ߖߐ߲߫ ߦߋ߫ ߓߐ߬ߟߐ߲߬ߞߊ߬ ߛߌߙߋ߬ ߓߊߥߊ߬ߞߊߟߌ߫ ߞߊ߬ߓߊ ߘߌ߫؟

ߛߌߙߋ߬ ߓߊߥߊ߬ߞߊߟߌ߫ ߞߊ߬ߓߊ ߦߋ߫ ߓߊߕߍ߫ ߡߊ߬ߣߋ߲߬ߞߊ߬ ߡߏߙߌ ߟߋ߬ ߘߌ߫߸ ߞߊ߬ ߓߐ߫ ߞߊ߲ߞߊ߲߫ ߣߊ߬ߓߊ߰ߦߊ߫߸ ߕߌ߲߬ߓߏ߲߫ ߖߌ߲߭ ߞߣߐ߫، ߊ߬ ߡߏߦߌ߫ ߘߊ߫ ߌߛߊ߫ ߡߏߦߌ ߛߊ߲߬ ߁߉߉߆ ߟߋ߬ ߟߊ߫ ߓߊߕߍ߫ ߞߊ߲ߞߊ߲߫، ߊ߬ ߝߊ߬ ߦߋ߫ ߓߌ߲ߕߎ߫ ߡߊ߯ߘߌ߫ ߞߓߊ߬ ߘߌ߫߸ ߊ߬ ߣߊ߫ ߦߋ߫ ߓߐ߫ ߝߊ߲ߕߊ߬ ߞߊ߲ߕߍ ߘߌ߫߸ ߡߊ߰ߙߌ ߦߴߊ߲ ߣߴߏ߬ ߟߎ߬ ߓߍ߯ ߛߐ߫ ߛߌ߬ߖߊ߲ ߣߌ߫ ߞߍ߲ߘߍߦߊ ߣߌ߫ ߟߊ߬ߓߊ߲߬ ߞߏ߬ߢߌߡߊ ߟߊ߫.

ߓߐ߬ߟߐ߲߬ߞߊ߬ ߛߌߙߋ߬ ߓߊߥߊ߬ߞߊߟߌ߫ ߘߏ߲߬ ߘߊ߫ ߥߊߟߌߞߊ߲߫ ߞߊߙߊ߲ߕߊ ߟߊ߫ ߂߀߀߂ ߟߋ߬ ߟߊ߫߸ ߍߟߑߓߊߛ ߂߲ ߞߊ߬ߙߊ߲߬ߕߊ ߟߊ߫ ߞߊ߲ߞߊ߲߫.

ߛߊ߲߬ ߥߐߙߐ߲ߝߌ߬ߟߊ߫ ߞߊ߬ߙߊ߲ ߞߐߝߍ߬߸ ߊ߬ ߓߊߙߌ߲ߞߍ߫ ߛߊ߯ߦߏ߲߫ ߕߊ߯ ߘߴߊ߬ ߕߐ߮ ߛߓߍ߫ ߒߞߏ ߞߊ߬ߙߊ߲߬ߠߊ߫ ߞߊ߬ߙߊ߲߬ߝߊ߫ ߣߊ߲߬ߝߏ߯ ߌߛߎ߬ߡߊ߬ߌ߯ߟߊ߫ ߖߊ߰ߓߌ ߟߊ߫ ߞߊ߬ߙߊ߲߬ߕߊ ߟߊ߫߸ ߞߊ߬ߙߊ߲߬ߕߊ ߊߓߘߎߟߊߦߌ߬ ߣߊ߬ߓߋ߬߸ ߞߓߊߘߊ ߞߌ߲߬ߘߊ ߟߊ߫، ߞߵߊ߬ ߛߐ߬ߘߐ߲߬߸ ߊ߬ ߓߊߙߌ߲ߞߍ߫ ߛߊ߯ߦߏ߲߫ ߖߍ߬ߘߍ ߕߎ߲߬ ߓߘߴߊ߬ ߞߊ߬ߙߊ߲߬ ߛߓߍߛߎ߲ ߣߌ߫ ߜߋ߲߭ ߠߊ߫، ߊ߬ ߞߊ߬ ߞߊߙߏ߫ ߥߐߙߐ߲ߝߌ߬ߟߊ߬ ߞߍ߫ ߞߊ߬ߙߊ߲߬ߕߊ ߊߓߘߎߟߊߦߌ߬ ߣߊ߬ߓߋ߬ ߟߊ߫߸ ߞߣߊ߬ߕߏ߫ ߕߊ߯ ߟߊ߫ ߟ.ߞ.ߝ ߞߊ߬ߙߊ߲߬ߕߊ ߟߊ߫، ߓߊߛߓߊ߬ߕߌ߫ ߛߘߌ߬ߓߋ߫ ߟߋ߬ ߞߊ߬ ߥߟߊ߬ߘߊ ߘߴߊ߬ ߡߊ߬ ߦߋ߲߬.

