ߞߏ߲ߜ߭ߏ߫: ߞߏߕߌ߯ ߝߟߐ߫ ߞߘߐ ߡߊߕߊߕߊ ߔߐ߲ߢߐ߫ ߓߘߊ߫ ߖߊ߲ߞߌ߲߫ ߛߊ߲߬ ߁߀ ߘߌߦߊߜߏߦߊ߫ ߓߊ߯ߙߊ߫ ߟߊ߫ ߘߟߊ߫ ߥߊߘߌ ߞߋ߲߬ߥߟߎ߫ ߂߄߅ ߞߎ߲߬ߡߙߎ ߞߏߛߐ߲߬ ߊ߬ ߓߟߏ߫

ߞߎߣߎ߲߬ ߞߐ߬ߟߏ߲ ߡߊ߬߸ ߂߀߂߅ ߘߓߊ߬ߕߊ ߕߋ߬ߟߋ߫ ߂߀߸ ߞߏ߲ߞߏ߫ ߞߏߕߌ߯ ߝߟߐ߫ ߞߘߐ߸ ߏߖߌߛߑߕߍ߲ ߡߊߕߊߕߊ ߔߐ߲ߢߐ߫ ߖߊ߲ߞߌ߲߫ ߘߊ߫ ߛߊ߲߬ ߁߀ ߘߌߦߊߜߏߦߊ߫ ߓߊ߯ߙߊ ߟߊ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߛߌ߬ߞߊ߲߬ ߞߕߌߖߌ߲ ߓߟߏ߫߸ ߞߵߏ߬ ߞߎ߲߭ ߞߍ߫ ߊ߬ ߛߐ߲߭ ߦߋ ߘߌ߫ ߖߡߊ߬ ߣߊ߲ߝߟߏ ߟߎ߬ ߞߎ߲߬ߡߙߎ߬ߞߏ߬ߓߊ ߘߏ߫ ߘߐ߫، ߡߙߌߘߐ ߏ߬ ߞߍߣߍ߲߫ ߦߙߎ߬ߞߎ߬ߦߙߎߞߎ ߞߍ߬ߟߍ ߕߐ߰ߡߊ߬ߛߙߋ߬ߓߊ߫ ߟߋ߬ ߘߌ߫ ߞߏ߲߬ߞߏ߫ ߖߡߊ߬ߣߊ ߞߣߐ߫.

ߊ߬ ߞߍ߫ ߘߊ߫ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߘߌ߫ ߂߀߁߂ ߣߌ߫ ߂߀߁߆ ߕߍߟߊ ߟߋ߬ ߞߘߐ߫، ߒ߬߬ߓߊ߬߸ ߡߊߕߊߕߊ߫ ߔߐ߲ߢߐ߫ ߛߐ߲߭ ߓߘߊ߫ ߦߋ߫ ߞߏߢߊ ߣߌ߲߬ ߘߐ߫߸ ߞߏ߫ ߊ߬ ߛߐ߬ߘߐ߲߬ ߘߊ߫ ߘߟߊ߫ ߥߊߘߌ ߞߋ߲߬ߥߟߎ߫ ߂߄߅ ߞߎ߲߬ߡߙߎ ߘߐ߫߸ ߊ߬ ߞߵߊ߬ ߕߐ߬ߣߐ ߝߣߊ߫ ߛߐ߬ߘߐ߲߬، ߏ߬ ߞߍ߫ ߘߴߊ߬ ߓߟߏ߫ ߖߊ߬ߕߋ߬ߘߐ߬ߛߌ߰ߓߊ߫ ߝߌ߬ߟߊ߫ ߟߋ߬ ߛߋ߲߭ߝߍ߬: ߓߎߞߊ߲ߜ߭ߊߟߏ߲ߖ߭ߏ߫ ߛߍ߬ߣߍ ߘߍ߲߰ߦߘߊ߬ ߖߛߊ (ߔߊߙߞ ߊߜ߭ߙߏ ߍ߲ߘߎ߳ߛߑߕߙߌߦߍߟ ߘߋ߬ ߓߎߞߊ߲ߜ߭ߊߟߏ߲ߖ߭ߏ߫)، ߏ߬ ߡߍ߲ ߥߊߘߌ ߕߊ߯ ߘߊ߫ ߝߏ߯ ߘߟߊ ߞߋ߲߬ߥߟߎ߫ ߁߅߆ ߢߐ߲߰، ߊ߬ ߣߌ߫ ߞߌ߲߬ߛߊߛߊ߬ ߡߊ߲߬ߕߏ߲߬ߕߍ߬ ߟߐ߯ߝߍ ߝߣߊ߫ ߟߐ߬ ߞߏ߸ ߏ߬ ߡߍ߲ ߥߊߘߌ ߦߋ߫ ߘߟߊ ߞߋ߲߬ߥߟߎ߬ ߈߉ ߘߌ߫، ߤߊ߲߯ ߒ߬ ߧߋ߫ ߓߌ߬ ߡߍ߲ ߘߐ߫ ߕߋ߲߬߸ ߘߊߞߎ߲߫ ߝߌ߬ߟߊ ߏ߬ ߛߌ߫ ߡߊ߫ ߟߊߞߎߙߊ߲߫ ߡߎߣߎ߲߬.

