ߡߛߏ߬ߞߘߐ߫ ߛߊ߲߬ ߇߀ ߘߏ߫ ߟߋ߬ ߓߣߐ߬ߣߴߊ߬ ߣߌ ߘߐ߫ ߛߣߍ߬ߜ߭ߊߟߌ߫ ߖߡߊ߬ߣߊ ߞߣߐ߫߸ ߒߖߋߕߌ ߘߎ߱ ߞߣߐ߫ (ߞߊߝߙߌߣ)߸ ߞߊ߬ ߓߊ߲߫ ߡߐ߰ ߜߘߍ߫ ߟߎ߫ ߝߣߊ߫ ߡߊߘߌߡߌ߲߫.

ߞߎߣߎ߲߬ ߥߎ߬ߙߊ ߝߍ߬߸ ߡߊ߬ߛߎ߬ߓߊ߬ ߞߏ ߘߏ߫ ߟߋ߬ ߞߍ߫ ߘߊ߫ ߛߊߢߊ߫ ߡߙߊ߬ߓߊ߰ߘߊ ߞߣߐ߫ (ߞߊߝߙߌߣ ߕߌ߲߬ߞߎߘߎ߲ ߘߐ߫)، ߟߞߌߛߍ߫ ߝߎߝߎ ߟߋ߬ ߖߍ߲ߛߍ߲߫ ߘߊ߫ ߞߊ߬ ߕߊ߯ ߘߋ߲ߓߦߊ ߘߏ߫ ߟߎ߫ ߞߊ߲ߡߊ߬߸ ߝߏ߫ ߡߛߏ߬ߞߘߐ߫ ߛߊ߲߬ ߇߀ ߘߏ߫ ߓߣߐ߬ ߘߴߊ߬ ߣߌ ߘߐ߫ ߟߞߌߛߍ ߟߎ߬ ߟߊ߫ ߓߏ߲ߠߌ߲ ߞߏߛߐ߲߬.

ߊ߲ ߠߊ߫ ߞߎ߲߬ߠߊ߬ߝߎߟߋ߲߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߊ߬ ߦߌ߬ߘߊ߬ ߘߊ߫ ߞߏ߫ ߊ߬ ߘߊ߲߬ ߡߊ߫ ߞߍ߫ ߡߛߏ߬ߞߘߐ ߏ߬ ߟߊ߫ ߛߊ߬ߦߊ ߘߌ߫ ߘߋ߬߸ ߡߐ߰ ߛߓߊ߬ ߜߘߍ߫ ߖߐߞߌ߫ ߘߊ߫ ߟߋ߬߸ ߞߊ߬ ߛߏ߬ ߥߐߙߐ߲ߝߌ߬ߟߊ߬ ߝߣߊ߫ ߖߐߞߌ߫ ߞߏߖߎ߯ߦߊ ߞߍ߫ ߟߞߌߛߍ ߟߎ߬ ߓߟߏ߫.

ߛߏߕߌ߮ ߟߊ߫ ߝߐߟߌ߫ ߘߐ߫߸ ߞߏ߫: <<ߟߞߌߛߍ ߟߎ߬ ߕߘߍ߬ ߓߊߙߊ߲ߛߊ߲߫ ߖߎ ߘߏ߫ ߟߋ߬ ߟߊ߫߸ ߏ߬ ߟߎ߫ ߟߋ߬ ߖߍ߲ߛߍ߲ߣߍ߲߫ ߞߊ߬ ߘߏ߲߬ ߛߏ ߞߣߐ߫ ߝߌ߬ߕߙߌ߬ ߕߎߡߊ ߟߊ߫߸ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߕߏ߰ߝߏ߬ߕߊ߯ߝߊ ߟߊߘߏ߲߬ ߖߊ߬ߡߊ ߘߐ߫ ߞߏߛߓߍ߫، ߘߊ߬ߡߊ߲߬ߛߊ߫߸ ߡߛߏ߬ߞߘߐ߫ ߛߊ߲߬ ߇߀ ߘߏ߫ ߞߊ߬ ߛߊ߬ߦߊ ߡߊߛߐ߬ߘߐ߲߬߸ ߏ߬ ߡߍ߲ ߡߊ߫ ߛߴߊ߬ ߞߎ߲߬ ߞߊߘߊ߲߫ ߠߊ߫ ߞߵߊ߬ ߓߏ߬ߙߌ߫ ߞߊ߬ߣߌ߲߬߸ ߟߞߌߛߍ ߟߎ߫ ߞߵߏ߬ ߓߏ߲߫ ߝߊ߰ߟߌ߬ ߓߏ߲ߠߌ߲ ߠߋ߬ ߟߊ߫ ߝߋߎ߫.>> ߛߏߕߌ߮ ߟߋ߬ ߞߊ߲߫ ߕߋ߲߬.