ߏ߬ ߟߋ ߓߍ߯ ߞߐ߫߸ ߊ߬ ߕߊ߯ ߘߊ߫ ߞߊ߬ߙߊ߲߬ߕߊ ߤߊߙߎߣߊ߫ ߞߊ߲ߕߍ߫߸ ߞߊ߬ߙߊ߲߬ߡߐ߯ ߗߍ߬ߡߐ߰ߖߊ߲ ߞߊ߲ߕߍ߫ ߝߍ߬ (ߊ.ߘ)߸ ߏ߬ ߞߍ߫ ߘߊ߫ ߂߀߁߁ ߠߋ߬ ߟߊ߫.

ߓߐ߬ߟߐ߲߬ߞߊ ߛߌߙߋ߬ ߓߊߥߊ߬ߞߊߟߌ߫ ߦߋ߫ ߡߊ߲߬ߘߋ߲߫ ߡߛߏ߬ ߞߌߛߍ ߟߎ߬ ߘߏ߫ ߟߋ߬ ߘߌ߫ ߸ ߡߍ߲ ߦߴߊ߬ ߖߍ߬ߘߍ߫ ߞߊ߬ߟߊߡߊ߬ ߞߏ߫ ߛߌߦߊߡߊ߲߫ ߘߐ߫، ߞߊ߬ߕߎ߲߯߸ ߊ߬ ߟߐ߲ߕߊ ߟߊߛߋ߸ ߏ߬ ߖߟߎ߬ ߕߴߊ߬ ߟߊ߫ ߡߎ߰ߡߍ߫، ߏ ߘߐ߫ ߡߊ߰ߙߌ ߦߴߊ߲ ߣߴߊ߬ ߟߊߞߊ߲ߘߊ߫ ߞߊ߬ ߓߍ߲߬ߛߋ߲߬ߡߊ߬ ߞߴߊ߲ ߧߋ߫.

