ߒߞߏ ߛߓߍߟߌ ߓߘߊ߫ ߘߊ߲ߞߎ߲߫ ߞߊ߲ߞߊ߲߫ ߡߊߡߦߊߓߊ ߘߐ߫ ߢߌ߬ߣߊ߲߬: ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߟߊ߫ ߛߍ߬ߘߏ߲ ߓߘߊ߫ ߓߐ߫ ߜߍߟߊ߫

ߞߊ߲ߞߊ߲߫ ߡߊߡߦߊ߫ ߓߟߋ߬ߓߟߋ ߞߍߞߏ߫ ߈߅߲ ߠߋ߬ ߛߋ߲߬ߠߊ߫ ߢߌ߬ߣߊ߲߬߸ ߡߍ߲ ߓߍߣߊ߬ ߘߊߡߌ߬ߣߊ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬، ߒ߬ߓߊ߬߸ ߢߌ߬ߣߊ߲߬ ߕߊ ߣߌ߲߬ ߓߘߊ߫ ߘߏ߲߬ ߘߐ߬ߝߐ ߞߣߐ߫߸ ߣߊߟߌ߬ߡߎ߲߬ ߒߞߏ ߛߓߍߟߌ ߘߊ߲ߞߎ߲ ߘߌ߫ ߊ߬ߟߎ߬ ߟߊ߫ ߡߊ߬ߛߓߍ ߟߎ߬ ߞߊ߲߬߸ ߏ߬ ߡߍ߲ ߞߍߞߏ߫ ߝߟߐߝߟߐ ߦߋ߫ ߡߊߡߦߊ߫ ߘߊߞߎ߲ ߘߐ߫ ߕߋ߲߬ ߛߊ߲߬ ߓߌ߫ ߦߙߌߞߊ ߣߌ߲߬ ߞߐߝߍ߬. ߏ߬ ߞߏ ߘߌߦߊߣߍ߲߫ ߠߋ߬ ߒߞߏ ߛߍ߬ߘߏ߲߬ߠߊ߬ ߛߌߦߊߡߊ߲߫ ߦߋ߫߸ ߊ߬ ߣߌ߫ ߝߊ߬ߛߏ߬ ߞߊ߲ ߛߘߊߟߊߟߓߊ ߟߎ߬߸ ߞߵߏ߬ ߞߎ߲߭ ߞߍ߫ ߖߘߍ߬ߞߏ ߦߋ ߘߌ߫ ߖߘߍ߬ߞߏ ߕߍߡߊ߬.

ߛߟߊߕߌ߯ ߓߊߛߓߊ߬ߕߌ߫ ߛߘߌ߬ߓߋ߬ ߡߍ߲ ߦߋ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߊ߲ߕߌ߮ ߘߌ߫߸ ߏ߬ ߞߵߊ߬ ߟߊ߫ ߥߊ߬ߛߊ ߦߌ߬ߘߊ:: <<ߊ߲ ߠߊ߫ ߛߍ߬ߘߏ߲ ߞߐߝߟߌ ߟߋ߬ ߓߐߣߍ߲߫ ߜߍߟߊ߫ ߓߌ߬߸ ߣߴߊ߬ ߡߊ߫ ߢߊ߬ ߞߏ߫ ߊ߲ ߕߎ߬ߡߊ߬ ߖߊ߲ ߠߋ߬ ߛߍ߬ߘߏ߲ ߞߊ߲߬ ߕߋ߲߬ ߛߊ߫ ߒߞߏ ߛߓߍߟߌ ߘߌ߫ ߘߊ߲ߞߎ߲߫ ߊ߲ ߠߊ߫ ߟߐ߲ߠߌ߲ߦߊ߫ ߞߏ ߟߎ߬ ߘߐ߫.>>