ߊ߲ ߠߊ߫ ߟߌ߬ߤߟߊ߬ ߟߊ߬ߓߊ߲ ߠߎ߬ ߘߐ߫߸ ߖߐߞߌߓߊ߯ߕߐ ߟߎ߬ ߓߘߊ߫ ߟߊߟߊ߫ ߞߊߝߙߌߣ ߘߊ߲ߘߊߛߏ ߟߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫

ߓߌ߬ ߥߊ߬ߛߌ߬ߥߙߊ ߕߋ߬ߟߋ߫ ߂ ߣߌ߲߬ ߡߊ߬߸ ߝߘߊ߬ߝߌ߲߬ߠߊ߫ ߕߟߋ߬ߓߋ ߦߋ߫ ߛߊ߬ߡߘߎ߬ߜߍ߫ ߕߎ߬ߙߋ߬ ߟߊ߫ ߛߊ߬ߦߊ ߛߊ߲߭ ߁߂߅ ߛߎ߬ߣߎ߲ ߠߋ߬ ߘߐ߫ ߕߋ߲߬߸ ߡߊ߲߬ߘߋ߲߫ ߝߊ߰ߡߊ߬ ߟߊ߬ߓߊ߲ ߁߈߆߅ ߣߌ߫ ߁߈߉߈ ߕߍߟߊ ߘߐ߫، ߥߙߎߣߍߦߊߟߌ ߞߟߍ߬ߓߊ߮ ߟߋ߬ ߞߏ߫ ߦߋ߫ ߣߌ߲߬߸ ߡߍ߲ ߞߵߊ߬ ߕߐ߮ ߕߏ߫ ߗߍ߬ ߝߊ߬ߘߌ߲߬ߧߊ ߘߐ߬ߝߐ ߣߌ߫ ߞߟߍ߬ ߡߊ߲߬ߛߊ߬ߦߊ ߘߐ߬ߝߐ ߘߐ߫.

ߊ߬ ߡߏߦߌ߫ ߘߊ߫ ߁߈߃߀ ߟߋ߬ ߟߊ߫، ߛߊ߭ߡߏ߬ߙߌ߫ ߟߋ߬ ߊ߬ ߝߊ߬ ߗߍ߬ߡߐ߯ ߟߊ߲߬ߝߌ߬ߦߊ߬ ߘߋ߲߫ ߝߟߐ ߘߌ߫، ߊ߬ߟߋ ߟߋ߬ ߞߍ߫ ߘߊ߫ ߡߊ߲߬ߘߋ߲߫ ߝߊ߰ߡߊ߬ ߟߊ߬ߓߊ߲ ߘߌ߫ ߞߵߊ߬ ߕߊ߬ ߁߈߆߅ ߡߊ߬߸ ߞߵߊ߬ ߛߌ߰ ߁߈߉߈ ߠߊ߫߸ ߥߟߊ߫ ߛߊ߲߬ ߃߃ ߡߊ߲߬ߛߊ߬ߦߊ߫، ߊ߬ ߟߊ߫ ߡߊ߬ߙߊ ߥߊ߲߬ߥߊ߲߬ ߘߊ߫ ߖߌ߬ߣߍ߬ ߣߌ߫ ߜߋ߲ߞߐ߰ߖߌ߬ߘߊ ߣߌ߫ ߡߊ߬ߟߌ ߓߍ߯ ߟߊ߫ ߟߋ߬ ߞߐߘߍ߫.

ߞߊ߬ߦߌ߯ ߁߈߈߀ ߠߋ߬ ߟߊ߫߸ ߊ߬ ߣߌ߫ ߝߊ߬ߙߊ߲߬ߛߌ ߟߎ߫ ߞߊ߬ ߞߍ߬ߟߍ ߖߎ߭ߛߌ߰߸ ߊ߬ ߞߊ߬ ߕߊ ߟߊ߫ ߥߙߎߣߍߦߟߊ ߟߎ߫ ߞߊ߲߬ ߞߏߛߓߍ߫، ߊ߬ ߘߏ߲߬ ߞߍ߫ ߘߊ߫ ߥߎߟߊߟߊ߫ ߞߏ ߦߋߓߊ߮ ߣߌ߫ ߞߟߍ߬ߦߊ߬ߟߊ ߟߋ߬ ߘߌ߫߸ ߡߍ߲ ߠߊ߫ ߝߊ߲߬ߝߘߊ ߟߎ߬ ߝߊߘߌߡߊ߲߫ ߕߘߍ߬ ߞߏߛߓߍ߫، ߊ߬ ߞߵߊ߬ ߟߊ߫ ߞߍ߬ߟߍ ߢߊߞߎߘߦߊ߫ ߡߊ߬ߙߌ߬ߝߊ߬ ߘߊ߫ ߕߊ߲ ߠߎ߬ ߟߊ߫߸ ߡߍ߲ ߠߊ߫ ߞߟߍ߬ ߟߐ߲ ߞߊ߬ ߕߎ߬ߓߊߓߎ ߞߊ߬ߢߴߊ߬ ߟߊ߫ ߞߟߍߞߕߍ߫.

