ߞߎߣߎ߲ߟߏ߲ ߛߎ ߘߐ߫ ߞߵߊ߬ ߘߎ߬ߛߊ ߜߍ߫ ߓߌߟߏ߲ ߠߊ߫ ،ߥߊ߬ߛߌ߬ߥߊߙߊ ߕߟߋ߬ ߁߈ ߣߴߊ߬ ߁߉ ߡߊ߬، ߛߊ߲߬ ߂߀߂߅ ߞߊ߬ߣߌ߲߬.
ߕߊߓߐ ߘߏ߫ ߟߋ߬ ߞߍߣߍ߲߫ ߞߊ߬ ߟߊ߲߬ߝߌ߬ߦߊ߬ ߘߌ߲ߘߌߙߌ߲ ߘߏ߫ ߡߎ߰ߡߍ߫ ߞߍ߫ ߞߎߙߍ߫ ߸ ߏ߬ ߡߍ߲ ߕߐ߯ ߞߏ߫ ߸ <<ߔߊߙߌߛߌߦߣߊ߫>>« Parisiana ».
ߘߌ߲߬ߞߌߙߊ ߏ߬ ߦߋ߫ ߟߌ߬ߡߊ߲߬ߣߌ߬ߦߊ߫ ߞߌ߲߬ߘߊ ߟߋ߬ ߟߊ߫ ߸ ߏ߬ ߡߍ߲ ߣߌ߫ ߞߛߌ߬ߘߎ߰ ߣߌ߫ ߜ߭ߋߞߋߘߎ߯ ߝߊ߬ߛߏ߫ ߛߌߟߓߊ ߕߍ߫ ߡߊ߲߫ ߖߊ߲߬ ߞߊ߬ߣߌ߲߬.
ߒ߬ߓߊ߬ ߸ߤߊ߲߯ߕߋ߲߬ ߝߟߐ߫ ߸ ߥߊ߬ߥߎߟߋ߲ ߣߌ߲߬ ߞߎ߲߬ ߖߐ߲ߖߐ߲߫ ߡߊ߫ ߟߐ߲߫ ߤߊ߲߯،ߓߊߏ߬ ߸ ߊ߬ ߘߊߡߌ߬ߣߊ߬ߣߍ߲߫ ߛߐ߰ߡߊ߬ߘߊ ߄ ߙߋ߲ ߞߊ߬ ߣߊ߬ ߛߋ߫ ߅ ߙߋ߲ ߕߎ߬ߡߊ ߝߊ߲߬ ߝߍ߬ ߟߊ߫ ߟߋ߬ ߡߊ߬.
ߞߟߍ߬ߡߐ߰ߟߊ߬ ߞߙߎ ߟߎ߬ ߞߵߊ߬ߟߎ߬ ߛߋߞߏ ߞߍ߫ ߝߋߎ߫ ( ߣߴߊ߬ߟߎ߬ ߟߊ߫ ߕߐ߯ ߝߙߍߕߍ߫ ߦߋ߫ ߂߀ ߘߌ߫) ߸ ߒ߬ߞߊ߬ ߥߊߦߌߞߊ߫ ߸ ߝߋ߲߫ ߛߌ߫ ߟߋ߬ ߡߊ߫ ߛߋ߫ ߞߊ߬ ߡߞߊߘߊ߲߫ ߓߏ߲ ߣߌ߲߬ ߞߣߐ߫.
ߝ߭ߌߞߑߕߐߙ ߞߡߊ߬ߣߏ߫ ߸ ߣߌ߫ ߘߏ߫ ߟߎ߫ ߦߴߊ߬ ߥߟߋ߫ ߟߊ߫ ߞߏ߫ \”ߝ߭ߞߌ\” ߸ ߊ߬ ߣߌ߫ ߟߊ߲߬ߝߌ߬ߦߊ߬ ߘߌ߲ߞߌߙߊ ߣߌ߲߬ ߝߘߏ߬ߓߊ߬ ߗߋߕߌ߯ ߞߊ߲ߕߌ߮ ߦߴߊ߬ߟߋ߬ ߓߟߊ߬ߎ ߟߊߛߙߋߦߊ ߟߊ߫ ߞߏ߫ :
<< ߝߊߦߌߘߊ߫ ߅ ߙߋ߲ ߃߀ ߡߊߜߍ߲߫ ߠߋ߬ ߟߊ߫ ߸ߒ ߥߟߋ߫ ߘߊ߫ ߜߋߟߋ߲ߜߋߟߋ߲߫ ߠߊ߫ ߞߏ߫ ߛߌߦߊߡߊ߲߫ .
