ߦߙߌߖߎߓߊ ߟߋ߬ ߥߎ߬ߦߊ߬ߣߍ߲߫ ߗߍ߭ ߘߏ߫ ߞߎ߲߬ߠߊ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߀، ߗߍ߭ ߣߌ߲߬ ߕߐ߯ ߟߋ߬ ߞߏ߫ ߛߋߞߎ߬ ߛߌ߬ߛߋ߸ ߊ߬ ߦߋ߫ ߖߎ߬ߟߊ ߟߋ߬ ߘߌ߫ ߡߊ߬ߟߌ ߟߊ߫ ߓߡߊ߬ߞߐ߫، ߊ߬ ߦߋ߫ ߒߞߏ ߞߊߙߊ߲ߠߊ ߟߋ߬ ߝߣߊ߫ ߘߌ߫، ߒ߬ߓߊ߬ ߞߵߊ߬ ߕߏ߫ ߘߐ߬ߞߊ߬ߙߊ߲߬ߠߌ߲ ߠߊ߫ ߓߌ߬ ߛߐ߱ߡߊ߬߸ ߘߊ߬ߡߊ߲߬ߛߊ߫ ߦߙߌߖߎߓߊ ߣߌ߲߬ ߓߐ߬ ߘߊ߫ ߞߊ߬ ߥߎ߬ߦߵߊ߬ ߞߊ߲߬߸ ߞߵߊ߬ ߛߐ߬ߘߐ߲߬ ߛߊ߲ߖߌ߫ ߕߍ߫ ߣߊ߬ ߟߊ߫ ߝߢߐ߫ ߕߍ߫ ߕߍ߰ ߟߊ߫، ߊ߬ ߦߋ߫ ߝߐ߫ ߟߴߊ߬ߟߋ߫ ߦߙߌ ߡߊ߬ ߡߐ߱ ߟߎ߬ ߓߟߏ߫ ߸ ߞߏ߫ ߝߎߟߊ߲ߓߐߦߊ߲߫ ߦߙߌ ߥߟߊ߫ ߣߘߍ߬ߣߌ߲، ߞߏ߬ߣߌ߲߬ ߣߌ߫ ߛߌ߭ ߡߊ߫ ߓߊ߲߫߸ ߛߊ߬ߦߊ ߕߍ߫ ߞߍ߫، ߓߊߏ߬ ߝߏߦߌ߬ ߡߊ߫ ߞߍ߫ ߛߟߊߕߌ߮ ߛߋߞߎ߬ ߛߌ߬ߛߋ ߟߊ߫߸ ߝߏ߫ ߊ߬ ߟߊ߫ ߓߟߏߟߊ߫ ߞߏߦߌߣߊ߲ ߡߍ߲ ߞߊߘߌ߫ ߘߴߊ߬ ߓߟߏ ߟߊ߫߸ ߞߵߊ߬ ߓߟߏߞߏ߬ߋ߬ߣߍ߲ ߟߊ߬ߓߊ߲ ߢߍߕߊ ߡߊߘߌߡߌ߲߫، ߣߌ߲߬ ߞߍ߫ ߘߊ߫ ߓߌ߬ ߁߁ߙߋ߲ ߁߀ ߣߴߊ߬ ߡߌ߬ߛߍ߲߬ ߄߀ ߕߍߟߊ ߟߋ߬ ߘߐ߫، ߊ߬ ߞߍ߫ ߘߊ߫ ߞߎ߬ߥߊ߬ߡߍ߫ ߒߞߎ߬ߙߎߡߊ߬ ߓߍ߲߬ߕߍ ߟߊߡߌߣߌ߲ ߠߋ߬ ߘߐ߫، ߛߌߟߊߓߐߛߐ߯ߣߊ߫ ߟߊ߫ ߘߟߊߛߎ߲ߓߎߟߌ ߛߋ߫ ߘߴߊ߬ ߡߊ߬߸ ߓߌ߬ ߥߎ߬ߙߊ ߣߌ߲߬ ߝߍ߬ ߁߆ߙߋ߲ ߂߅ ߟߊ߫، ߞߏ߫ ߣߴߊ߬ ߝߊ߬ߘߌ ߦߋ߫ ߘߌ߬߸ ߊ߬ ߣߴߊ߬ ߞߊ߬ ߡߎ߲߬ ߞߋߟߋ߲߫ ߠߊߞߙߐ߬ߛߌ߬ ߞߏ ߣߌ߲߬؟ ߊ߬ ߞߊ߲߫ ߏ߬ ߖߋ߬ߓߌ ߘߐ߫߸ ߞߏ߫ ߊ߬ ߘߴߊߟߊ߫ ߕߊ߲߬ߘߏ߬߸ ߞߏ߫ ߞߏ߫ ߛߌ߫ ߕߴߊ߬ ߟߊ߫߸ ߝߏ߫ ߝߌ߬ߙߌ߲߬ߜߌ߬ߓߊ ߡߍ߲ ߓߘߊ߫ ߟߴߊ߬ ߞߊ߲ߞߟߊ ߡߊ߬ ߕߋ߲߬߸ ߏ߬ ߦߋ߫ ߦߏ߫ ߓߏ߲߬ߛߊ߲߬ߓߊ ߣߐ߭، ߞߏ߫ ߞߊ߬ ߓߍ߲߬ ߞߏ ߣߌ߲߬ ߞߍߢߊ ߡߊ߬ ߛߊ߫߸ ߞߏ߫ ߊ߬ ߕߴߛߋ߫ ߝߏߦߌ߬ ߝߐ߫ ߟߴߊ߬ ߞߍߢߊ ߞߊ߲߬߸ ߞߏ߫ ߓߊ ߊ߬ ߕߏ߫ ߘߊ߫ ߘߐ߬ߞߊ߬ߙߊ߲߬ߠߌ߲ ߠߋ߬ ߟߊ߫ ߦߙߌ ߓߐ߬ ߘߊ߫ ߞߊ߬ ߥߎ߬ߦߵߊ߬ ߞߊ߲߬، ߊ߬ ߞߏ߬ߣߌ߲ ߠߊ߫ ߞߏ߫ ߛߌ߫ ߡߊ߫ ߘߐߛߊ߬ ߊ߬ ߡߊ߬߸ ߓߊߏ߬ ߊ߬ ߕߋ߬ߟߋ߲߬ߣߍ߲߫ ߊ߬ ߟߊ߫ ߦߙߐ ߘߐ߫ ߟߋ߬ ߡߊ߬ߦߌ߬ߘߊ߬ߟߌ ߟߊ߫، ߞߏ߫ ߡߊ߫ ߞߍ߫ ߡߐ߰ ߜߘߍ߫ ߣߌ߫ ߝߋ߲߫ ߜߘߍ߫ ߛߌ߫ ߘߏ߲߬ ߠߴߊ߬ ߟߊߡߌߣߌ߲ ߘߐ߫.
ߊ߲ ߘߌ߫ ߡߍ߲ ߝߐ߫ ߊߟߎ߫ ߦߋ߫ ߛߊ߬ߡߊ ߣߌ߲߬ ߘߐ߫߸ ߏ߬ ߟߋ ߊ߲ ߧߴߊ߲ ߞߙߐ߬ߛߌ߬ ߕߏ߫ ߊ߲ ߖߘߍ߬ ߘߐ߫߸ ߦߙߌ߫ ߞߘߐ߫ ߛߌ߮ ߘߐ߫، ߓߊߏ߬ ߦߙߌ ߣߌ߲߬ ߥߎ߬ߦߊ߬ߣߍ߲߫ ߢߊ ߡߍ߲ ߡߊ߬ ߣߌ߲߬ ߞߵߊ߬ ߛߐ߬ߘߐ߲߬ ߝߢߐ߫ ߕߍ߫ ߛߊ߲ߖߌ߫ ߕߍ߫، ߞߵߊ߬ ߛߐ߬ߘߐ߲߬ ߏ߬ ߝߌ߬ߟߊ ߟߋ߬ ߞߍ߫ ߟߊ߫ ߛߓߊߓߎ߫ ߘߌ߫ ߦߙߌ߫ ߛߌߦߊߡߊ߲߫ ߦߋ߫ ߥߊ߬ߙߊ߲߬ߞߏ߬ ߟߊ߫.
ߊ߬ߟߌ߫ ߞߙߊ߬ߞߐ߬ߞߊ߫ ߞߊ߬ߟߐ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ ߘߏ߫.