ߛߊ߬ߡߘߎ߬ߜߍ߫ ߞߊ߬ ߞߟߍ߬ߘߋ߲ ߠߎ߬ ߛߌ߲߬ߝߏ߲߬ߧߊ߫ ߞߊ߬ ߢߊ߬߸ ߞߵߊ߬ ߟߊ߫ ߝߊ߰ߡߊ߬ߟߊ ߞߣߐ ߛߌ߲߬ߝߏ߲߬ߧߊ߫߸ ߞߊ߬ ߕߍߓߊ߯ߦߊ ߟߎ߬ ߝߊ߲߬ߞߊߘߏ߲߬، ߊ߬ ߣߌ߫ ߊ߲߬ߜ߭ߌߟߋ ߟߎ߫ ߞߊ߬ ߓߍ߲߬ߓߍ߲ ߘߏ߫ ߞߟߊ߬ߣߐ߬ߦߊ߫ ߝߊ߬ߙߊ߲߬ߛߌ߫ ߛߋ߲߬ߞߘߐ߬ߡߊߕߍ߰ ߞߊ߲ߡߊ߬߸ ߝߏ߫ ߞߵߊ߬ ߟߊ߫ ߝߊ߰ߡߊߟߊ ߞߍ߫ ߥߙߎߣߍߦߟߊ ߟߎ߬ ߞߊ߬ߟߊ ߘߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫.

ߛߊ߭ߡߏ߬ߙߌ߬ ߣߌ߫ ߝߊ߬ߙߊ߲߬ߛߌ ߟߎ߫ ߞߊ߬ ߥߛߎ߬ ߖߊ߲߫ ߠߋ߬ ߞߍ߫ ߢߐ߲߯ ߠߊ߫߸ ߊ߬ߟߎ߬ ߦߋ߫ ߛߋ߬ ߞߘߐ߬ ߞߟߍ ߣߌ߫ ߖߟߊ߫ ߞߘߐ߫ ߞߟߍ ߟߊ߫߸ ߞߟߊߓߍ߲ߓߊ ߟߎ߬ ߞߍ߫ ߘߊ߫߸ ߥߏ߬ߦߏ߲߬ߥߊ߬ߦߊ߲߬ߞߐ߬ ߦߴߏ߬ ߘߏ߫ ߟߋ߬ ߘߌ߫، ߊ߬ ߕߏ߫ ߘߊ߫ ߛߙߊߕߌ߫ ߞߊ߲ߠߊ ߘߏ߫ ߟߎ߫ ߟߋ߬ ߞߐߖߋߓߌ ߡߊߞߐ߬ߣߐ߲ ߞߊ߲߬ ߜ߭ߟߋߡߎ߫߸ ߜ߭ߎߙߏ߬ ߣߴߊ߬ ߟߊ߫ ߡߐ߱ ߟߎ߬ ߥߊ߫ ߘߊ߫ ߓߊ߬ߙߴߊ߬ߟߎ߬ ߘߐ߫ ߊ߬ߟߌ߬ߡߌߛߊ ߛߐ߰ߡߊ߬ߘߊ ߟߊ߫߸ ߞߵߏ߬ ߞߴߊ߬ ߡߌ߬ߘߊ߬ߣߍ߲ ߘߌ߫ ߁߈߉߈ ߕߎߟߊߝߌ߲ ߕߋ߬ߟߋ߫ ߂߉ ߡߊ߬ ߘߏߦߌ߲߫، ߊ߬ ߟߊ߫ ߗߍ߬ߝߊ߬ߘߌ߲߬ߧߊ ߣߴߊ߬ ߕߊ߫߸ ߛߋ߫ ߞߍ߫ ߘߴߊ߬ ߟߊ߫ ߓߘߊߡߊߖߎ߮ ߟߎ߬ ߣߌ߫ ߝߊ߬ߛߏ߬ ߖߊ߲߬ߝߊ߬ߟߊ ߟߎ߫ ߟߋ߬ ߛߘߊ߫ ߘߐ߫߸ ߝߏ߫ ߊ߬ ߖߍ߬ߘߍ ߞߵߊ߬ ߟߊ߫ ߛߏ߬ߝߊ ߟߎ߫ ߟߐ߬ ߊ߬ߟߎ߬ ߘߐߡߌ߬ߘߊ߬ ߟߊ߫߸ ߞߏ߫ ߡߍ߲ ߓߘߊ߫ ߞߍ߫ ߞߘߐ߬ߡߊ߲߬߸ ߏ߬ ߘߌ߫ ߥߛߊ߬ ߞߍ߫.

