ߕߊ߬ߡߌ߲߬ߛߓߍ߬ ߢߎߡߍߙߋ߲ߡߊ ߕߊ߭ ߓߘߊ߫ ߘߊߡߌ߬ߣߊ߬ ߞߊ߲ߞߊ߲߫: ߡߍ߲ ߘߌߦߊ߫ ߘߊ߫ ߓߍ߯ ߦߋ߫߸ ߞߊ߲߬ߞߊߙߌ ߞߏ߬ߣߌ߲߬ ߦߴߊ߬ ߘߊ ߝߍ߬

ߓߌ߬ ߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߅ ߥߊ߬ߛߌ߬ߥߙߊ ߕߟߋ߬ ߁߈߸ ߞߊ߲ߞߊ߲߫ ߕߌ߲߬ߞߎߘߎ߲ ߕߐ߲ߓߟߏߡߊ ߟߎ߬ ߟߊ߫ ߗߋߕߌ߯ߘߊ ߞߊ߬ ߕߊ߬ߡߌ߲߬ߛߓߍ߬ ߢߎߡߍߙߋ߲ߡߊ ߕߊ߬ߟߌ ߣߴߊ߬ ߕߐ߯ ߟߊߘߏ߲ ߓߌ߬ߟߊ߫ ߛߋ߲߬ߠߊ߫ ߝߘߏ߬ߓߦߊ߬ ߓߟߏ ߡߊ߬، ߒߛߙߍߜߘߍ߬ ߕߊ ߞߐߝߍ߬߸ ߞߊ߲ߞߊ߲߫ ߝߣߊ߫ ߕߊ߫ ߓߘߊ߫ ߕߘߍ߬ ߞߏ߫ ߘߐ߫، ߞߎ߲߬ߠߊ߬ߛߌ߮ ߡߙߌߦߊ ߓߘߊ߫ ߓߐ ߘߊߡߌ߬ߣߊ߬ ߢߊ߫ ߟߊ߫ ߖߡߊ߬ߣߊ߬ߘߋ߲ ߠߎ߬ ߦߋ߫߸ ߣߴߏ߬ ߦߋ߫ ߓߊ߯ߙߊ ߟߎ߬ ߕߊ߲ߓߊ߲ߓߐ ߘߌ߫߸ ߞߊ߬ ߘߏ߫ ߓߐ߫ ߛߍ߱ ߟߊ߫߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߢߍߡߌߘߊߟߌ ߞߣߐߡߊ߬.

ߣߌ߲߬ ߞߏ ߞߎ߲߬ߠߊߛߌ߰ ߘߊ߫ ߘߎ߰ߘߋ߲ ߠߎ߬ ߟߊߕߊ߲߬ߞߊ ߣߌ߫ ߟߊ߬ߞߊ߲߬ߘߊ߬ߟߌ ߞߏߕߌ߮ ߖߘߍ߬ߓߊ߬ߞߎ߲ ߠߋ߬ ߓߟߏ߫߸ ߓߊ߬ߛ߭ߌߙߎ߬ ߖߊߟߏ߫، ߖߊ߲߬ߖߏ߲߬ ߘߊߞߎ߲ ߣߌ߲߬ ߘߐ߫߸ ߞߊ߲ߞߊ߲߫ ߡߙߊ߬ߞߊ߲ߞߋ ߛߌߦߊߡߊ߲߫ ߕߘߍ߬ ߞߣߍ ߞߊ߲߬߸ ߞߵߏ߬ ߟߊ߫ ߛߏ ߞߏߟߊߕߍ߯ ߛߌߦߊߡߊ߲߫ ߞߊ߲߬߸ ߡߍ߲ ߠߎ߬ ߣߊ߬ ߘߊ߫ ߛߐ߬ߘߐ߲߫ ߟߊ߬ߝߙߍ߬ ߘߟߊߞߊߟߌ߫ ߣߌ߲߬ ߘߐ߫.