ߒ߬ߓߊ߬߸ ߊ߬ߟߋ ߞߋߟߋ߲߫ ߡߊ߫ ߖߊ߲ߞߌ߲߫ ߣߌ߲߬ ߞߏ ߘߐ߫ ߘߋ߬߸ ߞߏ߲߬ߞߏ߬ ߜߍߓߏ߲߫ ߕߊ߲ߓߊ߲ ߞߎ߲߬ߠߊ߬ߛߌ߰ߟߊ ߞߘߐ ߡߍ߲ ߕߐ߯ ߞߏ߫ ߘߋߏߜ߭ߙߊߕߊߛߌߦߊ ߡߎߕߏ߲ߓߏ߫߸ ߏ߬ ߕߊ߬ߣߍ߲ ߞߵߊ߬ ߟߊ߫ ߥߙߏ߬ߘߎ߰ ߊߝߙߌߞߌ߬ ߞߏߢߊߓߐߟߊ ߘߏ߫ ߞߊ߲߬߸ ߞߙߌߛߑߕߏ ߜ߭ߙߏߓߟߋ߫ ߞߊ߲߬߸ ߏ߬ ߟߎ߬ ߓߍ߯ ߖߊ߲ߞߌ߲߫ ߘߊ߫ ߟߋ߬ ߛߊ߲߬ ߟߏ߯ߟߎ߫ ߥߛߎߟߊߘߏ߲ ߠߊ߫، ߏ߬ ߟߎ߫ ߞߏ߬ߣߌ߲ ߞߐߡߊߞߕߌߣߍ߲߫ ߠߋ߬߸ ߓߊߏ߬ ߊ߬ߟߎ߫ ߝߌ߬ߟߊ ߓߍ߯ ߦߋ߫ ߞߐߞߊ߲߬ ߕߋ߲߬.

ߘߌߦߊߜߏߦߊ߫ ߓߊ߯ߙߊ ߡߍ߲ ߟߊߣߍ߲߫ ߡߊߕߊߕߊ ߔߐ߲ߢߐ߫ ߞߎ߲߬߸ ߏ߬ ߕߍ߰ߣߍ߲ ߞߵߊ߬ ߓߐ߫ ߊ߬ ߟߊ߫߸ ߞߏ߫ ߛߌߦߊߡߊ߲߫ ߠߋ߬ ߝߣߊ߫ ߓߘߴߊ߬ ߞߊ߲߬ ߣߌ߲߬ ߞߏ ߘߐ߫: ߊ߬ ߕߴߛߋ߫ ߘߎ߰ߘߋ߲߬ߧߊ ߟߐ߬ߘߎ߰ ߛߌ߫ ߝߊ߫ ߟߊ߫ ߛߊ߲߬ ߟߏ߯ߟߎ߫ ߢߐ߲߰ ߞߘߐ߫، ߏ߬ ߞߘߐ ߟߋ߬߸ ߊ߬ ߕߴߛߋ߫ ߛߎ߲ߥߊ߲ߘߌ߫ ߟߊ߫ ߡߐ߰ ߓߟߏ߫߸ ߊ߬ߟߋ ߘߏ߲߬ ߕߴߛߋ߫ ߞߍ߫ ߟߊ߫ ߛߎߥߊ߲ߘߟߌߟߊ߫ ߘߌ߫߸ ߊ߬ ߕߍ߫ ߛߐ߬ߘߐ߲߫ ߓߘߍ߬ߓߘߍ߬ߟߌ ߞߏ߫ ߛߌ߫ ߝߣߊ߫ ߘߐ߫ ߖߡߊ߬ߣߊ ߞߣߐ߫، ߝߣߊ߫߸ ߊ߬ ߕߴߛߋ߫ ߕߊ߬ ߟߊ߫ ߝߘߏ߬ߓߊ߬ ߓߊ߯ߙߊ߫ ߛߌ߫ ߘߐ߫، ߊ߬ ߘߏ߲߬ ߕߴߛߋ߫ ߟߊߓߐ߫ ߟߊ߫ ߥߛߎ ߟߊ߫ ߛߙߊߕߌ߫ ߛߌ߫ ߞߘߐ߫ (ߤߊߟߵߊ߬ ߓߴߊ߬ ߥߊ߫ ߢߊ ߘߐߓߍ߲߬ ߠߋ߬ ߥߟߴߊ߬ ߦߋ߫ ߣߡߌߛߊ߫)، ߊ߬ ߓߟߏߝߋ߲ ߓߍ߯ ߘߌ߫ ߡߌ߬ߘߴߊ߬ ߟߊ߫، ߊ߬ ߛߋ߲߬ߘߏ߲߬ߢߐ߲߯ ߝߌ߬ߟߊ ߡߍ߲ ߠ߬ߎ ߝߣߊ߫ ߖߊ߲ߞߌߣߴߊ߬ߟߎ߬ ߞߐߝߍ߬ ߣߌ߲߬߸ ߏ߬ ߟߎ߬ ߝߣߊ߫ ߓߟߏߝߋ߲ ߡߍ߲ ߠߎ߬ ߣߌ߫ ߥߊߘߌ߫ ߞߎ߲߬ߡߙߎ߬ߣߍ߲ ߦߊ߫ ߞߊ߲߫߸ ߏ߬ ߘߌ߫ ߕߊ߬ ߏ߬ ߟߎ߬ ߓߟߏ߫ ߝߣߊ߫ ߘߏߦߌ߲߫.