ߊ߬ ߡߌ߬ߘߊ ߞߐ ߟߋ߬ ߘߐ߫߸ ߊ߬ߟߎ߬ ߕߊ߯ ߘߴߊ߬ ߣߴߊ߬ ߟߊ߫ ߖߋ߬ߟߌ߬ߞߍ߫ ߡߏ߬ߙߌ߬ߝߌ߲߬ߖߊ߲߫ ߖߓߊ߬ߕߍ߫ ߘߌ߫ ߥߛߎ ߟߊ߫ ߒߖߏߟߋ߫߸ ߜ߭ߊߓߐ߲߫ ߖߡߊ߬ߣߊ ߞߣߐ߫߸ ߏߜ߭ߎߋ߫ ߕߌ߲ ߘߐ߫، ߊ߬ ߛߊ߬ ߘߊ߫ ߁߉߀߀ ߥߊ߬ߛߌ߬ߥߙߊ ߕߋ߬ߟߋ߫ ߀߂ ߟߋ߬ ߡߊ߬߸ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߇߀ ߘߐ߫.

ߛߊ߭ߡߏ߬ߙߌ߬ ߟߊ߫ ߕߎߣߎ߲ ߞߐߝߟߌ ߟߋ߬ ߞߍ߫ ߘߊ߫ ߕߎ߬ߓߊ߬ߓߎ ߟߎ߫ ߥߊ߲߬ߥߊ߲ ߘߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߟߊ߫، ߊ߬ ߟߊ߫ ߢߣߊߡߦߊ ߞߏ߬ߣߌ߲ ߞߍ߫ ߘߊ߫ ߥߟߊ߬ߘߊ ߟߋ߬ ߘߌ߫ ߝߘߊ߬ߝߌ߲߬ߠߊ߬ ߘߋ߲ߡߌߛߍ߲ ߠߎ߬ ߦߋ߫߸ ߦߏ߫ ߛߋߞߎ߬ ߕߎ߬ߙߋ߬ ߣߌ߫ ߒߞߎߥߊߡߍ߫ ߒߞߎ߬ߙߎߡߊ߬ ߟߎ߫ ߞߵߊ߬ ߟߊ߫ ߞߏ ߢߊߦߋ߫ ߢߊ ߡߍ߲ ߡߊ߬߸ ߏ߬ ߟߎ߬ ߡߍ߲ ߠߎ߬ ߝߣߊ߫ ߞߍ߫ ߘߊ߫ ߥߙߎߣߍߦߊߟߌ ߞߟߍ߬ߓߊ߰ ߝߊߘߌ߲ ߠߎ߬ ߘߌ߫.

ߓߌ߬ ߡߍ߲ ߓߌ߬ ߘߌ߫߸ ߛߊ߭ߡߏ߬ߙߌ߬ ߦߋ߫ ߝߊ߬ߛߏ ߡߊ߲߭ߕߎ߬ߙߋ ߟߋ߬ ߘߌ߫߸ ߡߍ߲ ߓߘߊ߫ ߞߍ߫ ߛߓߊ߫ ߟߊߘߍ߲߰ߕߊ ߘߌ߫ ߥߍ߬ߣߍ ߣߌ߫ ߞߊ߲ߠߊߓߌߟߊ ߣߌ߫ ߕߋߟߋ߲ߓߊ߯ߦߊ ߛߍ߬ߘߏ߲ ߘߐ߫، ߊ߬ ߟߊ߫ ߛߍ߬ߘߏ߲ ߡߊ߫ ߞߍ߫ ߜߘߍ߫ ߘߌ߫ ߖߘߍ߬ߕߌ߰ߦߊ ߛߍ߬ߘߏ߲ ߞߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫

ߔߊ߬ߙߌ ߛߍ߲ ߖ߭ߍߙߑߡߍ߲ ߓߘߊ߫ ߘߐ߬ߝߐ ߟߊߘߊ߲߫߸ ߊ߬ ߓߘߊ߫ ߞߘߊ ߟߊߥߟߌ߬߸ ߞߊ߬ ߣߊ߬ߘߌ ߟߊߥߟߌ߬߸ ߣߊߟߌ߬ߡߎ߲߬ ߟߌߜ߭ ߘߍ߫ ߛߊ߲ߔߌߦߐ߲ ߕߊ߭ ߘߴߊ߬ ߓߟߏ߫ ߞߎߣߎ߲߬ ߞߍ߲ߘߍߟߏ߲ ߥߎ߬ߙߊ ߝߍ߬، ߖߌߟߊߝߍ߫ ߕߊ ߏ߬ ߟߋ ߞߍߣߍ߲߫ ߛߍߥߊ ߣߌ߫ ߥߎ߬ߘߊ߲ ߘߌ߫ ߔߊ߬ߙߌ߬ ߞߣߐ߫߸ ߞߊ߬ ߝߊ߬ߙߊ߲߬ߛߌ߬ ߟߊߡߊ߰߸ ߝߏ߫ ߛߎ߬ߣߎ߲ ߓߐ߫ ߘߊ߫ ߝߊ߲߬ ߛߌߦߊߡߊ߲߫ ߝߣߊ߫ ߘߐ߫ ߞߊ߬ ߣߊ߬.

