ߜߋ߲ߞߐ߰ߖߌ߬ߘߊ ߞߊ߲ߕߌ߮ ߊߟߛߊߣ ߥߊߕߙߊ߫ ߓߘߴߊ߬ ߡߙߌߘߐߕߊ߬߸ ߞߏ߫ ߊ߬ ߕߍ߫ ߝߋ߲߫ ߝߐ߫ ߟߴߊ߬ ߡߙߌߦߊ ߞߊ߲߬ ߡߎߣߎ߲߬ ߞߵߊ߬ ߓߍ߲߬ ߊ߬ ߛߐ߬ߘߐ߲߬ ߞߏ ߡߊ߬ ߞߊ߲ߕߌ߯ ߢߣߊߕߊߟߌ߫ ߣߊ߬ߕߐ ߘߐ߫ ߂߀߂߅ ߞߏ߲ߓߌߕߌ߮ ߟߊ߫، ߊ߬ ߟߊ߫ ߞߙߎߞߊ ߟߊ߫ ߞߟߌߟߌ ߣߴߊ߬ ߕߊ߫߸ ߏ߬ ߟߎ߬ ߡߍ߲ ߠߎ߬ ߓߍ߲߬ ߘߴߊ߬ ߡߊ߬ ߞߎߣߎ߲߬ ߞߎ߲߬ߜߙߊ ߘߐ߫ ߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߂߸ ߞߏ߫ ߊ߬ߟߎ߬ ߓߘߴߊ߬ ߞߍ߫ ߊ߬ߟߎ߬ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫.
ߊ߬ ߟߊ߫ ߡߐ߱ ߟߎ߬ ߓߐ߫ ߘߊ߫ ߟߋ߬ ߓߌ߬ ߝߣߊ߫ ߝߛߊߦߌ߫߸ ߓߊ߬ߙߌ߬ ߞߊ߲ߕߌ߯ ߞߘߐ ߞߵߊ߬ ߥߊ߬ߞߊߟߌ߫ ߡߊ߬ߞߎ߲ ߠߋ߬ ߟߊ߫߸ ߞߏ߫ ߞߊ߬ ߕߎ߬ߡߊ߬ߣߍ߲߬ ߘߴߊ߬ ߡߊ߬ ߡߎߣߎ߲߬، ߊ߬ ߟߊ߫ ߞߎ߲߬ߝߊ߰ߟߌ߬ ߓߋߟߋ߲ߠߊ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߐ߬ߣߍ߲߫ ߊ߬ ߡߊ߬߸ ߊ߬ ߦߋ߫ ߕߏ߫ ߞߙߎߞߊ ߞߎ߲߬ߕߌ߰ߦߊ ߟߊ߫ ߡߎߣߎ߲߬߸ ߞߏ߫: <<ߒ ߘߌ߫ ߕߏ߫ ߞߙߎߞߊ ߣߌ߲߬ ߞߊ߲ߕߌ߯ߦߊ ߟߊ߫ ߡߎߣߎ߲߬߸ ߝߊ߬ߣߴߏ߬ ߘߌߡߴߊߟߎ߫ ߦߋ߫.