ߓߐ߬ߟߐ߲߬ߞߊ ߛߌߙߋ߬ ߓߊߥߊ߬ߞߊߟߌ߫ ߦߴߊ߬ ߟߊ߫ ߟߐ߲ߠߌ߲߫ ߠߊߛߋ ߞߍ߫ ߟߊ߫ ߘߌ߯ߣߊ ߣߌ߫ ߟߊ߲߬ߓߋ ߞߊߡߊ߲ ߠߋ߬ ߘߐ߫، ߝߏ߫ ߊ߬ ߞߊ߬ ߞߙߎ ߘߏ߫ ߛߌ߲ߘߌ߫ ߏ߬ ߞߊߡߊ߬ ߡߍ߲ ߕߐ߮ ߞߏ߫: ﴿ ߝߘߊ߬ߝߌ߲߬ߠߊ߬ ߦߋߟߋ߲﴾، ߏ߬ ߡߍ߲ ߛߋ߫ ߘߊ߫ ߛߌ߲߬ߝߏ߲߬ߧߊ߬ߟߌ߬ ߛߌߦߊߡߊ߲߫ ߞߍ߫ ߟߊ߫ ߘߌ߯ߣߊ ߟߊߛߋ ߣߴߊ߬ ߢߊߦߋ߫ ߞߏߢߌߡߊ ߞߊ߬ߘߊ߲ ߞߣߐ߫، ߓߊߏ߬߸ ߝߘߊ߬ߝߌ߲߬ߠߊ߬ ߦߋߟߋ߲ ߛߋ߫ ߘߊ߫ ߡߊ߬ߥߟߎߘߌ ߛߌ߲߬ߝߏ߲߬ߧߊ߬ ߟߊ߫߸ ߞߊ߬ ߘߌ߯ߣߊ ߢߊߓߘߍ ߟߎ߬ ߟߊߛߋ߫ ߝߊ߬ߡߊ ߡߊ߬، ߞߊ߬ ߓߊ߲߫ ߌߞߐ߫߸ ߝߘߊ߬ߝߌ߲߬ߠߊ߬ ߦߋߟߋ߲ ߛߋ߫ ߘߊ߫ ߘߍ߰ߡߎ߲߬ߓߊ߫ ߛߌ߲߬ߝߏ߲߬ߧߊ߬ ߟߊ߫ ߛߎߘߊ߲ ߣߴߊ߬ ߣߐ߬ߝߍ߬ߞߏ ߟߎ߫ ߞߊ߲߬߸ ߡߍ߲ ߞߵߊ߬ ߢߊ߬ ߡߐ߰ ߛߌߦߊߡߊ߲߫ ߡߊ߬. ߊ߬ ߘߏ߲߬ ߡߊ߫ ߢߌ߬ߣߊ߬ ߓߊߛߌߦߊ ߣߌ߫ ߛߓߍߟߌ ߝߣߊ߫ ߞߐ߫، ߊ߬ ߟߊ߫ ߞߊ߬ߝߊ ߏ߬ ߘߏ߫ ߟߎ߫ ߕߐ߮ ߝߟߍ߫:

߁߭- ߘߋ߲߫ ߥߟߏ ߡߊ߲ߜߍ߬ߟߍ߲߬ ߸ ߘߋ߲߫ ߠߊߡߐ߯ ߟߋ߬ ߞߊߜߍ߬ߟߍ߲߬.

߂߲- ߝߘߊ߬ߝߌ߲߬ߠߊ߬ ߕߊ߯ߡߊߘߋ߲߫ ߠߎ߬ ߕߎߣߎ߲߫ ߘߊ߫ ߟߋ߬.

߃߲- ߛߎߘߊ߲ߠߌ߲ ߛߋ߲߬ߠߊ߬ߛߘߌ.

߄߲- ߣߌ߫ ߘߌߟߊ ߟߎ߬.

߅߲- ߡߏ߬ߛߏ ߣߌ߲߬ ߡߛߏ߬ߦߊ.

ߏ߬ ߘߐ߫ ߡߐ߰ ߘߴߊ߬ ߝߐ߫ ߞߏ߫ ߡߊ߲߬ߘߋ߲߫ ߡߛߏ߬ ߞߌ߬ߛߍ߬ߦߊ ߥߎߦߊ߫ ߡߊ߫ ߟߊ߫ ߓߊߥߊ߬ߞߊߟߌ߫ ߟߊ߫، ߞߊ߬ߕߎ߲߯߸ ߡߐ߰ ߛߌߦߊߡߊ߲߫ ߦߴߊ߬ ߟߊ߫ ߓߊߛߌߞߏ ߟߎ߬ ߣߴߊ߬ ߟߊ߫ ߖߌߞߏ ߟߎ߬ ߞߊ߬ߟߊߡߊ߬߸ ߏ߬ ߟߎ߬ ߓߘߊ߫ ߡߍ߲ ߢߊ߬ ߢߣߊߡߦߊ ߣߌ߲߬ ߞߣߐ߫߸ ߞߊ߬ ߖߌ߬ߡߊ߬ߝߊ ߘߌ߫ ߡߐ߰ ߛߌߦߊߡߊ߲߫ ߡߊ߬ ߖߌ߬ߣߍ߬ ߞߣߐߟߊ ߣߴߊ߬ ߞߐߞߊ߲ߠߊ ߟߎ߬ ߘߐ߫.

ߣߴߊ߲ ߛߋ߫ ߘߊ߫ ߦߋ߲߬߸ ߊ߲ ߘߌ߫ ߞߎߡߊ ߟߊߘߎ߲߫߸ ߖߐ ߦߴߊߟߎ߫ ߓߍ߯ ߡߊ߬.