ߣߴߏ߬ ߕߍ߫ ߎߛߑߡߊߣߌ߲߫ ߘߋ߲ߓߟߋ߫ ߞߊ߬ ߟߊ߬ߛߋ߬ߟߌ ߞߍ߫ ߟߋ߬ ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߴߊ߬ ߡߝߊ߫، ߊ߬ߟߎ߬ ߟߊ߫ ߞߍߙߍ߲ߘߊ ߞߊ߲ߕߌ߮ ߣߊߛߍߙ ߞߍ߬ߟߊߦߌߝߌ߬ ߝߣߊ߫ ߞߵߏ߬ ߢߐ߲߰ ߝߐ߫، ߓߊ߬ߙߌ߬ ߥߊߦߌߞߊ߫߸ ߏ߬ ߟߎ߬ ߟߊ߫ ߞߎߡߊ ߟߎ߬ ߞߍ߫ ߘߊ߫ ߖߌߜߍ߫ ߟߊ߫ ߛߌߓߏ ߟߋ߬ ߘߌ߫، ߓߊߏ߬߸ ߕߐ߲ߓߟߏߡߊ ߟߎ߬ ߣߌ߫ ߛߍߥߊߓߊ߯ߕߐ ߟߎ߫ ߞߵߊ߬ ߓߐ߫ ߟߋ߬ ߢߐ߲߮ ߘߐ߫ ߞߏߛߓߍ߫߸ ߕߊߓߌߟߊ ߟߎ߬ ߞߍ߫ ߘߊ߫߸ ߓߟߏߝߋ߲߫ ߛߏ߲ߧߊ ߟߎ߬߸ ߞߵߏ߬ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߟߎ߬ ߞߊ߲߬߸ ߏ߬ ߟߎ߬ ߛߌߦߊߡߊ߲߫ ߠߋ߬ ߞߍ߫ ߘߊ߫.

ߔߊ߬ߙߌ߬ ߞߣߐ߫߸ ߡߙߊ߬ߓߊ߰ߘߊ ߕߐ߲ߓߟߏߡߊ ߟߎ߫ ߞߊ߬ ߡߐ߰ ߅߅߉ ߟߋ߬ ߡߌ߬ߘߊ߬߸ ߄߉߁ ߓߍ߯ ߡߌ߬ߘߊ߬ ߘߊ߫ ߞߎߓߋߘߊ ߞߣߐ߫ ߦߋ߲߬ ߠߋ߬߸ ߞߵߏ߬ ߟߊ߫ ߃߂߀ ߜߘߍ߫ ߞߊ߲߬߸ ߡߍ߲ ߠߎ߬ ߦߋ߫ ߢߟߊߥߛߎ ߟߊ߫، ߖߎ߬ߟߊ ߟߎ߬ ߞߊ߬ ߞߊ߬ߛߙߊ߬ ߛߌߦߊߡߊ߲߫ ߠߋ߬ ߟߊߛߐ߬ߘߐ߲߬߸ ߞߎߡߊߕߍ߫ ߓߏ߲߫ ߟߐ߬ߣߍ߲ ߘߏ߫ ߟߎ߫ ߣߌ߫ ߛߏ ߦߙߐ߫ ߞߟߏߡߊ ߘߏ߫ ߟߎ߫ ߡߊ߬ ߛ߭ߊ߲߫ ߋߟߌߖ߭ߋ߫ ߝߊ߲߭ ߝߍ߬߸ ߊ߬ ߣߌ߫ ߔߊߙߞ ߘߍ߬ ߔߑߙߍ߲ߛ، ߔߊ߬ߙߌ߫ ߡߙߊ߬ߓߊ߮ ߟߏߙߊ߲ ߣߎߣߍߖ߭ ߞߵߊ߬ ߦߌ߬ߘߊ߫ ߓߌ߬ ߞߊ߯ߙߌ ߣߌ߲߬ ߡߊ߬ ߞߏ߫ ߊ߬ ߞߏ ߥߙߊ߬ ߟߋ߬ ߊ߬ߟߎ߫ ߡߊ߬߸ ߊ߬ߟߎ߫ ߕߍ߬ߘߍ߫ ߊ߬ ߖߌ߰ ߟߊ߫ ߢߊ ߺ ߊ ߺ ߢߊ߫ ߡߊ߬߸ ߊ߬ ߕߊ߬ߡߌ߲߬ ߘߴߏ߬ ߓߍ߯ ߟߊ߫ ߟߋ߬، ߣߴߏ߬ ߕߍ߫߸ ߞߏ߫ ߊ߬ߟߎ߫ ߞߵߊ߬ߟߎ߬ ߛߋߞߏ ߞߍ߫ ߟߋ߬ ߊ߬ ߟߊ߬ߞߊ߲߬ߘߊ߬ߟߌ߬ ߞߏ ߘߐ߫ ߝߋߎ߫.