ߞߊ߲ߞߊ߲߫ ߕߌ߲߬ߞߎߘߎ߲ ߕߐ߲ߓߟߏߡߊ ߟߎ߬ ߟߊ߫ ߗߋߕߌ߮ ߞߊ߬ ߡߙߌߦߊ ߣߌ߲߬ ߕߊ߲߬ߘߏ߫ ߟߋ߬ ߞߊߕߌ߫߸ ߞߵߊ߬ ߦߌ߬ߘߊ߬ ߞߏ߫: <<ߣߌ߲߬ ߦߋ߫ ߛߋߒߞߏߟߊߘߐߦߊ ߟߊ߫ ߕߊ߯ߢߍߓߊ߫ ߟߋ߬ ߘߌ߫ ߖߡߊ߬ߣߊ߬ߘߋ߲ ߠߎ߬ ߤߊߡߌ߲ ߦߊ߬ߙߊ ߘߐ߫.>> ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߖߡߊ߬ߣߊ ߟߋ߬ ߞߊ߫ ߞߊ߲߫ ߞߵߊ߬ ߟߐ߬ ߛߌߟߊ ߟߊߣߐ߰ߦߊ ߟߊ߫߸ ߛߊ߫ ߖߡߊ߬ߣߊ߬ߘߋ߲ ߓߍ߯ ߘߌ߫ ߕߊ߬ߡߌ߲߬ߛߓߍ ߛߐ߬ߘߐ߲߫ ߣߐ߰ߦߊ߬ ߘߐ߫߸ ߕߋߟߋ߲ ߣߌ߫ ߜߍߦߊ ߞߣߐ߫߸ ߊ߬ ߣߌ߫ ߕߎ߬ߡߊ߬ ߛߎ߬ߘߎ߲߬ߣߍ߲߬ ߞߘߐ߫.

ߗߋߕߌ߮ ߡߊ߫ ߘߊ߲߬ ߏ߬ ߘߐߙߐ߲߫ ߝߐ ߡߊ߬ ߘߋ߬߸ ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߛߙߊߕߌ ߘߏ߫ ߟߎ߫ ߟߋ߬ ߦߋ߫ ߕߊ߬ߡߌ߲߬ߛߓߍ ߣߌ߲߬ ߛߐ߬ߘߐ߲ ߠߊ߫߸ ߣߴߏ߬ ߘߝߊ߫ ߘߊ߫߸ ߌߟߋ ߣߴߊ߬ ߛߐ߬ߘߐ߲ ߦߊ߫ ߞߊ߲߫ ߏ߬ ߘߐ߫ ߝߛߊߦߌ߫، ߏ߬ ߟߎ߫ ߟߋ߬:

• ߖߕ ߅߀߀ ߀߀߀ ߜߍߛߓߍ ߦߋ߫ ߛߊ߲߬ ߟߏ߯ߟߎ߫ ߞߎ߲߬ߕߊ߯ ߕߊ߬ߡߌ߲߬ߛߓߍ ߟߋ߬ ߞߎ߲߬ߞߘߐ߫߸ ߁ ߀߀߀ ߀߀߀ ߦߋ߫ ߛߊ߲߬ ߕߊ߲ ߞߎ߲߬ߞߘߐ߫߸ ߏ߬ ߜߍߛߓߍ ߘߏ߫ ߘߐ߫ ߞߋߟߋ߲߫ ߠߋ߬ ߞߊ߫ ߞߊ߲߫ ߞߴߌ ߓߟߏ߫.
• ߞߵߏ߬ ߟߊ߫ ߛߐ߬ߘߐ߲߬ ߛߓߍ߬ ߢߎߡߍߙߋ߲ߡߊ ߞߊ߲߬.
• ߊ߬ ߣߌ߫ ߡߊ߬ߟߐ߲߬ ߖߌߦߊߓߍ߫ ߝߌ߬ߟߊ߬߸ ߡߍ߲ ߠߎ߬ ߞߘߐߞߟߐ ߦߋ߫ ߜߍߡߊ߲ ߘߌ߫.