ߢߌ߬ߣߊ߲߬ ߕߊ ߣߌ߲߬ ߓߘߊ߫ ߞߍ߫ ߛߋ߲߬ߕߊ߬ߓߊ߫ ߘߌ߫߸ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߣߌ߫ ߡߊߡߦߊ ߛߌ߲߬ߝߏ߲߬ߧߊ߬ߓߊ߮ ߟߎ߬ ߟߊ߫ ߞߏߟߊߘߍߢߐ߲߯ߦߊ ߞߣߐߡߊ߬߸ ߊ߬ ߕߌ߯ߕߌ߯ ߛߘߍ߫ ߞߎ߲ߕߌ߮ ߘߏ߫ ߟߎ߫߸ ߡߊߡߦߊ ߓߟߏߡߦߊ ߦߴߏ߬ ߟߎ߬ ߡߍ߲ ߠߎ߬ ߓߟߏ߫، ߊ߬ߟߎ߬ ߘߐ߫߸ ߞߊߛߌߡ ߞߊ߬ߓߊ ߦߋ߫ ߓߟߏߡߊߘߍߡߍ߲ߠߊ ߘߏ߫ ߟߋ߬ ߘߌ߫߸ ߓߊߛߓߊ߬ߕߌ߫ ߞߵߏ߬ ߝߏ߬ ߊ߬ ߟߊ߫ ߞߊ߲ߞߋߟߋ߲ߕߌ߯ߦߊ ߞߏߛߐ߲߬߸ ߞߵߏ߬ ߟߊ߫ ߡߎߛߊ߫ ߝߊ߯ߖ߭ߊ߬ ߛߌ߬ߛߋ ߞߊ߲߬߸ ߞߓߊߘߊ ߛߘߍ߫ ߞߎ߲ߕߌ߮߸ ߏ߬ ߟߎ߫ ߞߊ߬ ߛߍ߬ߘߏ߲߬ ߛߌߦߊߡߊ߲߫ ߠߋ߬ ߞߍ߫ ߣߌ߲߬ ߞߏ ߘߐ߫߸ ߛߊ߫ ߖߊ߬ߕߋ߬ߘߐ߬ߛߌ߮ ߢߌ߲߬ ߘߌ߫ ߓߐ߫ ߜߍߟߊ߫.

ߊ߲ ߠߊ߫ ߢߊߢߌߣߌ߲ߠߌ߲ ߠߎ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߛߓߍߟߌ ߡߍ߲ ߠߎ߬ ߦߋ߫ ߥߊ߲߬ߥߊ߲ ߢߌ߲߬ ߠߎ߫ ߞߊ߲߬߸ ߏ߬ ߓߊ߯ߙߊ߫ ߡߐ߬ߟߐ߲߬ ߜߍߟߍ߲߫ ߘߝߐ߬ߡߊ ߣߌ߲߬ ߛߋ߫ ߘߊ߫ ߞߍ߫ ߟߊ߫ ߟߏ߲ߛߋߓߊߟߌߕߍ߫ ߞߏ߬ߣߊ߬ߕߍ߫ ߟߋ߬ ߓߟߏ߫߸ ߒߞߏ ߛߍ߬ߘߏ߲߬ߠߊ.

ߡߊߡߦߊ ߣߌ߲߬ ߕߍ߫ ߞߏߣߍ߲߫ ߘߌ߫ ߡߎ߬ߕߎ߲߬߸ ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߟߊ߫ ߝߊ߲߬ ߛߌߦߊߡߊ߲߫ ߘߐ߫ ߞߵߊ߬ߟߎ߫ ߞߎ߲߬ߛߌ߫ ߣߊ߬ߓߊ߰ߦߊ߫ ߘߎ߰ ߛߊߣߌ߲ ߠߊ߫߸ ߞߊ߬ ߣߊ߬ ߟߐ߲ߠߌ߲ߦߊ ߛߊ߲ߞߘߐߕߊ߬، ߞߊ߲ߕߌ߮ ߖߍ߬ߘߍ ߦߋ߫ ߛߘߍߘߋ߲ ߠߋ߬ ߘߌ߫߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߏߣߍ߲߫ ߕߍ߫ ߛߘߍ߫ ߞߏ ߘߌ߫ ߡߎ߬ߕߎ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