ߊ߬ ߕߙߐߦߊ ߥߙߊ߬ ߘߊ߫ ߟߋ߬ ߡߐ߱ ߟߎ߫ ߞߊ߲߬ ߞߏߛߓߍ߫: ߡߐ߰ ߝߌ߬ߟߊ߫ ߟߋ߬ ߝߊ߰ ߘߊ߫ (ߗߍ߬ ߞߋߟߋ߲߫߸ ߏ߬ ߜߊ߬ߛߌ߬ ߘߊ߫ ߞߐ߲߬ߛߏ ߟߋ߬ ߓߟߏ߫ ߔߊ߬ߙߌ߬ ߞߣߐ߫߸ ߊ߬ ߣߌ߫ ߘߋ߲ߣߍ߲߫ ߛߊ߲߬ ߁߇ ߘߏ߫߸ ߏ߬ ߛߐ߰ ߘߊ߫ ߡߎ߬ߙߎ ߟߋ߬ ߟߊ߫ ߘߊߞߛ)، ߡߐ߰ ߂߀߀ ߢߐ߲߰ ߠߋ߬ ߖߐߞߌ߫ ߘߊ߫߸ ߞߵߏ߬ ߟߊ߫ ߕߐ߲ߓߟߏߡߊ߫ ߛߌߦߊߡߊ߲߫ ߞߊ߲߬߸ ߊ߬ ߣߌ߫ ߕߟߊߛߟߊ ߟߎ߬߸ ߡߍ߲ ߠߎ߬ ߖߐߞߌ߫ ߘߊ߫. ߣߴߌ ߛߋ߫ ߘߊ߫ ߜ߭ߙߋߣߐߓߟ߸ ߞߐ߲߬ߛߏ ߘߏ߲߬ ߘߊ߫ ߖߡߊ߬ ߛߌߦߊߡߊ߲߫ ߠߋ߬ ߕߎ߫ ߘߐ߫ ߦߋ߲߬߸ ߞߊ߬ ߡߐ߰ ߣߊ߯ߣߌ߲߫ ߖߐߞߌ߫߸ ߡߐ߰ ߝߌ߬ߟߊ߬ ߦߴߏ߬ ߘߐ߫߸ ߡߍ߲ ߠߎ߬ ߟߊ߫ ߖߐߞߟߌ ߖߎ߯ߡߊ߲߫ ߞߏߛߓߍ߫. ߊ߬ߟߋ߬ ߝߘߌߢߐ߲߯ߘߐ ߟߊߞߙߐ߬ߛߌ߬ ߘߊ߫ ߣߊ߲ߕ߸ ߟߌߦߐ߲߫߸ ߊ߬ ߣߌ߫ ߔߏ߫.

ߕߏ߬ߟߊ߲߬ ߞߏ ߘߐ߫߸ ߝߊ߬ߙߊ߲߬ߛߌ߬ ߥߊ߫ ߢߊ ߟߋ߬ ߕߌߢߍߟߌ߫ ߛߎ߮ ߣߌ߲߬ ߘߌ߫ ߞߘߐ߬ߡߊ߲߬، ߓߊߏ߬߸ ߂߀߁߈ ߖߊ߯ߓߊ߫ ߖߌߟߊߝߍ ߞߐ ߘߐ߫ ߓߊ߬߸ ߁߉߉߈ ߕߊ ߞߐߝߍ߬ ߝߣߊ߫ ߓߊ߬߸ ߖߐߞߟߌ ߟߎ߬ ߟߌ߫ ߝߊ߰ߟߌ ߞߍ߫ ߘߊ߫ ߟߋ߬ ߏ߬ ߟߎ߬ ߛߌߦߊߡߊ߲߫ ߘߐ߫.