ߞߏߕߌ߯ ߓߊ߬ߛߌߙߎ߬ ߖߊߟߏ߫ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߤߊߡߌ߲ ߕߍ߫ ߘߏ߫ ߜߘߍ߫߸ ߖߊ߬ߡߊ ߡߊ߬ߞߏ ߦߋ߫ ߛߋ߫ ߢߊߓߐ߫ ߟߊ߫ ߣߌ߫ ߥߎߟߊ߫ ߖߊ߲߫ ߠߊ߫ ߕߊ߯ ߕߍ߫، <<ߞߊ߲ߕߌ߮ ߞߵߊ߲ ߖߊ߬ߡߊߙߌ߫ ߟߋ߬߸ ߞߏ߫ ߊ߲ ߧߋ߫ ߖߡߊ߬ߣߊ ߞߏ ߟߎ߬ ߛߐ߬ߘߐ߲ ߠߊߣߐ߰ߦߊ߫ ߖߡߊ߬ߣߊ߬ߘߋ߲ ߠߎ߬ ߡߊ߬߸ ߦߙߐ ߓߍ߯ ߘߐ߫߸ ߟߋ߬ߟߋ ߓߍ߯ ߘߐ߫߸ ߢߊ ߓߍ߯ ߡߊ߬.>>

ߊ߬ ߡߊ߫ ߘߊ߲߬ ߏ߬ ߡߊ߬ ߘߋ߬߸ ߊ߬ ߞߊ߬ ߞߊ߲߬ߞߊߙߌ ߟߊ߫ ߦߙߎ߬ߞߎ߬ߦߙߎߞߎ ߞߍߢߊ ߓߍ߯ ߘߏ߫ ߦߋ߫: <<ߣߴߌ ߣߊ߬ ߘߊ߫ ߦߊ߲߬߸ ߥߛߊ߬ߘߊ߬ߕߌ߮ ߘߏ߫ ߦߴߊ߬ ߝߐ߫ ߌ ߦߋ߫ ߞߏ߫ ߥߊ߯ ߗߡߍ߬ ߥߟߊ߫ ߥߟߊ߫ ߥߊ߯ ߗߍ߬ߡߍ߫ ߝߌ߬ߟߊ߬ ߘߌ߫ ߖߌ߬ߣߍ߬ ߕߊߡߊ߲ ߘߐ߫߸ ߛߴߌ ߘߴߌ ߟߊ߫ ߕߊ߬ߡߌ߲߬ߛߓߍ ߛߐ߬ߘߐ߲߬، ߌ ߞߴߌ ߞߎ߲߬ ߣߌ߫ ߢߌߡߌ߲߫ ߘߊ߲߫߸ ߝߙߍߕߍ ߣߌ߲߬ ߞߟߌ߫: ߁߁߀߸ ߞߊ߬ ߥߛߊ߬ߘߊ߬ߕߌ߮ ߞߏߝߐ߫، ߣߴߏ߬ ߡߊ߫ ߓߍ߲߬߸ ߌ ߞߎ߲߬ߛߌ߲߫ ߕߌ߲߬ߞߎߘߎ߲ ߕߐ߲ߓߟߏߡߊ߫ ߗߋߕߌ߮ ߖߘߍ߬ߓߊ߬ߞߎ߲ ߠߊ߫߸ ߞߏ ߦߴߏ߬ ߡߍ߲ ߕߊ߫ ߓߟߏ߫ ߞߊ߲߬، ߡߐ߰ ߛߌ߫ ߘߏ߲߬ ߞߊ߬ ߣߌ߲߬ ߡߊߛߐ߬ߛߐ߬߸ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߏ߬ ߓߍ߯ ߦߋ߫ ߞߊ߬ߝߏ ߟߊ߫ ߜߘߌߛߌ߯ߟߌ ߝߊ߬ߣߌ߲߬ߧߊ߬ߓߊ߮ ߟߋ߬ ߘߌ߫.>>