ߓߊ߬ߙߌ߬ ߸ ߏ߬ ߞߵߊ߬ ߕߘߍ߬ ߒ ߧߋ߫ ߛߌ߬ߣߐ ߞߊ߲߬ ߞߏߛߓߍ߫ ߸ߒ ߘߏ߲߬ ߞߊ߬ ߒ ߠߊ߫ ߜߋߟߋ߲ߜߋߟߋ߲ ߓߌ߬ߟߊ߬ ߖߙߌ ߟߋ߬ ߟߊ߫߸ ߣߊߟߌ߬ߡߎ߲߫ ( silencieux ߘߌ߫ ߞߊ߬ߣߌ߲߬ )߸ ߒߠߋ߫ ߛߋ߫ ߘߊ߫ ߞߊ߬ ߒ ߥߎ߬ߟߌ߫ ߆ ߙߋ߲ ߠߋ߬ ߛߍߣߍ߲߬ ߛߊ߫ ߸ ߒ ߞߊ߬ ߞߟߌߟߌ߫ ߣߐ ߟߎ߬ ߦߋ߫ ߒ ߠߊ߫ ߜߋߟߋ߲ߜߋߟߋ߲ ߞߣߐ߫.
ߦߙߐ ߏ߬ ߕߏߟߏ߲ߞߍߟߊ ߘߏ߫ ߟߋ߬ ߞߊ߬ ߖߌ߰ߕߍ߰ ߞߏ ߣߌ߲߬ ߠߊߛߋ߫ ߒ ߡߊ߬.
ߒߠߋ ߝߣߊ߫ ߞߵߊ߬ ߟߐ߲߫ ߦߋ߲߬ ߠߋ߬ ߌߞߘߐ߫ ߸ߞߏ߫ ߖߊ߰ ߒ ߓߊ߲߫ ߛߊ߲߫ ߦߋ߫ ߓߊ߯ߙߊ߫ ߘߍ߰ߜߍ ߡߍ߲ ߞߍ߫ ߟߊ߫ ߣߌ߲߬߸ ߞߏ߫ ߊ߬ ߓߍ߯ ߓߘߊ߫ ߥߊ߫ ߕߊߡߍߣߍ߲ ߘߐ߫.
ߞߊ߬ߕߎ߲߰ ،ߒ ߓߊ߲߫ ߛߊ߲߫ ߕߘߍ߬ ߦߋ߫ ߞߋ߲߬ߥߟߎ߬ ߄ ߠߋ߬ ߖߐ߬ߣߍ߬ߦߊ߬ ߟߊ߫ ߕߋ߲߬ ߸ߞߊ߬ ߦߙߐ ߏ߬ ߟߊߞߎߘߦߊ߫.
ߒ߬ߓߊ߬ ߸ߞߎߣߎ߲߬ ߞߏߢߊ ߣߌ߲߬ ߓߍ߯ ߞߐߝߍ߬ ߛߊ߫ ߸ߕߊ߫ ߓߍ߯ ߟߊߛߊ߬ ߘߊ߫ ߸ߓߊ߬ߙߌ߬ ߢߎߡߍ ߕߴߦߋ߲߬>>
ߝߘߏ߬ߓߊ߬ ߗߋߕߌ߯ ߞߊ߲ߕߌ߮ ߟߋ߬ ߞߊ߲߫ ߕߋ߲߬.
ߓߊߘߋ߲߫ ߓߘߍ ߟߎ߬ ߸ ߕߊߓߐ߫ ߣߌ߲߬ ߖߊ߲߬ߖߏ߲߬ ߛߎ߮ ߣߌ߲߬ ߦߴߊ߬ ߛߋ߲߬ߢߊ߬ ߝߌߟߊߣߊ߲ ߠߋ߬ ߘߐ߫ ߕߋ߲߬ ߞߛߌ߬ߘߎ߰ ߛߏ ߞߣߐ߫ ߸ ߏ߬ ߛߊ߲߬ ߞߋߟߋ߲߫ ߠߋ߬ ߕߋ߲߬߸ ߏ߬ ߞߍ߫ ߘߊ߫ ߘߐ߲߬ߓߏ߲ ߘߏ߫ ߟߋ߬ ߟߊ߫ ߂߀߂߄.
ߝߊ߰ߡߊ ߟߎ߬ ߞߐ߬ߣߌ߲ ߓߘߊ߫ ߛߍ߲߬ߛߍ߲߬ߣߌ߲ ߘߏ߫ ߛߌ߰ ߛߋ߲߬ ߠߊ߫ ߕߋ߲߬ ،ߖߐ߲߬ߛߊ ߞߊ߬ ߥߊ߬ߥߎߟߋ߲ ߣߌ߲߬ ߢߊߘߐߜߍ ߟߐ߲߫ ߸ߊ߬ ߣߌ߫ ߞߵߊ߬ߟߎ߬ ߢߊ ߡߊߖߌ߰ ߟߊ߬ߞߊ߲߬ߘߊ߬ߟߌ ߝߍ߬ߙߍ ߟߎ߬ ߝߣߊ߫ ߝߍ߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