>> ߓߊ߬ߙߵߊ߬ ߡߊ߫ ߝߋ߲߫ ߝߐ߫ ߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߞߊ߲߬، ߡߍ߲ ߓߍ߲߬ߣߴߊ߬ ߟߊ߫ ߞߙߎߞߊ ߘߏ߲߬ߞߏ ߟߎ߬ ߡߙߌߦߊ ߡߊ߬߸ ߛߴߊ߬ ߘߌ߫ ߟߐ߬ߒ߬ߞߋ߬ߟߊ߬ ߣߊ߯ߣߌ߲ߣߊ߲ ߞߍ߫߸ ߊߟߛߊߣ ߥߊߕߙߊ߫ ߞߎߡߊ߫ ߘߊ߫ ߖߘߍ߬ ߞߙߐߛߌ ߘߝߊߣߍ߲ ߠߋ߬ ߘߐ߫ ߦߋ߲߬߸ ߞߵߊ߬ ߦߌ߬ߘߊ߬ ߞߏ߫: <<ߒ ߓߘߴߊߟߎ߫ ߞߊ߲ ߡߍ߲߫، ߒ ߧߴߊߟߎ߫ ߝߏ߬ ߟߴߊߟߎ߫ ߟߊ߫ ߟߊߒߠߦߊ ߟߊ߫، ߟߏ߲߫ ߣߊ߬ߕߐ ߟߎ߬ ߘߐ߫߸ ߡߙߌ߫ ߞߎ߲߬ߘߐ߬ߖߊ߲ ߞߐߝߍ߬߸ ߒ ߛߣߐ߬ߡߍ ߣߌ߫ ߒ ߛߟߐߡߌ߲ ߠߊ߫߸ ߒ ߘߌ߫ ߡߙߌߘߐ߫ ߞߋߟߋ߲߫ ߕߊ߬.>>
ߊ߬ ߟߊ߫ ߞߎߡߊ ߏ߬ ߞߵߊ߬ ߟߊ߫ ߞߙߎߞߊ ߛߍ߬ߘߏ߲߬ߠߊ߬ ߛߌߦߊߡߊ߲߫ ߠߋ߬ ߕߏ߫ ߞߎ߲ߝߊ߲ ߘߐ߫߸ ߡߍ߲ ߠߎ߬ ߕߍ߬ߘߴߊ߬ ߝߍ߬ ߊ߬ ߦߋ߫ ߞߊ߲߫ ߞߋߟߋ߲߫ ߝߐ߫ ߓߌ߬ ߞߊ߬ߣߌ߲߬، ߛߌߞߊ߫ ߞߏ߬ߣߌ߲ ߕߍ߫ ߡߍ߲ ߘߐ߫߸ ߣߴߊ߬ ߡߊ߫ ߢߊ߬ ߞߏ߫ ߡߊ߬ߡߌ߬ߘߊ߬ߟߌ ߛߓߍ߫ ߟߊߘߏ߲ ߕߎ߬ߡߊ ߓߘߊ߫ ߛߎ߬ߘߎ߲߬ߧߊ߫߸ ߊߟߛߊߣ ߥߊߕߙߊ߫ ߟߊ߫ ߞߏ ߛߌߞߊ ߦߋ߫ ߡߍ߲ ߠߎ߬ ߘߐ߫ ߊ߬ ߛߐ߬ߘߐ߲ ߊ߬ ߘߐ߫߸ ߊ߬ ߣߴߊ߬ ߛߐ߬ߘߐ߲߬ߓߊߟߌߦߊ ߊ߬ ߘߐ߫߸ ߏ߬ ߟߐ߲߫ ߕߎߡߊ ߟߋ߬ ߛߋߣߴߏ߬ ߘߌ߫، ߓߊߏ߬߸ ߣߴߊ߬ ߞߊ߲߫ ߞߏ߫ ߊ߬ ߓߍߣߵߊ߬ ߤߊ߲ߞߟߌߣߊ߲ ߦߌ߬ߘߊ߫ ߖߊ߬ߡߊ ߟߊ߫ ߟߏ߲߫ ߣߊ߬ߕߐ ߟߎ߬ ߘߐ߫߸ ߤߊߟߌ߬ ߣߴߊ߬ ߡߴߏ߬ ߟߏ߲߫ ߞߋߟߋ߲߫ ߠߊߕߍ߰߸ ߏ߬ ߞߘߐ ߟߋ߬ ߞߏ߫ ߊ߬ ߘߌߣߊ߬ ߞߎߡߊ߫ ߖߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
ߒߞߏ ߓߘߊ߫ ߛߎߘߊ߲߫ ߝߛߊߦߌ߫ ߹