ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߞߵߊ߬ ߟߊߛߋ߫ ߞߎߣߎ߲߬ ߞߎߣߎ߲ߟߏ߲ ߡߊ߬߸ ߂߀߂߅ ߥߊ߬ߛߌ߬ߥߙߊ ߕߟߋ߬ ߀߄߸ ߞߏ߫ ߊߡߙߌߞߌ߬ ߘߎ߰ߞߟߏ ߞߊ߲߬ ߘߏ߲ߠߌ߲ ߓߍߣߊ߬ ߟߊߕߐ߲߫ ߖߡߊ߬ߣߊ߬ ߁߂ ߡߐ߱ ߟߎ߬ ߡߊ߬߸ ߞߵߊ߬ ߘߊߡߌ߬ߣߊ߬ ߥߊ߬ߛߌ߬ߥߙߊ ߕߋ߬ߟߋ߫ ߀߉ ߡߊ߬ ߌߞߘߐ߫، ߟߊ߬ߞߙߐ߬ߛߟߌ߬ߟߊ ߟߎ߫ ߣߐ߬ ߊ߬ ߟߊ߫ ߡߙߌߘߐ ߢߌ߲߬ ߠߋ߬ ߞߟߌ߫ ߟߊ߫ ߞߏ߫: <<ߕߊ߯ߡߊ߫ ߟߊߜߎ߬ߝߎ߲߬ߣߍ߲>> ߡߍ߲ ߠߊߥߟߌ߬ߣߍ߲߫ ߊ߬ߟߎ߬ ߓߟߏ߫ ߞߊ߬ߝߏ߫ ߘߍ߬ߣߍ߲ <<ߠߊߞߊ߲ߘߊ ߥߊߟߌ߫ (ߖߡߊߣߊ ߟߎ߬) ߓߊ߰ߓߊ߰ߟߌ߬ߟߊ>> ߟߎ߫ ߡߊ߬، ߏ߬ ߡߍ߲ ߝߐߣߍ߫ ߊ߬ߟߎ߬ ߓߟߏ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߞߊ߬ ߝߘߊ߫ ߓߏ߲ߜߍ ߟߊ߫.
ߖߡߊ߬ߣߊ߬ ߁߂ ߡߍ߲ ߠߎ߬ ߞߏ߫ ߦߋ߫ ߣߌ߲߬߸ ߏ߬ ߟߎ߬ ߝߟߍ߫: ߊߝߎߜ߭ߊߣߌߛߑߕߊ߲߫߸ ߓߙߌߡߊߣߌ߫߸ ߗߊߘߌ߬߸ ߞߏ߲ߞߏ߫ ߓߙߊߖ߭ߊߘߎ߯߸ ߖߌ߬ߣߋ ߋߞߊߕߏߙߌߦߊߟ߸ ߋߙߌߕߙߋ߫߸ ߤߊߦߕߌ߫߸ ߌߙߊ߲߫߸ ߟߓߌ߫߸ ߛߏߡߊߟߌ߫߸ ߛߎߘߊ߲߫߸ ߊ߬ ߣߌ߫ ߦߋߡߍߣ.
ߓߏ߲ߜߍ ߟߊ߫ ߝߐߟߌ߫ ߘߐ߫߸ ߞߏ߫ ߡߙߌߘߐ ߣߌ߲߬ ߕߊ߬ߣߍ߲߫ ߡߎ߲߬ ߘߐ߫߸ ߡߙߊ߬ߒ߬ߡߊ߬ߟߌ ߡߍ߲ ߞߍ߫ ߘߊ߫ ߞߊ߯ߙߌ߫ ߕߊ߬ߡߌ߲߬ߣߍ߲ ߣߌ߲߬ ߞߟߏߙߊߘߏ߫߸ ߣߌ߫ ߗߍ߭ ߘߏ߫ ߞߊ߬ ߕߊ߫ ߟߊߥߟߌߟߊ߲ ߘߏ߫ ߟߊߡߍߣߍ߲߫ ߟߐ߯ߟߐߟߊ ߟߎ߫ ߞߊ߲߬߸ ߞߵߏ߬ ߟߊߥߟߌ߬ ߌߛߌ߬ߙߊ߬ߌߟߊ߫ ߡߐ߰ ߕߏ߬ߟߊ߬ߡߊߛߌ߰ߣߍ߲ ߠߎ߬ ߞߐߡߊߓߌ߲ߓߌ߲ ߡߊ߬ ߜ߭ߊ߯ߖ߭ߊ߬߬ ߞߣߐ߫، ߊ߬ ߣߊ߬ ߘߊ߫ ߦߋ߫߸ ߞߏ߫ ߛߌߞߊߒߡߊߓߊ߯ߕߐ ߦߋ߫ ߊߡߙߌߞߌ߬ ߛߌ߰ߓߊ߯ ߟߋ߬ ߘߌ߫ ߞߎ߬ߙߎ߲߬ߘߎ߬ ߛߐߛߐ ߞߊ߲߬.