ߏ߬ ߟߋ ߘߐ߫߸ ߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߟߎ߬ ߞߊ߲߫ ߞߏ߫ ߣߴߊ߬ߟߎ߬ ߡߊ߫ ߢߊ߫ ߖߐ߲ߖߐ߲߫ ߢߌߣߌ߲߫ ߣߌ߲߬ ߡߊ߬߸ ߊ߬ ߞߏ ߞߍߕߐ߫ ߟߋ߬ ߞߘߊ ߘߴߊ߬ߟߎ߬ ߞߐ߫ ߣߌ߲߬، ߓߊߏ߬߸ ߊ߬ߟߎ߬ ߓߊ߯ ߛߍߥߊ߫ ߞߏߕߊ߲߫߸ ߊ߬ ߘߌ߫ ߞߍ߫ ߞߐߝߟߌ߫ ߖߎ߮ ߘߏ߫ ߘߌ߫، ߛߊߟߌ߫ ߞߍ߫ ߘߊ߫ ߓߊ߬߸ ߕߏ߬ߟߊ߲߬ ߞߍ߫ ߘߊ߫ ߓߊ߬߸ ߊ߬ߝߐ߫ ߊ߬ ߘߌ߫ ߕߏ߫ ߣߌ߲߬ ߡߊ߬ ߓߊ߬؟

ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ

ߜߋ߲ߞߐ߰ߖߌ߬ߘߊ ߖߡߊ߬ߣߊ ߞߣߐ߫߸ ߞߊ߲ߡߋߙߋ߲ ߘߏ߫ ߟߋ߬ ߓߋ߬ߣߍ߲߫ ߕߐ߲ߓߟߏߡߊ ߟߎ߬ ߟߊ߫ ߖߐ߭ ߘߐ߫߸ ߛߏ߲߬ߧߊ߬ߟߌ߬ ߞߏ ߘߏ߫ ߘߐ߫ ߕߌ߲ߓߌߘߌ߲ߘߊ ߘߏ߫ ߟߊ߫߸ ߊ߬ ߦߋ߫ ߝߐ߫ ߟߊ߫ ߕߌ߲ߓߌߘߌ߲ߘߊ ߡߍ߲ ߡߊ߬ ߞߏ߫ ߎߡߎ߫ ߞߎߙߊ߫، ߊ߬ߟߋ߬ ߞߊ߲ߡߋߙߋ߲ ߡߊߝߌ߲߬ߣߍ߲߫ ߡߎ߲߬ ߘߐ߫߸ ߡߊ߲߬ߞߟߊ߬ߖߌ߬ߓߐ ߡߍ߲ ߦߋ߫ ߞߍ߫ ߟߊ߫ ߡߌ߬ߛߙߌ ߟߎ߬ ߞߣߐ߫ ߛߐ߲߬߸ ߒ߬ߓߊ߬߸ ߊ߬ߟߋ ߣߐ߬ ߡߌ߬ߛߙߌ ߣߌ߲߬ ߓߟߏߡߊߜߍ߲߫ ߥߊߘߌ ߏ߬ ߟߋ ߡߎ߰ߡߍ ߕߊ߬ ߟߊ߫ ߞߏ߲߬ߘߏ ߞߣߐ߫.

ߣߌ߲߬ ߞߍ߫ ߘߊ߫ ߞߎߣߎ߲߬ ߞߍ߲ߘߍߟߏ߲ ߠߋ߬ ߡߊ߬߸ ߀߆ߕߎߡߊ ߟߊ߫ ߛߎߓߊ߯ ߛߊߟߌ߫ ߞߐ، ߡߐ߱ ߟߎ߬ ߞߊߛߊ߬ߦߌ߲߬ߕߐ ߖߐ߫ ߞߊ߬ ߓߐ߫ ߛߊߦߌ߫ ߦߙߐ߸ ߏ߬ ߟߋ ߞߍ߫

