲߬ ߡߴߊ߬ ߦߌ߬ߘߊ߬߸ ߓߊ߰ߓߊ߰ߟߌ߬ߟߊ ߦߙߌߞߊ ߡߍ߲ ߝߊ߰ߣߍ߲߫߸ ߥߟߊ߫ ߣߊ߲߬ߕߌ߮ ߦߙߌߞߊ ߡߍ߲ ߠߎ߬ ߝߣߊ߫ ߝߊ߰ߣߍ߲߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