ߡߊ߬ߞߊ߲߬ߞߊ߲߬ߠߌ߲ ߕߊ߫ ߝߊ߲߭ ߝߍ߬ ߟߊ߬ߝߛߊ߬ߟߌ߬ߟߊ ߟߎ߬ ߟߊ߫ ߞߎ߲߬ߠߊ߫߸ ߞߊ߬ߙߊ߲߬ߡߐ߯ ߟߏߙߊ߲ ߏߦߋ߲ߓߊ߫ ߞߵߊ߬ ߦߌ߬ߘߊ߬ ߞߏ߫ ߞߕߌ ߣߌ߲߬ ߞߍߣߍ߲߫ ߓߘߍ߬ߓߘߍ߬ߟߌ߬ ߞߕߌ ߟߋ߬ ߘߌ߫߸ ߡߍ߲ ߡߊ߫ ߕߍ߰ ߕߋߟߋ߲߫ ߞߊ߲߬߸ ߊ߬ ߟߊߥߟߌ߬ߣߍ߲߫ ߡߊߕߊߕߊ߫ ߛߋ߲߬ߓߐ߬ ߞߊ߲ ߠߋ߬ ߡߊ߬ ߓߘߍ߬ߓߘߍ߬ߟߌ߬ ߞߏ ߟߎ߬ ߘߐ߫، ߞߏ߫ ߞߕߌ ߣߌ߲߬ ߕߍ߰ߣߍ߲߫ ߕߋߟߋ߲ߓߊߟߌߦߊ ߟߋ߬ ߞߊ߲߬߸ ߡߍ߲ ߦߋ߫ ߞߏ߫ ߘߐߓߍ߲߬ߣߍ߲ ߘߌ߫߸ ߘߎߢߊ߫ ߢߡߊߣߍ߰ߣߍ߰ ߞߊ߲ߡߊ߬ ߦߏ߫ ߕߋߟߋ߲߫ ߞߏ ߟߋ߬، ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߝߐ ߡߊ߬ ߘߋ߬߸ ߊ߬ ߞߊ߲߫ ߝߣߊ߫ ߞߏ߫ ߊ߬ ߓߍߣߵߊ߬ ߡߊߞߊ߬ߛߌ߬ ߞߕߌߖߌ߲ ߠߊ߫ ߡߙߌߘߐ ߣߌ߲߬ ߞߊ߲߬߸ ߡߍ߲ ߣߐ߬ ߛߌ߬ߞߊ߲ ߝߘߏ߬ ߟߊ߫ ߞߊ߬ߣߌ߲߬.

ߡߊߕߊߕߊ ߔߐ߲ߢߐ߫ ߣߌ߲߬ ߦߋ߫ ߞߐߘߏ߲ߓߊ߮ ߟߋ߬ ߘߌ߫ ߓߍ߯ߦߊ߫ ߞߏ߲߬ߞߏ߫ ߡߙߊ߬ߞߊ߲ ߢߌ߲߬ ߠߎ߬ ߟߊ߫، ߊ߬ ߘߏ߲߬ ߦߋ߫ ߡߊ߬ߡߌ߬ߘߊ߬ߟߌ߬ߟߊ ߞߘߐ ߟߋ߬ ߘߌ߫ ߞߊ߲ߕߌ߯ ߢߣߊߕߊߟߌ߫ ߕߊ߬ߡߌ߲߬ߣߍ߲ ߠߎ߬ ߘߐ߫، ߊ߬ ߞߏ߬ߣߌ߲ ߞߍߣߍ߲߫ ߠߋ߬ ߕߋ߲߬߸ ߦߏ߫ ߊ߬ ߟߊ߫ ߓߘߍ߬ߓߘߍ߬ߟߌ߬ ߞߏ ߓߘߊ߫ ߓߎߙߎ߲ߞߐ߫ ߟߋ߬ ߖߡߊ߬ߣߊ ߞߣߐ߫ ߕߋ߲߬ ߥߍ.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ߬ ߞߊ߲ߞߊ߲߫