ߡߙߌߦߊ߫ ߞߋߟߋ߲ ߣߌ߲߬ ߞߊ߲߬ ߕߎ߲߯߸ ߞߏߕߌ߮ ߞߊ߬ ߞߊ߲߬ߞߊߙߌ ߟߊ߫߸ ߞߏ߫ ߥߊߘߌ߫ ߘߊ߲߬ߠߊߕߍ߰ߣߍ߲ ߠߋ߬ ߣߌ߲߬ ߞߏ ߘߌ߫߸ ߡߐ߰ ߛߌ߫ ߞߊ߬ ߘߙߐߡߍ߫ ߟߊ߫ ߏ߬ ߘߟߊ߫ ߢߊ߫ ߛߌ߫ ߡߊ߬߸ ߞߊ߬ ߓߐ߫ ߥߊߘߌ߫ ߛߙߊ߬ߣߍ߲ ߞߐ߫ ߜߍߓߏ߲ ߠߊ߫߸ ߏ߬ ߓߍ߯ ߦߋ߫ ߘߊ߬ߣߊ߲߬ߥߊ߯ߙߌ ߟߋ߬ ߘߌ߫߸ ߡߍ߲ ߣߐ߭ ߘߐߞߏߟߏ߲߫ ߕߍ߫ ߕߏ߫ ߡߎ߰ߡߍ߫.

ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߏߕߌ߮ ߞߊ߬ ߘߍ߲߬ߞߣߍ߬ߦߊ߬ߓߊ߯ ߤߖߌ߫ ߟߊ߫ ߕߊ߯ߟߊ ߟߎ߬ ߝߣߊ߫ ߖߌ߱ߕߎ߲߰: <<ߕߣߐ߬ ߕߍ߫ ߞߐߣߊߞߙߌ߫ ߕߊ߯ߟߌ ߟߊ߫ ߡߎ߬ߕߎ߲߬ ߞߊ߬ ߕߊ߯ ߌ ߓߟߏߕߋ߬ ߥߟߊ߫ ߞߵߌ ߟߊ߫ ߕߊ߬ߡߌ߲߬ߛߓߍ߬ ߞߏ ߢߊߓߐ߫، ߞߏߕߌ߯ߘߊ ߓߘߴߊ߬ ߟߐ߬ ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ ߡߊߘߍ߬ߡߍ߲߬ ߞߎ߲ ߠߊ߫ ߦߋ߲߬ ߝߋߎ߫.>> ߌ ߘߌ߫ ߛߴߏ߬ ߓߍ߯ ߞߍ߫ ߟߴߌ ߘߌ߲߬ߞߌߙߊ ߘߐ߫ ߡߎ߬ߕߎ߲߬߸ ߞߊ߬ ߓߟߏߕߋ ߞߍ߫ ߡߙߊ߬ߓߊ߰ߘߊ߬ ߞߣߐ߫߸ ߌ ߦߋ߫ ߝߊ߲߭ ߡߍ߲߸ ߞߊ߬ ߣߊ߬ ߕߊ߬ߡߌ߲߬ߛߓߍ ߘߐߓߍ߲߬ ߞߊ߲ߞߊ߲߫ ߞߣߐ߫.

ߣߌ߲߬ ߦߋ߫ ߡߙߌߦߊ߫ ߓߘߍ߫ ߟߋ߬ ߘߌ߫߸ ߡߍ߲ ߘߌߦߊ߫ ߘߊ߫ ߞߊ߲ߞߊ߲ߞߊ ߟߎ߬ ߦߋ߫ ߞߏߛߓߍ߫، ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߦߟߍ߬ߡߊ߲ ߓߘߊ߫ ߘߏ߲߬ ߞߎ߲߬ߠߊ߬ߛߌ߮ ߟߊ߫ ߞߏ ߟߎ߬ ߘߐ߫߸ ߞߊ߬ ߦߟߍ߬ߡߊ߲ ߘߏ߲߬ ߝߘߏ߬ߓߊ߬ ߞߏ ߘߏ߫ ߟߎ߫ ߘߐ߫߸ ߞߊ߬ ߛߌߦߊߡߊ߲߫ ߛߐ߬ߘߐ߲ ߠߊߣߐ߰ߦߊ߫ ߖߡߊ߬ߣߊ ߞߣߐߟߊ ߘߐ߫߸ ߞߊ߬ ߞߐߣߊߞߙߌ߫ ߕߊ߯ߟߌ߫ ߓߐ߫ ߡߐ߱ ߟߎ߫ ߡߊ߬ ߕߊ߬ߡߌ߲߬ߛߓߍ߬ ߞߏ ߣߌ߲߬ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