ߣߌ߲߬ ߞߊ߬ߙߊ߲߬: ߜߋ߲ߞߐ߰ߖߌ߬ߘߊ ߖߐ ߣߐ߬ߡߌߣߊ ߢߌ߲ߘߍ ߦߋ߫ ߛߍ߬ߘߏ߲ ߠߊ߫ ߊߓߌߖߊ߲߬

ߘߊ߫ ߛߏ߲߬ߧߊ߬ߟߌ ߣߌ߲߬ ߞߍ߫ ߕߎߡߊ ߘߴߊ߬ߟߋ ߓߟߏ߫، ߞߊ߬ߕߎ߲߯߸ ߊ߬ߟߋ߫ ߞߵߊ߬߬ ߖߘߍ߬ ߞߍ߫ ߥߙߎߘߟߌߟߊ߫ ߟߋ߬ ߘߌ߫ ߡߌ߬ߛߙߌ ߞߣߐ߫߸ ߞߵߊ߬ ߛߌ߰ ߖߐ߫ ߤߊ߲߯ ߞߊ߬ ߓߍ߯ ߓߐ߫߸ ߞߵߊ߬ ߛߐ߬ߘߐ߲߬ ߊ߬ ߓߘߊ߫ ߓߊ߲߫ ߝߊ߲߬ߝߘߊ ߓߍ߯ ߞߍ߬ߙߍ߲߬ߘߍ߬ ߟߊ߫، ߊ߬ ߞߊ߬ ߞߏ߲߬ߘߏ ߟߋ߬ ߛߎߡߊ߲߫ ߖߐ߲ߖߐ߲߫߸ ߡߊ߬ߕߙߊ߬ߟߌ ߓߊ߯ ߞߍ߫ ߡߌ߬ߛߙߌ ߟߊ߫ ߛߐ߲߬߸ ߏ߬ ߥߊߘߌ ߦߋ߫ ߓߌ߬ߟߊ߬ ߟߊ߫ ߞߏ߲߬ߘߏ ߡߍ߲ ߞߣߐ߫߸ ߞߵߏ߬ ߕߊ߬، ߞߵߊ߬ ߛߐ߬ߘߐ߲߬߸ ߛߍߝߊ߫ ߥߊߘߌ ߥߊ߯ ߓߌߛߋ߬ߦߌ߲߬ ߦߴߊ߬ ߞߣߐ߫.

ߒ߬ߓߊ߬߸ ߕߌ߲ߓߌߘߌ߲ߘߊ ߞߏߟߊߕߍ߮ ߟߎ߬ ߝߣߊ߫ ߞߍߢߊ ߟߵߏ߬ ߘߌ߫߸ ߞߊ߬ ߥߴߊ߬ߟߎ߬ ߡߊߞߊ߬ߛߌ߬ ߕߐ߲ߓߟߏߡߟߊ߫߸ ߞߊߕߙߌߦߍߡ ߊߙߐ߲ߘߌߛߋߡߊ߲ ߠߊ߫، ߏ߬ ߟߎ߬ ߝߣߊ߫ ߞߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫ ߌߞߘߐ߫߸ ߏ߬ ߘߏ߲߬ ߞߐ ߘߌߦߊ߫ ߘߴߊ߬ߟߎ߬ ߟߊ߫ ߞߟߋ߫، ߓߊߏ߬߸ ߜߋ߬ߟߎ߲߬ߠߌ߲߬ ߖߌ߬ߦߕߊ߬ߟߊ߲ ߞߊ߬ ߖߌ߬ߦߊ ߡߍ߲ ߠߎ߬ ߖߊ߬ߛߏ߲߫ ߛߏ߲߬ߧߊ߬ߟߌ߬ ߕߎߡߊ ߟߊ߫߸ ߞߊ߲ߡߋߙߋ߲ ߦߋ߫ ߘߊ߫ ߏ߬ ߟߎ߫ ߟߋ߬ ߛߘߊ߫ ߘߐ߫߸ ߞߊ߬ ߕߍ߯ ߞߍ߫ ߊ߬ ߘߐ߫.

ߊ߬ ߡߌ߬ߘߊ߬ߣߍ߲߸ ߊ߬ ߦߋ߫ ߘߊ߫ ߞߏ߫ ߓߙߎߞߌߣߞߊ߫ ߞߊ߬ߙߊ߲߬ߠߊ߬ߘߋ߲ ߠߋ߬ ߦߴߊ߬ ߘߌ߫߸ ߡߍ߲ ߛߌ߭ ߦߋ߫ ߛߊ߲߭ ߡߎ߬ߥߊ߲߬ ߘߐ߫، ߊ߬ ߓߘߊ߫ ߡߌ߬ߘߊ߫ ߕߋ߲߬߸ ߊ߬ ߦߋ߫ ߢߟߊߥߛߎ ߟߊ߫߸ ߊ߬ ߞߍߣߍ߲߫ ߦߏ߫ ߞߊ߫ ߞߊ߲߫ ߞߊ߬ ߟߊߕߊ߬ߡߌ߲߬ ߞߕߌߘߊ ߟߊ߫ ߛߌߣߌ߲߫ ߞߐ߬ߓߊ߬ߟߏ߲ ߠߋ߬ ߡߊ߬߸ ߞߵߊ߬ ߦߌ߬ߘߊ߬ ߞߕߌߞߊ߲ߘߊ ߟߊ߫ ߞߵߊ߬ ߟߊ߫ ߞߕߌ ߞߍ߫߸ ߞߵߊ߬ ߞߏ߫ ߟߊߕߐ߲߫ ߊ߬ ߟߊ߫߸ ߊ߬ ߣߌ߫ ߡߍ߲ ߞߊ߫ ߞߊ߲߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