ߞߵߊ߬ ߟߴߊ߬ ߞߊ߲߬߸ ߊߡߙߌߞߌ߬ ߟߊߕߐ߲ߣߍ߲߫ ߖߡߊ߬ߣߊ߬ ߁߂ ߡߍ߲ ߠߎ߬ ߡߊ߬ ߣߌ߲߬߸ ߖߡߊ߬ߣߊ߬ ߥߐߙߐ߲ߝߌ߬ߟߊ߬ ߜߘߍ߫ ߦߋ߫ ߦߋ߲߬߸ ߟߊ߬ߞߋ߲߬ߛߎ߲߬ߠߌ߲߬ ߞߏ߫ ߜߘߍ߫ ߝߣߊ߫ ߦߋ߫ ߡߍ߲ ߠߎ߬ ߞߊ߲߲߬߸ ߊ߲ ߡߊ߫ ߓߊ߲߫ ߡߍ߲ ߠߎ߬ ߞߎ߲߬ ߖߐ߲ߖߐ߲߫ ߠߊߕߍ߰ߣߍ߲߬ ߟߐ߲߫ ߠߊ߫ ߡߎߣߎ߲߬.
ߟߊ߬ߕߐ߲߬ߠߌ߲߬ ߞߎߘߊ ߡߍ߲ ߦߋ߫ ߣߌ߲߬߸ ߏ߬ ߓߘߊ߫ ߕߊ߬ ߞߵߊ߬ ߟߊ߫ ߟߊ߬ߕߐ߲߬ߠߌ߲߬ ߜߘߍ߫ ߟߎ߫ ߞߊ߲߬߸ ߡߍ߲ ߠߎ߬ ߞߎߡߊ߫ ߡߌߛߍ߲ ߦߋ߫ ߛߋ߲߬ߠߊ߫ ߓߍ߯ ߓߟߏ߫ ߞߘߐ߬ߡߊ߲߬، ߓߊߏ߬߸ ߞߊ߬ߦߌ߯ ߘߏߣߊߟ ߕߑߙߐ߲ߔ ߛߌ߰ ߘߊ߫߸ ߊ߬ ߟߊ߫ ߡߙߌߘߐ߫ ߛߌߦߊߡߊ߲߫ ߦߋ߫ ߦߋ߲߬߸ ߡߍ߲ ߠߎ߬ ߕߍ߫ ߓߍ߲߬ ߠߊ߫ ߡߐ߰ ߛߌߦߊߡߊ߲߫ ߠߎ߫ ߡߊ߬، ߓߏ߲ߜߍ ߞߊ߲߫ ߌߞߐ߫߸ ߞߏ߫ ߕߎ߬ߢߊ ߦߋ߫ ߡߍ߲ ߘߌ߫߸ ߝߏ߫ ߊ߬ߟߎ߬ ߦߴߊ߬ߟߎ߫ ߝߊ߬ߛߏ ߟߊߞߊ߲ߘߊ߫ ߟߋ߬߸ ߞߵߊ߬ ߟߊߕߊ߲߬ߞߊ߫߸ ߞߊ߬ ߊߡߙߌߞߌ߬ ߘߎ߰ߘߋ߲ ߠߎ߬ ߟߊߕߊ߲߬ߞߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
